Lukas 2:12 - Eipomek

¹² Betlehem mutuku bimunyopura, ‘Ami ara ani’ tenen, pitin kin ning eipmumce, kel biknamluma ati, baju kitibuka domba din tarika deice deipmalyak eipnamalume. ‘Anyapmasu mi ara, ani,’ biknamalume,” nyabuk.

Lukas 2:12 ပူးပေါင်းရင်းမြစ်များ

2 Raja-Raja 19:29

Nabi Yesaya birye ayupu lak nyabukopura, ayupu ton dukdongobuka Raja Hizkia biti nyabuk. Raja Hizkia, anda, ‘Allah arye, wininamle ning dib tenepnalam’ tenen, lak kilin ning winipnamkila ara, ani. Aminyan winipnamne ning deiyok ara, ance, ‘Aning nirya ara, dipkoprob winipnamle’ tenen, ‘Dib tenebuka kel biknalam’ tenen ati ara, narye, lak kilin ning arepnamkine. Allah arye, nyapkile. “Anyapdeipnukin yupu ara, an deice winipnamkila ati, lak kilin ning ara, ani. Ara, aketing tamun ara, anggun Yehuda tam ninye arye, koulamlum ning kum bukni, elbiyuk arye, talye buru tam palamle ninguk dinamlume. Oketeng tamun bitinye ning ara, aning atonun bukni, talye palamle ning dinamlume, keting tamun tonok ning el yala ning ton sakuka paplirye moulyopura, aninguk dinamlume. Wininamlum bukni, keting tamun winilinye ning deice ara, wa wilamunye ning, moulyopura, libuka dinamlume. Tonda, anggur tapu duk dokamunya ani, duk mouplyopura, weik arye, dakuka dinamlume.”

2 Raja-Raja 20:8

Nabi Yesaya arye, anyapdeipmok touk, min kum winipmik talak ara, Raja Hizkia birye, Yesaya biti asipdeyuk. “Mapmanya ani, like winilye sum, Allah arye nauk dinilye ning ati, kwetelina ap, tonda Allah Yahweh si eren aik noutam binuka, el si erenamne sukum ap ning ara, yate ning bikilina ati, lake kiptua deice arye, ‘E, kwetepmanilba, Allah Yahweh el si eren aik wekuka, el si erepnamneʼ tenen, biktinye do?” nyabuka, asipdeyuk.

Mazmur 22:6

Bukni, nara ninye kume. Nara, pia malinye ati ara, kuluma atonunye wininune. Wininuna ati, yuk nang nirya arye nati, “Elda malye wininanye,” nyabuka, yep-yep nyabuka nalilamnikce, akutulamnike. Yuk ninye nirya arye nati, ‘Anye nun like,’ teneninyake.

Keluaran 3:12

Nyabukura, Allah arye, “Kume, na ap pia neika unamname. Pia kum bataknamkine. Anda, ‘E dipkoprop, Allah elcuk dopreipnuke’ tenen, ‘Kel biknamlam’ tenen, mambul ning tonok arepnamkine. Narye an melipkineba, Mesir mutuku noutamak arye, Israel nang bobuka, akunum bobiminyopura, atalak ara, Horeb mutuku, tonda amutuku si Sinai mutuku deice, na siuk erenamlume,” nyabuk.

Yesaya 7:11

“Ahaz, ance si erelyam Allah, el si Yahweh ati moronulyame. Ara, ‘Allah arye yata ning ton pitin kipdeipsutuba, eiptibirye diba teneptibye do?’ tenen, moronamlyame. Allah Yahweh elce anggunti, pitin kipdeipnamsil ning ara, ninye dipna arye banyak sukum ara, yukak outam do? Im deice tam do? Ance tenepminye touk, moropminyopura, Allah arye pitin kilin ning arepsutuba, ikin kum uptue.” Allah arye, nyapdeibuk.

Yesaya 7:14

Ati, wini talak ara, Allah elcuk apeten kina ning ara, anggun dam pitin kipnamsile. Aning ara ani. Dipkoprop ninye dona kum wel kil tonok arye, mi bomlya ani, sal mi deipnamle. Akunum deiplyopura, ami el si ara, Imanuel nyanamake.

Lukas 2:13

Ayupu akunum nyabukopura, Allah arye nyalin yupu laka nyan nang weik arye minop yayik. Amalaikat yupa weik ap, asum yanmok malaikat ap, Allah si erenmekce ayupu nyanmek.

Lukas 2:7

Mi deiya koubuka dinmoka ani, Maria arye sal mi minop deibuk. Betlehem mutuku ninye asik nang malamik aik ara lo pia ton kum ubukce, libukura, Maria buru tam aik el mi deibukopura, domba basam dina ati yangabuka deiamikce dina yangabuka arilamik deice deibuk. Tonda, cang baju kwelikukabukce, aning arye ami pakubuka deibuk.

1 Samuel 2:34

Allah arye ayupu nyabukce, ayupu tonap dukdongobuka nyabuk. Aninguk kum bukni, tonda narye wenepneba, an mapu bitinye Hofini ap, Pineas ap ara, tonok sum aryuk dipnamdake. Sik bitinye dipnamdaka ara, talye ati kume. Ara ance, ‘Se, aning ara, Allah arye wenepmanila’ tenen, kel kipnamala ati, winipnamle.