Lukas 2:38 - Eipomek

³⁸ Winilamuka anya arye, Maria ap, Yusuf ap, anyaik abobuka unmarik talak ara, Hana sik dam yayukce, Allah ati, “Telebe,” nyanmokce, Yesus winipnamuk ning ati laka nyabuk. Tonda, ‘Allah arye nun Yerusalem mutuku unyap ninye lyepsutue’ tenen, dilamik nang anyasik unmek nang sik kekena ati, Yesus arye aminyan talak winipnamuk ning ati, yupu ton laka nyabuk.

Lukas 2:38 ပူးပေါင်းရင်းမြစ်များ

Markus 15:43

Kintinibuka delin sum akunum ubuka anya arye, ambusum kum pil dopmanto sum ati, inibukura, tonoknye el si ara, Yusuf Arimatea mutukunye, ilil kum asa malye kibuka, elce, ‘Pilatus dam binuka moropnyeba, Yesus el nong arepnunil’ tenen, Pilatus dam morolbiyuk. Yusuf Arimatea ara Yahudi yala nang, sik yupu bokolina deiyoknye ton ulamukce, Sandeheren nang ap, pil dobuka ulamik. Yusuf ara, Sandeheren nye ulamuk bukni, el babye, ‘Allah arye ninye mutuku-mutuku nirya noutam arye ninye weik lyeplirye, sik talima talinamle talak yanamle’ tenen, Yesus ati diba tenebuka kintinibuka dilamuknye ulamuk.

Lukas 1:68

Zakaria arye aminyan talak upnamle ning ati, ayupu nyabuk. Nun ni Allah ara telebnye ulule. Nun Israel ninye pia kalikuka melisulul Allah ati el si erebuka kipne. Ara, Israel ninye el mapu nun lyena ati, akunum yanuka kintinipmasila ati, el si erebuka kipne.

Lukas 2:25

Sik Yerusalem mutuku birik talak ara, tonoknye el si ara Simeon, Allah pia talibuka diksukumuk ulamuknye aunmok. Simeon ara, Allah lyepsilirye, nun talima ap, nun Israel tam nirya ap, pia talinamsil talak ara, ‘Wini talak yanamle do, yata talak do?’ tenen, pia kintinibuka dilamuk. Winilamuka anya arye, Allah El Dib Kanye arye Simeon ati, el mikip weik areamukura, ulamuk.

Lukas 2:36

Atalak ara, tonok pia wisi kil el si ara, Hana ulamuk. Hana ara, Asyer yalanye, Fanuel el kilmu bukni, ninye akunum domukce, keting tamun tekbarye neika ulamrika ani, el sal dibukopura, yuwakuk ulamukce Allah arye, elti, nyapdeiyamuk yupu laka nyan kil, nabi kil ulamuk. Winilamuk ning ara, keting noutam babye, lukunyan babye, pia batakna kum arye, Allah moronauk ulamuk. Ton talak ara Allah kina ati, dina kum si tebuka bataklamukce, Allah arilbalamik aikuk ulamukce, Allah morobuka ulamuk. Winipra ulamuka ani, keting tamun 84 tahun akunum wise danamukce daulamuk.

Lukas 23:51

Yusuf ara, Sandeheren nang ap ansinibuka pil dolamuk bukni sikce, ‘Yesus opnuyabe,’ tenebikce obik ning ara, elce ton, ‘Teleb dawinipnamake,’ kum tenebuk. Tonda, Yusuf el babye, diba tenebuka, ‘Allah arye ninye mutuku-mutuku nirya weik lyeplirye, sik talima talinamle talak yanamle’ tenen, kintinibuka dilamuk.

Lukas 24:21

Se, nunda, ‘Yesus arye, Roma mutuku nang amu tam ulamibyak loplopsilirye, Israel ninye nirya lyebuka talipsilirye, nun Weik Deiyoknye eluk unamsil,’ tenelamubu bukni, sik anang arye Yesus obike. Tonda, sikce Yesus obikura, liki winilye sum akunum uple.

2 Korintus 9:15

Na Paulus arye ayupu ton nyapne, “Allah, ance aresilyamnye bira, weik mambulnye bira, nun ninye nyalamap yupu deice aniryuk teleb kibuka kum laka nyaptibye. Elti tenebibirye, anti, ‘Nun ni Allah, anda pia telebe,’ nyabuka an si erekinyabe.” Na Paulus arye nyapne.

Efesus 1:3

Nun Weik Deiyoknye Yesus Kristus, el li kopropba Allah ati, “Telebe,” nyabuka pia nyanamabe. Kristus ap, kanye talima dukdongopsuka deice arye, akunum teleb kipdeipsuke. Ara, nun kanye talima teleb kilina ati patasilye ning nirya ara, im deice arye, akunum kintinibuka deiamsuke.