Lukas 20:11 - Eipomek

¹¹ Winibikopura, awa tuku deiyoknye birye, el pil donanye yuknye ton, ‘Anang dam binul’ tenen, dopdeibukce, “Bilyame,” nyabukura, biyuk. Anang dam biyukopura, anang arye anye babye, weik wenebikce, bokuka obikura, anggur tapu duk arena kumce el nong demuk dopkwetebik.

Lukas 20:11 ပူးပေါင်းရင်းမြစ်များ

Hosea 10:1

Allah arye nyapdeibukba, nabi Hosea birye sekuk yupu ara, ani. Anggun Israel nang nirya ara, minop talak anggur tapu pia weik moulamle atonun ulamlume. Bukni, winibuka telebuk upnin balamik talak ara, sikce, ‘Talye ning si erenamapʼ tenen, isa si erena ap, isa arena ap ati, sikce pala keil dobuka, yangapdeiamikce, mesba-mesba weik tonun kintinip deiamik. Atonun, sik Israel nang telebuk upnin balamik touk, ‘Isa Asyera si erenamapʼ tenen, lak kin ning, el si ‘tugu berhalahʼ, cang weik yo weik tonun tonap ikukabikce, isa si erena ati moulamikce, aisa mer si erelamikce, malye weik ulamik.

Markus 12:4

Winibikopura, awa tuku deiyoknye, ila tamubuka, el pil donanye, yuknye ton anang dam dopkwetebuk. Dopkwetebukba, awa tuku tia talak ati talyamik nang arye tonap, dopkwetebuknye, kisok cobuka obikce, el nong deice ikin ning weik deibikopura, el obiknye alye ubukura, biyuk.

Lukas 20:10

Biyukce, daulamuka ani, anggur tapu duk ekna talak akunum ubukura, anggur tapu duk mek arye dekuka delice ning, ‘Yo bok ara arepnamnak’ tenen, el pil donanye tonok dobuka deibukura, el anggur tapu duk wa tia dopromik nang dam biyuk. Biyukura, awa tuku tia talyamik nang eibikce, anye bira, el nong talibuka weika arye bokuka obik. Obikopura, anggur tapu duk arena kumcuk, “An ni dam talye nong dem bindoplyam,” nyabuka dopkwetebik.

Lukas 20:12

Winibikura, awa tuku deiyoknye birye, winilinye ton dopdeibukura, anye babye, atonun bokuka opnin balamika ani, awa poka buru tam dopkwetebik.

Rasul 7:52

Allah el yupu laka nyalamik nang, nabi-nabi nang ulamik talak ara, anggun apu yapu arye tonok babye ton, sik nong deice ikin ning kum delilamik do? Kume nabi-nabi nang ati ara, ikin weik ning sik nong deice delilamlume. Tonda, Allah el yupu laka nyalamik nang arye, “Diksukum ululnye yanamle,” nyabuka, laka nyalilamik nang ababye, anggun apu yapu arye onauk ulamik. Ara, wini talak ara, anye binyuk Diksukumuk Ululnye Yesus ati, minyuma akunum oplume.

1 Tesalonika 2:2

Anggun kele, minop talak ara, Pilipi mutuku beipu ura, malye nang arye nunti ngaluklamsikce, nun nong deice ikin ning weika arye deililamsike. Tonda, yuk nang arye, nun peteren yupu ap, nun ap ati, ‘Lyeklopnamap’ tenen, yanipdesik bukni, nun ni Allah melyamsuka deice arye, balye tam kipsuk deice, arye ilil kum, upsuk akarye el laka teleb yupu, ninye lyena yupu peterelamsupu.