Lukas 16:31 - Eipomek

³¹ Abona talinanye birye nyabuk bukni, Abraham arye tamubuka nyabuk. “Kume, Allah arye, ‘Wininamlume, aning ara kum wininamlume,’ nyabukba, Musa arye sekamuk yupu ap, Allah yupu laka nyalamik nang, nabi nang arye sekamik yupu ap, kum kekebikcopura, dipmatunye kam bukturye, sik dam binuka nyaptu babye, dib kum tenepnamting,” nyabuk. Ara Abraham arye abona talinanye ati nyabuk, nyapne. Yesus arye nyabuk.

Lukas 16:31 ပူးပေါင်းရင်းမြစ်များ

Kejadian 9:27

Allah arye, melipliba, Yapet el talepnamle tuku weik talibuka upnamle. Tonda Allah arye, Sem biti weika arye, melipliba, pia teleb uplyopura, Yapet ton dolonamle. Neika unamdake. Kanaan bira, Yapet el amu tam ulirye, el talye melinanye unamle. Nuh birye nyabuk.

Lukas 16:30

Nyabukura, bona weik talinanye birye tamubuka, “Kume nai Abrahamo, akunum diamtunye, kam bukturye, sik dam laka nyalbituopura, ayupu kekeptingce, sik malye winin ning batakuka dib teneptinge,” nyabuk.

Lukas 17:1

Yesus arye el mapu obarye 12 nang ati ayupu nyabuk. Yata ning do malye upsilyeura, Allah el yupu dib tenebuka dobolbalulum ning ara, yaniltalulum akarye malye unamlume. Ayupu malye ulina deiyok ning ara, pia tuba unamle bukni, malye una deiyok ulilamsiyak nang ara, sik pia kanye imun upnamle. Anang ara, Allah weik arye wenepnamla atia.

Yohanes 5:47

Bukni, anggun winimunya ara, na kele. Musa arye sekamuk yupu ara, anggunce dib kum teneluluma anya arye, yata wiribuka na nyapsinye yupu ati, dib teneptum do? Kume, dib kum tenenamnulume. Yesus arye el nong deice ikin ning delilamik nang, Yahudi yala deiyok nang ati ayupu nyabuk.

Rasul 19:8

Ara, Paulus ara, amutuku uk tonap, wala winilye Efesus mutuku ulamukce, Yahudi yala nang Allah yupu peteren aik wekukce, ‘Amutuku nang winiryuk diba tenen ning dopropnamak’ tenen, ilil kum mikip arye, pia teleb ubuka laka nyalamukce, Allah yupu ara, ‘Yesus lyepsilirye, talisulule,’ nyabuka, ayupu lipsisikuka peterelamuk.

Rasul 26:28

Nyabukura, Raja Ageripa arye Paulus ati nyabuk. “Amitik talak arye, an yupu nyanmanilama deice arye, ‘Ayupu nyapnibuk kekeplirye, diba teneplyopura, Yesus dib teneplirye, Yesus el melinanye kipnamle’ tenen, nyanmanilam do?” nyabuk.

Rasul 28:23

Nyabikura, sik ap Paulus ap arye, “Ara asum arye bulubibyopura, yupu talipnamabe,” nyabik. Nyabik touk, asum akunum ubukopura, dana-dana tam nirya arye, Paulus unmok aik damak ninye weik bulubuka yanmek. Yayikopura, beren tam arye ubuka keting dukduk noutam ap, anoutam nirya peterenmoka ani, inibuk. Paulus arye peterenmok yupu ara, ani. Tonok ning ara, Allah arye ninye lyeplirye, sik kanye talima talipnamle yupu peterenmok. Tonda Musa arye sekamuk yupu noutamak ap, tonda Allah el yupu lak nyalamik nang nabi-nabi nang arye sekamik yupu ap, doprobukce, ‘Anggun kel kiplulume. Yesus ara, dipkoprop Ninye Lyena Deiyoknye ulule,’ nyabuka peterebuk. Ara, ‘Awekmek nang dib tenepnamak’ tenen, peterebuk.

2 Korintus 4:3

Nunce ninye lyena yupu, laka teleb yupu peterebibibuk, ton nang ati ara, kum kekepmanto unyake. Ara, ninye nirya kum bukni, ayupu kekena kum nang ara, sik dib tenena kumce, dipnamak ninyeuk unyaka anya arye, ayupu moubuka kum kekepsitinge. Yuk deiyok ati kume.

2 Korintus 5:11

Aning ati ara, Allah arye yupu lipsisikuka bokeipnamsil talak ara, ‘Malye winibupu ati wenepsilyak’ tenen, ilil una ara, usulula anya arye, nunce yuk ninye nirya ati, ‘Sik malye ning bataktingce, Yesus ati dib teneptinge’ tenen, pia pi dobuka peterenyabe. Nun winilamap ning ara, Allah el kele. Tonda, na patapnil ning ara, sik Korintus mutuku ninye, sik kanye talima noutamak ara, nun wininyap ning nirya laka upliba, ‘Kel biksutume’ tenen, patanulule. Nunda tenepce arye, talye yupu kum nyanyabe.