Lukas 2:51 - Eipomek

⁵¹ Amenyan ara, Yesus ap, sik bitinye ap, sik mutuku kopropa Nasaret mutuku tamubuka biyikopura, el lin el li nyalamrik yupu nirya kekebuka ulamuk. El lin Maria arye, Yesus nyanmok yupu ap, sik elinmarik ning ap, aning nirya ara, el kanye pum tam pia teninmok.

Lukas 2:51 ပူးပေါင်းရင်းမြစ်များ

Kejadian 37:11

Yusup el du yapu nirya, sik talima tulum ubukba, Yusup biti, malye kanye bobikce, ‘Nunda weik nang kiptibye, elda kume’ tenelamikce, malye kanye bolamik. Winilamik bukni, Yusup el li koproba Yakub, el tonok ara, Yusup birye nuklamuk ning kekebuka, kanye pum tam bolamuk.

Mazmur 119:11

Na ni Allah, ance peteresilyam yupu nirya ara, na kanye noutamakuk, pia moubuka deipnirye, aninguk tenebuka wininune. Winibuka unyopura, narye an dam ton, malye ubuka kum kilinamne.

Daniel 7:28

“Ayupu nirya ara, na Daniel lengdar mapsirye, dinmasiba, wininmokak eipse ning ap, anye birye laka nyapnuk ning ap ati, kanye imun upnuk. Winipnuka anya arye, akekepse yupu ara, narye ninye yuk nang dam kekena ati, kum laka nyapse. Aning eipse ning ap, kekepse ning ap nirya ara, akunum laka nyapne. Akunuma,” Daniel birye nyabuk.

Matius 12:46

Yesus anyaik bukmokce, awekmek nang ati tuba nyanmok talak ara, el lin koprop ap, el weit yapu koprop ap arye, ‘Yesus ap yupu taliptibye’ tenen, Yesus dam yayik. Aik yanuka tikikce, ‘Yuk nang arye Yesus binuka nyapdeipnunyaka’ tenen, nyabik.

Matius 3:15

Nyabuk bukni, Yesus arye tamubuka nyabuk. “Kume, Allah arye nunti, ‘Winibuka diksukumuk unamake’ tenepsuk touk, diksukum ninguk wininuyaba ati, wini talak ance mek dongopnilyame,” nyabuk. Nyabukura, Yohanes arye telebe nyabuka Yesus mek dongobuk.

Markus 1:9

Yohanes ayupu peterelamuk talak ara, Yesus Galilea tam bukni, Nasaret mutuku arye, Yohanes birye dib tenen ninye dobuka mek dongolamukak yayuk. Yesus ara, Yordan mekin yayukba, Yohanes birye Yesus mek dongobuk.

Markus 6:3

Tonda ayupu ton nyabik. “Kume anye bira, nun mutukunye binye, yo cakuka marikna memelinye, eluk do? Diba de, Maria arye deibuk mi, el akunum atia. El weit yapu, Yakobus ap, Yoses ap, Yudas ap, Simon ap, sik aunyake. Tonda, el weit kilapu babye, nun ap, aunmabe,” nyanmek. Nyabikce, ‘Yesus ati yu weik ubuka ati ara, elda talinye binya’ tenen, elti, lik ubukura, ‘Nun like’ tenen, batakik.

Lukas 18:37

Asipdeyukura, yuk nang arye, “Yesus Nasaret mutukunye yanganmale,” nyabik.

Lukas 2:19

Sik ngalukunmek bukni, Maria arye el talima noutam aryuk kanye, pia tenilamuk.

Lukas 2:39

Maria ap, Yusuf ap Allah arye, ‘Wininamlulume,’ nyapdeibukura, Musa birye sekamuk yupu noutam nyapdeiamuk touk, akunum winiprikopura, Yerusalem mutuku batakuka, sik mutuku kopropa, Galilea tam noutamak bukni, asik si ara Nasaret mutuku, tamubuka birik talak ara, Yesus bobuka birik.

Lukas 4:16

Aninye nyalamik bukni, Yesus el nemuk mutuku Nasaret biyukce, amutuku-amutuku nirya winilamuk touk, Yahudi yala ninye sik dikdik sen sum deice arye, sik Allah yupu peteren aik wekuk. Wekukopura, el pia winilamuk touk, ‘Allah yupu peterepnun’ tenen, tikukopura, Allah yupu buku dobuka arebik.

Lukas 4:23

Nyaldanmek ati, Yesus arye anang ati nyabuk. “Na dipkoprop nyapsine. Domon yupu anyapnusin yupu ara, aminyan ara ila tamubuka nyapnamnulume. Ara, ‘Ninye kwetena deiyoknye ance an bidamang kwetepdanulyame,’ nyapnamnulume. Tonda, ‘Kapernaum mutuku noutamak mambul pil dolamlumak yuk nang arye laka nyanyakak kekenyap ara, an babye, neplum mutuku pil dopsiminyak eipnuyabe,’ nyapnamnulume.

Efesus 5:21

Tonda, anggunce Kristus ati, ‘Elda mambule, nun Deiyoknye usulule’ tenen, winimunya deice arye, anggun ap, neika umunye ninye ati ara, sik amu tam bukuka nimalye arye, unamlume. Kanye talima kum ereldanamlulume.

1 Peterus 2:21

Anggunce telebuk upmunyeura, deiyok kum, kum upmali bukni, yu nang arye, anggun nong deice, ikin ning delisinyaka ara, Allah arye aning akunum tenyamsukce, ‘Sikda namin kipliba teleb arye dakeiyam asa unamak’ tenen, Allah arye nyapsuke. ‘Wininamak’ tenen, nyapsuka deiyok ara, nyapnusine. Ara, Yesus Kristus arye lyepnamsuka ati, el nong deice ikin ning weik deibik ati, ikin kanye bobuka, uk weik ati donmoka ara, Allah arye, ‘Anggun bapye unamlume’ tenen, winipmanto ning ati, kunum pitin kipdeipsuke. Ara, ‘Yesus ikin weik ubuk bukni, namin asa arye, namin kibuka, teleb kibuk touk, anggun bapye atonun wininamlum’ tenen, wipsukce, nun diba tenenyab nang ati, pitin kilin nang atonun kunum kipdeipsuke.