Lukas 19:19 - Eipomek

¹⁹ Nyabukura, aweik ninye deiyoknye birye, apil donanye ati, tamubuka nyabuk. “Aning ati ara, wini talak ara, weik asik 5 dokcak talibuka weik deiyoknye unamlame,” nyabuk.

Lukas 19:19 ပူးပေါင်းရင်းမြစ်များ

Yesaya 3:10

Ati, sik diksukumuk unyak nang ati, nyapnulyame. “Anggunda, kanye deipnululume. Allah arye anggunti, lyepdopnamle. Ara, sik anang teleb kibuka, pil donyaka deice arye, apil donyak ning ara, nong ning ton doropnamaka atia. Pil teleb kibuka dolonyak touk, dekna ning, pia teleb ning dopropnamake.

Lukas 19:18

Bitinye anye yayukura, aweik deiyoknye birye, atonun asipdeyuk. Asipdeyukura, bitinye anye birye ayupu nyabuk. “Naio, ance weik yo bok tonok areamnulum ak, pil dolamsa deice arye, weik yo bok 5 tonap tabakuka deipmakine,” nyabuk.

Lukas 19:20

Amenyan ara, yuk pil donanye yayukce ayupu nyabuk. “Kume, naio, an weik yo bok tonok areamnulum touk, tamubuka yana deipkine. Aripnulumura, adiparyuk cang kain arye kitibuka moubuka deiamse touk, tamubuka tonok ninguk boyakine.

1 Korintus 15:58

Aning ati ara, na bico tenepsinirye, Yesus dib teneluluma ati, nun du weit atonun ululum ninyeo, anggun sal babye, kilapu babye kekepnululume. Anggun Korintus mutuku ninye, kanye bokoltona pia kum aniryuk, tonok kanye bobuka unamlume. Yata ning do nirya, ikin usilya deice arye, ‘Allah el yupu batakibiba, malye ning arye, yuk bisik bobisilyak’ tenen, teniltona kum, pia kalikdanuka unamlume. Allah eluk moubuka talipmunce, unamlume. Anggun kele, nun Deiyoknye Yesus ap, talima dukdongobuka ubirye, elti, ikin pil donyapa nirya ara, dipkoprop nong upnamle. Tilila pil kum donyabe. Aning ara, akunum kel kipluma anya arye, ‘Na nong ap, kanye talima tenen ning ap nirya, Yesus deiceuk deipnirye, Yesus el piluk donamne’ tenen, kanye bokoltona kum aniryuk, pia pi dobuka unamlume. Na Paulus arye, nyapmasine.

1 Korintus 3:8

Yala ning doklamlanye ap, mek kwebuka dikilongolamlanye ap, sikce, ‘Nong upnamle’ tenen, pil dona deiyok ara, tonok ninguk teneladurake. Tonda, sik bitinye yuk-yuk pil dorikcopura, sik pil yuk-yuk doprikce touk, Allah arye sik dekna ning yuk-yuk bokuka areplibuk, dopropnamdake.

2 Korintus 9:6

Anyapnusin yupu deice, mambul ning kel biknuluma ati, pia tenenamlulume. Ayupu ara, ani. Yatanye do nirya, mitik anun arye koulamlinye bira, aminyan talak ara, mitik anun aryuk lipnamle. Weika arye koulamlinye bira, aminyan talak ara, weik arye lipnamle.

2 Yohanes 1:8

Ati anggun nirya kanye moupnamlulume. Anggunce teleb pil dadolamunyeura, Allah arye, ‘Menenga ning arepnamsile,’ tenebuk ning ap, kanye deibuka erepdeipsilirye, im deice teleb ning arepnamsil ning ap ara, ‘Kum dasilyak’ tenen, anggun nirya moupnamlulume. Ara, ‘Allah arye, tenyamuk ning nirya arepnamsil’ tenen, pia mouplulume, nyapsine.