Nyabuka ati, Allah el aik pum tam pil dona deiyoknye Hilkia ap, Ahikam ap, Akbor ap, Safan ap, Asaya ap, sik nirya ara, Allah el yupu lak nyan kil tonok, el dam biyik. Akil ara nabi ulamuk. El si ara Hulda biti, anang arye, ‘Nun yata wiripnamap do?’ tenen, “Allah tenelye ning ara, ayupu nirya lak nyapsilyame,” nyabuka binuka morobik. Akil ara el akanye el si ara, Salum. Salum el li koproba el si ara, Tikwa. Tikwa el li koproba el si ara, Harhas. Harhas el pil dolamuk ning ara, amutuku weik deiyoknye Raja, el ongolamuk baju kintinilamuknye ulamuk. Tonda Hulda el ulamukak ara, Yerusalem mutuku noutam bukni, distrik kedua nyalamikak ulamuk. Anang arye, akil dam binuka asipdeyikba, akil arye, sik yupu nirya kekenmok.
Lukas 2:36 - Eipomek36-37 Atalak ara, tonok pia wisi kil el si ara, Hana ulamuk. Hana ara, Asyer yalanye, Fanuel el kilmu bukni, ninye akunum domukce, keting tamun tekbarye neika ulamrika ani, el sal dibukopura, yuwakuk ulamukce Allah arye, elti, nyapdeiyamuk yupu laka nyan kil, nabi kil ulamuk. Winilamuk ning ara, keting noutam babye, lukunyan babye, pia batakna kum arye, Allah moronauk ulamuk. Ton talak ara Allah kina ati, dina kum si tebuka bataklamukce, Allah arilbalamik aikuk ulamukce, Allah morobuka ulamuk. Winipra ulamuka ani, keting tamun 84 tahun akunum wise danamukce daulamuk. အခန်းကိုကြည့်ပါ။ |
Lukas 2:36
18 ပူးပေါင်းရင်းမြစ်များ
Allah arye milikilya deice arye, an babye ulaminya ani, pia wisi deipmince, nong mikip tuba unamlam karin aryuk, dipnamlame. Allah arye bico tenesilye ninye nirya babye, atonun unamabe. Winipmanto ara, wa wiamice bukni, pia wisiplyeura, lilamak tonun upnamabe. Elifas birye Ayub biti, ayupu nirya nyabuk.
Winipmanto ning ara, teleb yo yala bobuka, an si eren aik dam koubikiba, weik palamle. Winiplyeba, dola kwelamak touk ance melisiminyeba, sik diksukum wininyak nang ara, telebuk wininamake. Diba, an si eren aik dam, mitik yo koubiceba, weik palamle atonun, sik diksukum wininyak nang ara, ance areamsulum mutuku, Israel nang unyap mutuku noutam nirya ara, telebuk wininyabe.
Aning nirya winibuka, ati ara, tonok kil el si Miryam birye mot sebuk. Allah arye laka nyalamukba, Miryam kekelamukce Allah el yupu laka nyana kil ulamuk. Miryam bira, ara Harun el du kul ulamuk. Elce deiyok koubuka, lelim nyana ning rebana dobukabukce, taruk tapne arye bokuka mot menekuka nyanmokba, Israel kilapu nirya kanye deibuka mot senmek. Sik nirya arye rebana ning dobuka taruk tapne arye bokukapna arye, mot senmek.
Allah Yahweh arye, na Yeheskiel biti, nyapnuk. Wini talak ara, Yeheskiel anda ninye koproba aryuk deipkiknye ulyame. Anda sik amutuku ukirye, malye-malye unyak kilapu ati, wenepnalyame. Ara, amutuku noutam arye, sik akilapu nirya ara, ‘E, sik nabi-nabi nang arye, mambul yupu nyanyak touk, nun babye atonun kibuka nyaptibye,’ tenebikirye, sik kanye deice aryuk tenibuka, talye-talye yupu nyanyak kilapu ati, ance weik tonun, wenen yupu nyapnulyame.
