Lukas 2:7 - Eipomek

⁷ Mi deiya koubuka dinmoka ani, Maria arye sal mi minop deibuk. Betlehem mutuku ninye asik nang malamik aik ara lo pia ton kum ubukce, libukura, Maria buru tam aik el mi deibukopura, domba basam dina ati yangabuka deiamikce dina yangabuka arilamik deice deibuk. Tonda, cang baju kwelikukabukce, aning arye ami pakubuka deibuk.

Lukas 2:7 ပူးပေါင်းရင်းမြစ်များ

Kejadian 42:27

Bisik banmika ani, inipnubuk talak ara, sik nirya bisik noutamak, ‘Asukum mapnuyap’ tenen, bukmek. Sik abukmek talak ara, sik noutamak tonoknye birye, ‘Na unta basam ati, jagung duk arepnun’ tenen, tonok karum botobuka dipdeyukura, el dekna weik ning, perak asak pum bisik upmoka eibuk.

Mazmur 22:6

Bukni, nara ninye kume. Nara, pia malinye ati ara, kuluma atonunye wininune. Wininuna ati, yuk nang nirya arye nati, “Elda malye wininanye,” nyabuka, yep-yep nyabuka nalilamnikce, akutulamnike. Yuk ninye nirya arye nati, ‘Anye nun like,’ teneninyake.

Keluaran 4:24

Allah arye nyabukura, Musa bisik banmok talak, bisik noutamak, yuk nang aik domikak mapnuyuk talak ara, Allah el si Yahweh yanuka, ‘Musa opnamane’ tenen, kintinibuk.

Yesaya 7:14

Ati, wini talak ara, Allah elcuk apeten kina ning ara, anggun dam pitin kipnamsile. Aning ara ani. Dipkoprop ninye dona kum wel kil tonok arye, mi bomlya ani, sal mi deipnamle. Akunum deiplyopura, ami el si ara, Imanuel nyanamake.

Matius 1:25

Yusuf arye Maria domuk bukni, akil ap neika mana kum diparyuk, Allah El Dib Kanye mikip deice arye sal mi deibuk. Sal mi deibukopura, Yusuf arye, “Ami el si ara Yesus,” nyabuk.

Matius 13:55

“Anye bira, ara nun mutukunye birye, Yusuf elce deibuk mi do? Anye bira yo cakuka marikna memebuka dolinye koprop ulule. Diba de, nun makal kil Maria arye deibuk mi ara, el akunum atia. El weit kopropa capu ara, Yakobus ap, Yoses ap, Yudas ap, Simon ap, sik amutuku unyake.

Matius 8:20

Nyabukura, Yesus arye anye biti tamubuka nyabuk. “Kabang atonun ning do, yuk talya buru tam ulamle ning do nirya, tuku dekuka aik dobikirye unyake. Maka yala nirya, sik asik ara, yo deice dobuka unyake. Tonda, yo taruk deice manyake. Kabang el asik ara, yo peia pum ton malule. Kabang ap, maka ap, sik asik aupmal bukni, nada Ninye Mi Koprop Atonunye bira, na aik koproba kum ati, na manak ton kum upnuke,” Yesus arye nyabuk. “Na ti dobolyaniminyopura, ikin upnamkila ati, aning tenena kum diparyuk yanamlam do, bataknalam do?” Yesus arye, Musa yupu peterena deiyoknye biti nyabuk.

Lukas 10:34

Bico tenebukce, opmeknye dam biyukce, el suse kitibuka kweten ning, suse deice deibukopura, anirya kitibuka teleb updeibuk. Winibukopura, oplopmeknye bira tomobuka, el keledai basam balye deice deibukce bobanmoka ani, bisik noutamak ninye asik nang tia malamik aik binuka deibuk. Binuka deibukura, anyaik mapmarik.

Lukas 2:6

Betlehem mutuku birikce unmarik talak ara, Maria mi deiya koubuka dinmok.

Lukas 2:8

Maria arye Yesus deibuk sum lukunyanuk, Yesus deibuk aik ara, mitikto yukak upmokura, domba wein nang sik domba katak mutuku weinmek.

Yohanes 1:14

Yupu nyalamapnye bira, ninye nong atonun dayukce, tukwak mutuku yayukura, nun kan-kan noutamak neika ulamubu. El pia teleb ubuka ulamukba, elilamubu. El pia teleb ulula ara, talye ati kume. Ara Allah el Mi Koprop tonok ululnye bira, el uka. Allah el Mi Koprop ulamukce, el dipkoprop una ap, el dipkoprop yupu nyana ap, el kanye aryuk tukwak ninye ati bico tenebuka, pia melina deiyok ning ap, anye deice weik arye uamuk. Nun ni koprop Allah arye anye bira dopdeipsukba, pia telebuk ulamukak, elilamubu.

2 Korintus 8:9

Aning ara talye ati kum nyapsine. Deiyok ara ani. Nun Deiyoknye Yesus arye nun nirya ati, bico tenelamsukce, weik arye melyamsuk touk, ‘Nun babye atonun wininamap’ tenen, nyapsine. Ara, anggun kele, nun Deiyoknye Yesus, el kanye aniryuk bico tenenyamsukce, melipsuka deice arye, teleb kipdeipsuke. Elda im deice pia weik sisinanye ulamuk bukni, nun melina ati ara, talye bona utotowa talina kum nang atonun dayukce, tukwak mutuku yayuk. Winibuka ulamuk ning ababye, deiyok aupmale. Ara, el talye bona utotoa talina kum nang atonun dayukce, pil dopsuka deice arye, ‘Sik tukwak ninye ara, bona utotowa talina kum ninye atonun unyak bukni, narye aninye lyepnyopura, sikda bona weik talilamak ninye atonun unamake,’ tenebuka wipsuke.

Galatia 4:4

Isa Mutuku Dongonye ap, mer nirya ap, sik amu tam ulamuburye, tukwak mem ninguk talibuka ulamubu bukni, Allah arye, ‘Atalak ani,’ tenyamuk touk akunum winibukopura, Allah arye el Mi Kopropa dopdeipsuke. Allah el mi Yesus dopdeipsukba, Allah El Dib Kanye mikip deice arye tonok kil arye ami deibuk. Akil arye Allah el mi deibuk talak ara, nun Yahudi yala ninye nirya, Allah arye, “Aning ara wininamlulume, aning ara kum wininamlulume,” nyapdeibukba, Musa sekamuk yupu talibuka ulamuburye, amem yupu amu tam atonun ulamupe. Aning atonun, ami Yesus babye, Musa sekamuk yupu amu tam ulamuk. Musa sekamuk mem yupu amu tam bukuka ulamubu bukni, Allah arye el mi dopdeibukba, atalak yayuka deiyok ara ani. Ara, Allah arye nunti, ‘Musa sekamuk yupu, mem yupu amu tam unyak ninye ara, deknamne.’ Na Mi Kopropa arye aninye deklirye, mem ning amu tam unyakak arye lobuka lyepnirye, ‘Na mapu kopropa unamak’ tenen, diba tenenyak ninye ara, teleb kipdeipnamne. ‘Winipnyopura, narye sikti, kintinyamse ning nirya arepniba, sikce dopropnamak,’ tenyamsukce, el mi Yesus dobuka areamsuk.