Lukas 19:25 - Eipomek

²⁵ Nyabukura, ayupu kekenmek nang arye tamubuka nyabik. “Winipnuyap bukni, anyapmasilamnye bira, weik yo bok 10 akunum upmala ati, yata ati do?” nyabuka asipdeyik.

Lukas 19:25 ပူးပေါင်းရင်းမြစ်များ

2 Samuel 7:19

Weika arye akunum meilyamsuluma anya arye, ance, ‘Akunuma,’ nyabuka, bataksutum bukni, na yala ninye ati, aminyan talak ara, teleb kipnalam ning ton, laka nyapnilame. Na ni Allah, an si Yahweh ulyamnye bira, aning-aning nirya talilyamce, Weik Erena Deiyoknye ulyamce, an tenelyam touk winilyame. Aminyan talak teleb kipdeipnamnilam ning ati, laka nyapnilama ati ara, na ilil kanye bopne. Nara, an amu tam talye pil donanye ununa atia. Se, na nio, yuk tukwak nang nirya ati, winibuka weik arye melibuka ulyam do, kum do? Pia teleb kipdeipnamnilam ati nyapkine na nio.

Lukas 16:2

Nyabikopura, bona weik talinanye birye, el yo bok delina deiyoknye yukubuk ati, yayukopura, ayupu nyabuk. “Yuk nang arye, ‘El pil malye ubuka dolya deice arye, an yo bok kum ulule,’ nyakinyak ara, yata wiriplum deice arye na yo bok kum danalul do? Anda na yo bok moubuka delina deiyoknye tuba kum unamlama ati, na yo bok deice pil dolamlum ning nirya ara, ‘Winibuka, winibuka pil dolamse,’ nyabuka, laka nyapnunilyame,” nyabuk.

Lukas 19:24

Nyabukopura, el dam tikinmek nang ati, ayupu nyabuk. “Anye bira arepse yo bok, tonok weik yo bok ara, dopropmunce, arup weik yo bok 10 arepmanilanye binyak arilbilulume,” nyabuk.

Lukas 19:26

Asipdeyikura, aweik ninye deiyoknye birye tamubuka nyabuk. “Na dipkoprop nyapsine. Yata nang do nirya, aning weik anun uplinye bira, Allah arye weika arye tonap areplibuk pia weik upnamle. Bukni, aning mitik anunuk uplinye bira, Allah arye el mitik anun wamlye ning babye, doproplyeura, talye nong dem unamle.