Lukas 15:23 - Eipomek

²³ Winipmunyopura, ‘Weik sum yuna kwalibuka dipnamap’ tenen, weinyaka ak weik arye nebuk sapi basam ara, obuka kwalipnamlulume. Obuka kwalipmunyopura, nun nirya kanye deibibirye, pin-pin asa arye dipnamabe.

Lukas 15:23 ပူးပေါင်းရင်းမြစ်များ

Kejadian 18:7

Nyabukopura, el pil melin nang arye, el sapi basam weinmekak bikbik abuka biyukce, sapi basam mi tonok, nong weik ning wibukabukce, anang ati nyabuk. “Anggunda minopce, asapi mi obuka yupmunce, tup dobuka dapnululume,” nyabuk.

Mazmur 63:5

An tibuk weik kanye deipnirye, pin-pin upniliba, si erenamkine. Ara, ance na kanye talima pum tam tenen ning ara, pia teleb un ninguk arepniminba, teleb ninguk tenenuna ati, nyapne. Winipmanto ara, ninye arye, pia teleb din ning kwalibuka dibikirye, din boupliba batakikca deice arye, pia kanye deibuka, teleb ualamak touk, ance meliniminya deice arye, pia kanye delikunune.

Amsal 15:17

Pia teleb ning ara, ninye ton tonok lyun ning deice malmalya lukuka deipdakirye, mek dibice deice arye, ‘Pia telebe, na ka koprop, nun neika unyame,’ tenebuka unyake. Bukni, yuk nang ara, basam obuka weik kwalina kwalibikirye, dibice deice arye, ‘Nun ap neika dipnamap nang, neika una ara, nun pia like,’ tenelanyake. Basam tup weik aupmatu babye, akwalina neika dibice deice arye, ‘Nun like,’ tenebiceura, kanye talima wilipdakirye unyake. Aning ara, pia malyeuk ulule.

Amsal 9:2

Winipmanto ara, ninye arye, kam ning obuka sekikirye, anggur tapu duk mek ap tabakuka deibicopura, kwalya kwalibuka deibuka, din dipnamaca ati, kintinibuka delilamak touk, pia weik kel bikna deiyok ning, akunum kintinip deipsuke.

Yesaya 25:6

Asukumuk, Sion mutuku deice, Allah arye, weik kalina kwalibuka kintinip deipnamsile. Allah Yahweh ara, aning-aning deice tam erebuka, mikip weik ulinye birye, im deice yin talin malaikat talilule. Elda, mikip weiknye birye, mutuku sirya, im sirya nirya unyak nang, sik din ati, weik kalina kwalibuka kintinip deipnamsile. Elce pia teleb-teleb din ning, ap, tup kalimna ap, meta ap, yok noutam wamlye ning ap, tonda anggur duk yu mek, pia to ning ap, wibuka teleb ninguk kintinip deiplirye, kwalibuka arepnamsile.

Lukas 15:22

Nyabuk bukni, ami el li birye, el pil melina nang ati ayupu nyabuk. “Anggunda, ‘Weik nang kipnamap’ tenen, arilamak cang baju, el si juba ati, pia teleb ning ara, minopce dobuka yamunce, na mi ati ongopdeipnulume. Tonda, ‘Anyaik deiyoknye atonun ulule, tenepnamake’ tenen, taruk dukdongon ning dobuka boyamunce ongopdeipnamlulume. Tonda, ‘Anye bira, talye melinanye kume, weiknye ulule, tenepnamak’ tenen, el yan ongon sandal boyamunce ongopdeiplulume.

Lukas 15:24

Ara talye ati kume. Na mi yanmanila ara, dipna nang atonun ulamukbuk wini talak ara, kam ulamak nang atonun upmale. Tonda, na mi tunimapnuk bukni, akunum yanmalak eipmana anya arye, yuna kwalimunyeura, kil-kil arye dipnuyabe,” nyabuk. Nyabuka ati, sik nirya kanye deibikce, yuna deiya koubuka kwalinmek.

1 Samuel 28:24

Winibukopura, akil arye, el sapi basam mi bol teleb ning tonok, el aik arye dobukabukce, adiparyuk obukce, sekuka kintinip deibuk. Tonda, roti dana deiyok ning, gandum teiklamak ning dobuka, roti nena deiyok ning, ragi dongona kumce, eldem memebuka, dabuk.