Winilamuka anya arye, Maria ap, Yusuf ap, anyaik abobuka unmarik talak ara, Hana sik dam yayukce, Allah ati, “Telebe,” nyanmokce, Yesus winipnamuk ning ati laka nyabuk. Tonda, ‘Allah arye nun Yerusalem mutuku unyap ninye lyepsutue’ tenen, dilamik nang anyasik unmek nang sik kekena ati, Yesus arye aminyan talak winipnamuk ning ati, yupu ton laka nyabuk.
Bukni, yata kilapu do nirya, ninye bulubuka wekmakcak arye, Allah ati morolamak talak ap, Allah yupu peterenyak talak ap ara, kilapu nirya arye, sik kisok kalun ning kum ongobikcopura, sik deice tam unyak nang, sik dolalamak nang sik akanye yapu ati, malye kilinyake. Cang kain arye, kisok kalun kain, kisok deice kum kalubicopura, sik kisok potong nirya, dilo colamaka atonun wininyake. Nun nirya akunum kele, kilapu ara, kisok potong nirya dilo coptingopura, ‘Malye wininmake,’ tenenyabe.
Ara, Yesus dib teneluluma ati, nun du weit atonun ululum ninyeo, anggun sal babye, kilapu babye kekepnululume. Allah arye, nun dib tenen ninye ati, ‘Teleb pil donamniak’ tenen, urdem aryuk aresilye pil dona deiyok ning ati asipdenuluma anya arye, yuk yupu ton nyapnusine. Ara, ‘Anggun walwal asa kum unamlulum’ tenen, nyapnusine.
Ara, Allah yupu peteren nang. Sik deiyok talibuka pil dopmanto ninye adiparyuk wininyak ning lak nyapnukine. Sikda, malye winina pia kum winilamikibuk, yuk nang arye, “Anang wininyak ning ara, ani-ani,” kum nyapmanto nanguk, wibuka delina telebe. Sikda, kilapu tonokuk dobuka unyakce, ‘Talye kanye bobuka unune,’ tenena kum aryuk, sik bidamnye ati bita dilakirye, teleb winina ap, ninye minop wana ap, yu pola una kumce, nimalye arye una ap, anirya wininamak nang ara, apil dopnamtinge. Ato nang ati ara, yuk ninye arye, “Anang ara, dipkoprop teleb wininyake,” nyabuka, tenelamak nanguk apil dopnamtinge. Tonda, yuk ninye do, ninye asik nang do, sik aik buplan kukulinyak nang wibuka delina telebe. Tonda, yuk nang bikna ati, teleb kibuka peterepting nang wilina telebe. Winilamice ninye uka. Yuk unyak ninye ara, wilina kume.
Ara, Allah yupu asik buku noutamak youwak kilapu melinamluma ati, si sekna ati ara, anyapnukin ning wininyak kilapu, sikuk si sekna telebe. Sik wisi danana ara, keting tamun yupa weik 60 tahun atonun akunum uplye kilapu. Tonda, sik akanye yapu tuba kam ulamik talak, batakuka yuk nang kum dolamak kilapu sik siuk sekna telebe.
Asyer yala ninye noutamak arye, yupa weik 12.000 nang wibuka, sik asok deice pitin kilin ning taplakuk. Naftali yala ninye noutamak arye, yupa weik 12.000 nang wibuka, sik asok deice pitin kilin ning taplakuk. Manase yala ninye noutamak arye, yupa weik 12.000 nang wibuka, sik asok deice pitin kilin ning taplakuk.
Atalak Israel ninye, sik ninye deiyok kil, el si ara Debora birye, Israel ninye talibuka ulamukce, sik yupu lipsisikuka bokolina deiyok kil ulamuk. Tonda, Allah arye nyapdeibukba, el yupu kekebuka yuk ninye ati, laka nyalamuk kil ulamuk. Tonoknye, el akanye si Lapidot birye, akil Debora dobukce, sik neika ulamdik.
ကြော်ငြာတွေ