Lukas 19:22 - Eipomek

²² Apil donanye birye nyabukura, aweik deiyoknye birye anyanmuknye biti, tamubuka nyabuk. “Anyapmanilama ati, an nyapmanilam yupu deice arye yupu bokeipnukine. Ance nati, ‘Elda yunye ulirye, moubuka minop deibuk ning ara, talye lukdanuka dololule. Tonda el minop koubuk ning ara, talye lukdanuka libuka dilule,’ nyanmanilame.

Lukas 19:22 ပူးပေါင်းရင်းမြစ်များ

2 Samuel 1:16

Daud el yin talinanye birye, awelnye oplobuka, deiyok ara, Daud birye, Amalek mutukunye biti nyabuk. “Aning ara, ance omlumnye ining arye, dekdanmalame. Ati ara, an bidamnye si bam bol arye nyamlume. Ara, ‘Allah arye wipdeiamuknye, Saul oplopmane,’ nyapmoma deice arye, opnukiyabe bukni, dipkoprop, an damnye opdalame. Saul opluma ati, an damnye ining, an kisok deice upkile,” Daud birye nyabuk.

Matius 12:37

Ati, anggun nyalulum yupu teleb uplyopura, Allah namin kilinamsie kum wenepnamsile. Bukni, anggun nyalulum yupu malye uplyopura, Allah kum namin kilinamsie, wenebuka dopnamsile. Anggun talimak upliba winilamlum touk Allah arye yupu lipsisikuka bokeipnamsile. Yesus arye nyabuk.

Matius 22:12

Eibukce ayupu nyabuk. “Kao, nun kil don talak teleb baju ongonyap ning kum ongopmalam diparyuk, yata wiribuka anyaik duknubuka wekmalam do?” nyabuka wenebuk. Nyabuka wenebukopura, amalye baju ongobuka wekmoknye bira, ‘Yata nyaptinye do?’ tenen, teniltonmok bukni, alye ubuk ati kanye lamapdongobuka bukuk.

Lukas 19:21

Winyamsa ara, laka nyapnukine. Ara, anda, yu weiknye ati, na ilil upnukura, talye moubuka deiamse. Anda moubuka kum deiplum ning bukni, talye lukdanuka dolonauk ulyame. Tonda, ance kum kouamlum ning bukni, anda talya libuka dilyama ati, ‘Na deiyoknye birye wenepnilyak’ tenen, ilil upnuk ati, an yo bok tonok kitibuka tenepce deipse,” nyabuk.

Lukas 19:23

Aning ara, akunum kel kipnuluma ati, na weik yo bok areamkisibuk, pil teleb ubuka dona kum arye, ton tabakuka kum deipmanilama ara, yata ati do?” nyabuk.

Roma 3:19

Ura, nun nirya akunum kel kiyamupe. Allah arye el mem yupu nyabuka areamukba, Yahudi yala ninye doprobikce, ayupu uk talibuka, ayupu amu tam unyake. Ayupu noutamak nyasilye ning nirya ara, anggunti nyasulula anya arye, anggun kan-kan noutamak arye, tonoknye babye, “Nara, malye kum unune,” kum nyaptue. Yahudi yala ninyeuk kum bukni, ninye mutuku-mutuku nirya atonun, malye nanguk unyaba anya arye, Allah arye yupu lepsisikuka bokeipsilirye, wenepnamsila ati, nunce elti, yupu ton tamubuka kum nyaptibye. Allah ati tamubuka yupu nyana kumce unamabe.