Lukas 2:40 - Eipomek

⁴⁰ Birikce, sik daulamika ani, Allah arye Yesus ati, kanye deililamukce melilamukura, weik arye nepnin balamukce, el nong mikip ap, Allah winin ning kel bikna deiyok ning ap, el kanye talima noutamak, weik upnin balamuk.

Lukas 2:40 ပူးပေါင်းရင်းမြစ်များ

Mazmur 22:9

Sik diba tenena kum ninye arye, nyaninyak bukni, na ni Allah na kele. Diba, na ni Allah ance na nin mun pum bomnuk talak melilamnulumba, deiamnuke. Tonda, ance na nin melilamlumba, elce nati moum dilamse talak arye, dipdongobuka teleb kibuka kaliklamnukba, teleb aryuk nepra balamse.

Mazmur 45:2

Na talima noutam ara, pia teleb yupu nyan ning upmanila ati, amot seknune. Amot ara, nun mutuku noutam ara, ninye deiyoknye, nun Raja si erebuka kina ati, amot sekuka arepnamne. Na si bambol deice arye, nyapnun yupu ara, kel weik yupu seknanye birye seklamle touk, nyapnune.

Lukas 1:80

Yohanes el nong nepnin balamuk talak ara, el kanye talima mikip weik arye wisipnin balamuk. Akunum nepnin balamuk talak ara, ninye ap, mek ap, pia kumak dabinuka ulamuka ani, Allah arye ‘Wininamle,’ tenyamuk pil, el pil lakak deiyok koubuk talakuk, yuk Israel ninye ulamikak biyukba, Israel kili sal nirya elilamikce, er ti kil bikamik.

Lukas 2:47

Sik peterena deiyok nang arye elti, asinmekbuk, elce tamubuka sikti, nyanmok yupu nirya kekenmek nang nirya ara, ‘Se yata wiribuka arye ami aning-aning bikam turye laka nyaptu do? Se ami ara, pia kel weik mi,’ tenebuka ngalukunmek.

Lukas 2:52

Allah arye Yesus ati, kanye deibukce, pia melilamukura, Yesus el nong ap, Allah arye winin ning kel kina deiyok ning ap, weik winilamukura, ninye nirya arye elti, kanye delilamik.

Yohanes 1:14

Yupu nyalamapnye bira, ninye nong atonun dayukce, tukwak mutuku yayukura, nun kan-kan noutamak neika ulamubu. El pia teleb ubuka ulamukba, elilamubu. El pia teleb ulula ara, talye ati kume. Ara Allah el Mi Koprop tonok ululnye bira, el uka. Allah el Mi Koprop ulamukce, el dipkoprop una ap, el dipkoprop yupu nyana ap, el kanye aryuk tukwak ninye ati bico tenebuka, pia melina deiyok ning ap, anye deice weik arye uamuk. Nun ni koprop Allah arye anye bira dopdeipsukba, pia telebuk ulamukak, elilamubu.

Rasul 4:33

Yesus el wipdeiamuk Rasul nang arye, Yesus el kam bukukura, eibik ati, mikip deice arye nun ni Yesus el kam bukuk yupu pia teleb kibuka yupu peterepra balamik. Tonda, apeterelamik nang babye, talye yuk ninye Yesus ati dib tenelamik ninye babye, Allah arye weik melilamuk.

Efesus 6:10

Winira na kayapu, asurat sirya dakna ati, yuk yupu ton nyapnusine. Anggun ap, nun Deiyoknye Yesus ap, talima dukdongobuka neiktoto unamlum talak noutamak arye, el mikip weik arisilya deice arye, lamapdongobuka mikip arye, unamlulume. Mikip unamlum ning ara, Allah el mikip deice aryuka.

2 Timotius 2:1

Ara, Timotiuso, ance Yesus Kristus ati, diba tenebuka el ap, kanye dukdongobuka uminye talak noutam nirya ara, Yesus arye anti bico tenebuka, el kanye aryuk talye melikilya deice arye, pia kanye darapdongobuka, mikip arye unamlame.

Hakim-Hakim 13:24

Sik bitinye daunmarika ani, aminyan talak ara, Manoa el kil sal mi deibuk. Deibukopura, “Ami el si ara Simson,” nyabuka si dobuk. Ami akunum nepnin balamuk talak ara, Allah arye meliamuka deice arye, teleb ubuka nepnin balamuk.

1 Samuel 2:18

Ura, Eli el mapu bitinye arye, malye weik winilamdik bukni, atalak babye, Samuel el nong nena kum bukni, Allah el aik pum tam, pil melinanye ulamuk. Atalak ara, Allah el aik pil don nang, ongolamak baju, pia teleb kurun baju ongobuka, apil dolamuk.

1 Samuel 2:21

Ati ara, Allah Yahweh arye, Hana biti teleb kipdeibuk. Teleb kipdeibuk ati ara, atalak aryuk, Allah arye, mapu weik arelamukba, Hana birye, sal mapu winilye ap, kilmapu bitinye ap, deiamuk. Winilamuk talak babye, Allah el si Yahweh, el si eren aik yangalamuk talak ara, Samuel bira, anyaik dam bukni, Elia melibuka, moubuka pil dolamukce, el nong tonap nepnin balamuk.

1 Samuel 2:26

Bukni, awinilamrik talak ara, Samuel bira akunum nemukce, kanye akunum wisamuk. Tonda, Israel ninye ap, Yahweh ap arye, el Samuel biti, ‘E, elda telebnye,’ tenelamikce, kanye el deice delilamik.

1 Samuel 3:19

Ura, atalak arye dipdongobuka, dotalak noutamak nirya ara, Allah arye, Samuel biti melilamukba, nepnin balamuk talak noutamak nirya ara, Allah arye nyalamuk yupu nirya, tonok babye kum batakuke. Samuel ayupu nirya kekebukce, laka nyalamukopura, Allah arye, ‘Winipnamne. Winipniba aning ton winipnamle,’ nyapdeibukba, Samuel birye, Israel ninye ati, laka nyalamuk yupu nirya ara, dipkoprob winilamuk.