Lukas 19:37 - Eipomek

³⁷ Yesus bisik banmoka ani, Zaitun mutuku kolukuka bana ati, bisik bokolanak biyuk talak ara, Yesus ati diba tenebikce, melibuka banmek nang nirya ara, Yesus arye ninye winipman kumto pil, weik dolamukura, elilamika ati, kanye deibuka, Allah si erenmekce, ‘Yesus ara, nun weik ninye deiyoknye Raja kipnamsil’ tenen, ayupu weik arye nyanmek. Ara, Allah yupu laka nyalamik nang, nabi nang minop arye sekamik yupu, dobuka nyapra banmekce, weik yupu nyanmek. Nyanmek yupu ara, ani.

Lukas 19:37 ပူးပေါင်းရင်းမြစ်များ

1 Tawarikh 15:28

Winipmekce banmeka ani, Daud ap, el mapu koproba ap, el mapsilip sik Israel yala nang nirya ap, kanye pia deipmekce, bung-bung ana ning, el si terompet ap, pereng nyan ning, el si Nafiri ap, weik lelim nyan ning simbal ap, tonda gitar ato ning kecapi ap, gambus ap, bobuka nyanmeka ani, mot nyapra banmeka ani, Yerusalem mutuku welebiyik. Abanmek talak ara, Allah arye yupu nyapdeibukba, Musa birye sekekuka, Peti Perjanjian yo marikna pum tam deiamuk ning bopmekce, banmeka ani, el ninye deiyoknye Raja Daud birye domuk aik dam bobiyik.

2 Tawarikh 29:36

Aning nirya akunum winibuka, sirya dakik ning ara, Raja Hizkia ap, el taleamuk mutuku noutam ulamik nang ap, sik nirya arye kanye weik deibik. Ara, sikcuk kum bukni, atalak aryuk Allah arye, el tenen nang melina ati, el mikip deice arye melibukura, sik nirya arye, apil nirya minop dobuka sirya dakik. Ati ara, sik nirya kil-kil asa, kanye deibik.

Matius 21:1

Yeriko mutuku batakuka, ‘Yerusalem mutuku binamap’ tenen, Yesus ap, el mapu ap, bisik mapnin balamika ani, asik dolamikak si ara, Betania ap, Betfage ap bisibikce, banmeka, Zaitun mutuku dup welebik.

Markus 13:3

Nyabukura, anyaik batakuka kulukikce, lu ak biyikopura, Zaitun mutuku deice welebuka, abinuka bukikce, yanmek ak, Yahudi yala nang arye Allah ati arilbalamik aik otam upmokak tamubuka dinmek. Yuk nang ap, tabakuka kum bukmeka anya arye, Allah arilbalamik aik dinmek talak arye, Peterus ap, Yakobus ap, Yohanes ap, Anderias ap, sik nirya arye Yesus ati asipdeyik.

Markus 14:26

Yesus arye nyabukopura, el ap, el mapu ap, sik nirya Allah mot nyabikce, Yerusalem mutuku noutam bukni, sik alip aik bukmek aik batakuka, banmeka ani, Zaitun mutuku deice welebuka biyik.

Lukas 18:43

Yesus arye ayupu nyabukura, atalak aryuk, el asing teleb ubukura, aning-aning nirya eibukce, Yesus bisik banmok ati, anye birye aminyan banmokce, “Allah ara pia teleb,” nyabuka Allah si erenmok. Yesus arye anye bira el asing lapdeibuk ati, el ap banmek nang nirya eibikce, sik babye, “Allah el pia teleb”, nyabuka el si erenmek.

Lukas 19:20

Amenyan ara, yuk pil donanye yayukce ayupu nyabuk. “Kume, naio, an weik yo bok tonok areamnulum touk, tamubuka yana deipkine. Aripnulumura, adiparyuk cang kain arye kitibuka moubuka deiamse touk, tamubuka tonok ninguk boyakine.

Lukas 19:29

Bisik mapranin balamika ani, asik dolamik asik si ara, Betania asik ap, Betfage asik ap mapnin balamika, an ni Zaitun mutuku dup welepnuyik talak ara, el mapu bitinye nang ati nyabuk.

Lukas 19:36

Yesus ara, Yerusalem mutuku bisik keledai deice bukuka banmokura, ton nang ara, ‘Yesus si erepnuyap’ tenen, sik deice tam ongon baju kwiribuka, Yesus yanibuka yanamukak, yangabuka delinmek.

Lukas 7:16

Yesus arye ami kwetebukopura, abulubuka wekmek nang nirya mambul nyanmekce, Allah si erenmek. Allah si erenmekce, ayupu tonap nyabik. “Se, Allah yupu laka nyananye nabi atonye, nun kan-kan noutamak kunum kutukuka unmale. ‘Allah arye wibuka deibuk ninye ati, melipnun’ tenen, Allah arye dopkwetebukura, akunum yanmasile,” nyanmek.

Yohanes 12:18

Sik laka nyanmekba, ninye weik kekebikce, ‘E, Yesus ara weik mambul pil, ninye kum winipmanto ning, akunum winipmala anya arye, dilbibirye, el ap epdatibye’ tenen, Yesus yanganmok bisik banmek.