Lukas 19:20 - Eipomek

²⁰ Amenyan ara, yuk pil donanye yayukce ayupu nyabuk. “Kume, naio, an weik yo bok tonok areamnulum touk, tamubuka yana deipkine. Aripnulumura, adiparyuk cang kain arye kitibuka moubuka deiamse touk, tamubuka tonok ninguk boyakine.

Lukas 19:20 ပူးပေါင်းရင်းမြစ်များ

Matius 25:24

Aminyan ara, weik yo bok tonok doprobuknye yayukce nyabuk. “Naie anda pia yunye ulamlum ati kel bikamkise. An kum kouamlum wa win dam arye kwaning yongobuka dololyame. Tonda, an kum kouamlum ning ap, kum dokamlum ning ap, libuka dilyame. Anirya winilalumba kel bikamkisa ati, ilil upnukba, ance areamnulum ning weik yo bok tonok ning ara, buru bobinuka, tuku palibuka tuku pum duknubuka deipse,” nyabuk.

Lukas 19:13

Yukubuka ati yayikopura, el pil melina nang taku barye nang ati, weik yo bok talen ning taku barye (10) yuk-yuk aribuk. Aribukura, sik tonok-tonok arye weik yo bok tonok doprobik. Aweik yo bok taku barye (10) kibuka sik yuk-yuk aribukce, ayupu nyabuk. “Na yuk mutuku binamne talak ara, ayo bok deice arye, pil donamlume,” nyabuk. Nyabukce biyuk.

Lukas 19:19

Nyabukura, aweik ninye deiyoknye birye, apil donanye ati, tamubuka nyabuk. “Aning ati ara, wini talak ara, weik asik 5 dokcak talibuka weik deiyoknye unamlame,” nyabuk.

Lukas 19:21

Winyamsa ara, laka nyapnukine. Ara, anda, yu weiknye ati, na ilil upnukura, talye moubuka deiamse. Anda moubuka kum deiplum ning bukni, talye lukdanuka dolonauk ulyame. Tonda, ance kum kouamlum ning bukni, anda talya libuka dilyama ati, ‘Na deiyoknye birye wenepnilyak’ tenen, ilil upnuk ati, an yo bok tonok kitibuka tenepce deipse,” nyabuk.

Lukas 3:9

Yo wena deiyoknye birye, yo wepnamle ati, el ya dobuka, yo deiyok dam kintinipmale. Teleb yo duk kum moulamlye yo nirya ara, weplirye, uku dongopnamle.” Yohanes arye aninye nirya ati, adomon yupu nyabuk.

Lukas 6:46

Yesus arye nyabuk. Anggunce nati, ‘Na ni, na ni,’ talye nyanululum bukni, na yupu moubuka kekepmunce, diksukumuk kum winiluluma ara, yata ati do?

Yohanes 11:44

Nyabukura, adiparyuk diamuknye Lazarus kam bukukce, akeil deiya pum bisik arye bai tam yayuk. El yan ap, el taruk ap, namin kain arye kitipmeka ara, tuba upmok. Tonda, el urasin kitipdongopmek baju ara, tuba upmok. Winibuka ati, Yesus arye awekmek ninye ati nyabuk. “El nong weina ati, kitipmek cang kain nirya kwiribuka loplopmunyeura, Lazarus binule,” nyabuk.

Yakobus 4:17

Ati, yata nang do nirya, ‘Teleb un ning ani,’ tenebuka, akunum kel kinyak bukni, ‘Aning dauplye’ tenen, tunim abuka lubakinauk ubicopura, ara malye akunum wininyake.