Lukas 19:34 - Eipomek

³⁴ Asipdeyikura, sikce “Nun ni kopropa Yesus patapmala atia,” nyaprik. Nyaprika ati, atikmek nang arye mangkau kibukikura, sikce lobuka bobirik.

Lukas 19:34 ပူးပေါင်းရင်းမြစ်များ

Zakaria 9:9

Se, Sion mutuku noutam ululum ninye, anggun weik tonun kanye deibuka, kil-kil asa upmunce, unamlulume. Tonda, anggun Yerusalem mutuku ululum ninye nirya ara, weik tonun kanye deibuka, weik yupu deice arye, ‘Telebe,’ nyanamlulume. Anggun elilulume. Anggun ninye deiyoknye, aning nirya bisina ap, tonda pia diksukum una ap, deiyoknye yanmala ati, dilulume. El ayanamlanye bira, ninye unyak touk dipdebuka, diksukum kibuka, yupu lipsisikuka, bokolina deiyoknye ulule. Tonda, ninye lyena deiyok ning boyanmale. Bukni, anye bira, el kanye talima nimalyap asa arye, ulirye, amu tam ulule. Anye bira, winiryuk keledai basam balye deice bukuka yanganmale.

Lukas 19:33

Mitik keledai basam kirikdeipmeka eprikce, binuka lolorikura, akeledai basam deiyok nang arye nyabik. “Amitik keledai basam lolonmaruma ara, yata ati do?” nyabuka asipdeyik.

Lukas 19:35

Lobuka bobanmarika ani, Yesus dam bobirikura, sik nong deice ongon baju kwiribuka, keledai basam balye deice yangabuka deibikura, Yesus adeice bukukopura bobiyuk.

Yohanes 10:35

Nun kele, Allah el yupu ara, kum kum danamle. Allah arye nyalul yupu nirya ara nong dipkoprop upnamle. Allah yupu dipkoprop aupmal noutamak ara, Allah arye el yupu aribukba, doprobik nang, tukwak mutuku ninye deiyok nang ati, “Anggunda, Allah el mapu ululume,” nyabuk.

Yohanes 12:16

Aning nirya winiryuk winipmok talak ara, Yesus el mapu arye moubuka kum tenebikce, aning nong noutamak ara, kum bikik bukni, aminyan talakuk Yesus dibukura, Allah arye kam bukdeibukce, ‘Weik mambulnye unamle’ tenen, erepdeibukce, pia teleb kipdeibukba, Yesus im deice welebiyukopura, atalak aniryuk, Yesus el mapu aning nirya moubuka tenebikce, bikik. Ara aminyan talak ara, sikce, ‘Se, diba de. Allah yupu laka nyalamik nang, sik nabi nang arye Yesus ati yupu seklamik touk, Betania wekupu sum arye, Yesus arye aning nirya winibuk. Tonda, sik nabi nang arye seklamik ning atonun, nun atalak unmapu ninye arye Yesus ati akunum winibupu,’ tenen, bikik.

2 Korintus 8:9

Aning ara talye ati kum nyapsine. Deiyok ara ani. Nun Deiyoknye Yesus arye nun nirya ati, bico tenelamsukce, weik arye melyamsuk touk, ‘Nun babye atonun wininamap’ tenen, nyapsine. Ara, anggun kele, nun Deiyoknye Yesus, el kanye aniryuk bico tenenyamsukce, melipsuka deice arye, teleb kipdeipsuke. Elda im deice pia weik sisinanye ulamuk bukni, nun melina ati ara, talye bona utotowa talina kum nang atonun dayukce, tukwak mutuku yayuk. Winibuka ulamuk ning ababye, deiyok aupmale. Ara, el talye bona utotoa talina kum nang atonun dayukce, pil dopsuka deice arye, ‘Sik tukwak ninye ara, bona utotowa talina kum ninye atonun unyak bukni, narye aninye lyepnyopura, sikda bona weik talilamak ninye atonun unamake,’ tenebuka wipsuke.