Lukas 18:33 - Eipomek

³³ Opnicopura, dipmanya ani, like winilye sum akunum upnyopura, na Ninye Mi Koprop Atonunye birye, tamubuka kam buknamne,” Yesus arye nyabuk.

Lukas 18:33 ပူးပေါင်းရင်းမြစ်များ

Matius 16:21

Yesus arye anyapmok yupu moupdeibukce, el nong deice ikin ning deipnamik ning ap, kanye imun ning upnamuk ning ap, el mapu 12 nang ati, deiyok koubuka peterenmokce nyabuk. “Nara, Ninye Mi Koprop Atonunye unune. Narye Yerusalem mutuku binyopura, sik Yahudi yala nang sik deiyok nang ap, Allah arena ati deiyok nang ap, Allah arye, ‘Winamlulume, aning kum wininamlulume,’ nyapdeibukba, Musa arye sekeiyamsuk yupu, mem yupu peterena deiyok nang ap, anang nirya arye nati, ‘Nun like’ tenen, bataknikirye, ikin ning weik na nong deice deipnikirye opnamniyake. Opnikcopura, dipmanyani, weipnikcopura, like winilye sum arye, ila tamubuka Allah arye kam bukeinamnile,” nyabuk.

Matius 27:63

“Naie, atilila yupu nyalamuknye Yesus, el tuba kam ulamuk talak ara, ‘Na opnikceura, dipmanya ani, like winilye mapnirye, tamubuka kam buknamne,’ nyalamuk yupu ara, nun tuba tenenauk unmabe.

Lukas 18:32

Na yukubuka bobinicopura, Allah arena ati deiyok nang ap, Musa sekamuk yupu peterena deiyok nang ap arye, ‘Opsululume,’ nyabuka, Yahudi yala kum nang amutuku talina ninye deiyok nang ati arepnamniake. Aripnicopura, nong bol deice nalibuka lyek-lyek ana ap, si maka tuluna ap, kama nong deice ona ap, winipnikirye, na nong dobuka wanwanun yo deice arye opnamniyake.

Lukas 18:34

Yesus arye nyabuk bukni, el mapu obarye 12 nang ara, bita kum kekebik. Ara, Allah arye Yesus nyanmok yupu duknubuka ati, Yesus ayupu nyanmok talak ara, ‘Deiyok ani,’ kum tenebik.

Lukas 24:21

Se, nunda, ‘Yesus arye, Roma mutuku nang amu tam ulamibyak loplopsilirye, Israel ninye nirya lyebuka talipsilirye, nun Weik Deiyoknye eluk unamsil,’ tenelamubu bukni, sik anang arye Yesus obike. Tonda, sikce Yesus obikura, liki winilye sum akunum uple.

Lukas 24:7

‘Nara, Ninye Mi Koprop Atonunye dobukapnikirye, malye un nang arepniceura, wanwanun yo deice opnicopura, dipmanya ani, like winilye sum akunum uplyopura, tamubuka kam buknamne,’ Yesus arye nyalamsuke.” Abitinye nang arye nyaprik.