Lukas 15:12 - Eipomek

¹² Neprikura, daulamika ani, tonok sum arye, dunye bira kum bukni, weiknye birye, ayupu nyabuk. “Naio, an taliplum ning ara, ‘Na dipnunye talak ara, arepnamne,’ tenepnulum ning ara, wini talakuk arepnunilyame,” nyabuka morobuk. Morobukopura, anyasik deiyoknye birye, el mapu bitinye ati, el talyamuk ning bokuka arebuk.

Lukas 15:12 ပူးပေါင်းရင်းမြစ်များ

Mazmur 17:14

Na ni Allah Yahweh, an mikip taruk arye, melibuka lyepnilyame. Ara, tukwak mutuku unyak yu nang arye, talye tukwak ninguk pataplyeba, aninguk tenenyak nang arye, malye kipdeipnikcak ati, na nio, ‘Ance lyepropnamnilam’ tenen, moropkine. Na nio, narye moropkine. ‘Ance yu una ap, malye winina ap, talibuka wininyak nang ara, kanye imun weik ning arepnirye wenepnamne,’ teneplumce, sikti, akunum kintiniplum touk, ‘Ayu nang ati, weik tonun wenepnalam’ tenen, moropkine. Tonda, ayu nang, sikce deiamik mapu babye, ‘Ance ikin ning dobuka, sik dam deipminba, imun kanye bobuka unamak’ tenen, moropkine. Tonda, ayu nang arye deiamik mapu, sikce dadeipdanin bakirye, delinamak mapu babye, ‘Imun kanye weik bobuka, unamak’ tenen, moropkine na nio.

Markus 12:44

Sik bona weik talin nang arye, sik aning-aning weik tailibika noutamak arye, ‘Na’ tenen ning weik aupmalbuk, weik yo bok dongopmak bukni, ayouwak kil ara, pia bona talina kum kil anya arye, el talibuk ning nirya anyuk akunum dongopmale. Wini talak ara, el yo bok pia kum upmala ati, el din ning babye, kum dektue. Ati, Allah el kanye ara, ‘Akil aniryuk, weik arepmanile,’ tenelule,” Yesus arye el mapu ati nyabuk.

Lukas 15:11

Yesus ayupu nyabukopura, winipmanto yupu tonap, nyabuk. Tonok talak ara, tonoknye el mapu bitinye deiamukba, nemdik.

Lukas 15:13

Arebukura, daulamrika ani, wala bitinyeto, winilyeto ubukopura, el weit koprop arye, el talyamuk ning nirya bulubukabukce, ‘Na yuk mutuku unamne’ tenen, leibuka biyuk. Yuk mutuku biyukopura, aning-aning nirya dengna ap, malye ubuka una deice ap arye, el li arebukak, dopromuk ning nirya, kum daneibuk.

Lukas 15:30

Na teleb piluk dolamsibuk, yun ning kum areamnulum bukni, na weit koprop, an taliplum ning akunum areamlum ak, dobuka binamukce, aning-aning weik dengna ap, kil talye yona ati dengna ap deice arye kum danibuka ati, tamubuka yanmakilbuk adiparyuk weik arye nebuk sapi basam obuka, kwalip deipmalume. Winipmaluma ara yata ati do?” nyabuk.