Lukas 14:28 - Eipomek

²⁸ Nyabukopura, awinipmanto yupu tonap nyabuk. Yata nang do nirya, ‘Nun weik aik dopnuyap,’ tenebice talak ara, ‘Teleb ning ara dipdetinirye, yo bok aupmanil ning deice arye sirya daktinye do?’ tenepnamake.

Lukas 14:28 ပူးပေါင်းရင်းမြစ်များ

Amsal 24:27

An wa wibuka kum kintinip deiamincuk, minopce an ap, neika ulamunye ninye ati, ‘Sik aik minopce dopnamne,’ tenena meme. Sik wa tuku ap, sik bai tam unamak ning nirya ap, akunum kintinibuka upminyopura, sik aik dona telebe.

Matius 10:22

Nati, diba tenenululumce, na yupu nyalbinamluma ati, ninye nirya arye, anggunti pia lik tenebuka, mal pinamsiyake. Bukni, yatanye do nirya, na batakna kumce, pia tunim abuka ulamlenye obice ning ababye, Allah arye anye lyepnamle.

Matius 8:20

Nyabukura, Yesus arye anye biti tamubuka nyabuk. “Kabang atonun ning do, yuk talya buru tam ulamle ning do nirya, tuku dekuka aik dobikirye unyake. Maka yala nirya, sik asik ara, yo deice dobuka unyake. Tonda, yo taruk deice manyake. Kabang el asik ara, yo peia pum ton malule. Kabang ap, maka ap, sik asik aupmal bukni, nada Ninye Mi Koprop Atonunye bira, na aik koproba kum ati, na manak ton kum upnuke,” Yesus arye nyabuk. “Na ti dobolyaniminyopura, ikin upnamkila ati, aning tenena kum diparyuk yanamlam do, bataknalam do?” Yesus arye, Musa yupu peterena deiyoknye biti nyabuk.

Lukas 14:27

Tonda yata nang do nirya, na dobolyanganamak talak ara, sik babye wanwanun yo bobuka, na yupu kekebuka nati kum dobolyanganamniak nang ara, na mapu kum uptinge. Ara, sik mining ning atibuk, ‘Aning ara teleb anye arye, mambul ulule,’ tenebikirye, ‘Yuk nang arye nun opsicak’ tenen, lik tenebikirye, na yupu kum dobolyanganamak nang ara, na mapu kum uptinge.” Yesus arye nyabuk.

Lukas 14:29

Aning kum dipdetingopura, deiyok kouptingce dolamtinga ani, ayukumna yo ap, aik abilinga yo noutamak ning ap, akunum doptingce, nirya sirya kum daktingce, bataktingopura, yuk nang eiptingce, yupu lyek-lyek abuka, anang ati akutupnamake.

Lukas 14:33

Adomon yupu nyapmasin nang wininyak touk dipkoprop deiyok ara ani. ‘Ara aminyan yata wiripnamsil do?’ tenen, pia moubuka tenenamlulume. Aning ati ara, yata nang do nirya, sik talyamice ning kum batakikcopura, na kum dobolyanganamake. Ara Na mapu kum uptinge.

Rasul 21:13

Malye nyabuka morobupubuk, Paulus arye tamubuka nyapsuk. “Na akunum tenepsirye binamna anya arye, anggun malye nyabuka, engenmaluma deice arye, anggunce nati mitang kipdeipmanuluma ara, yata ati do? Tonda, Yesus el si ati ara, Yerusalem mutuku binibuk, tapu kouna babye, na nong ona babye, dawinipnamniake. Na akunum tenepsa ati, aning nirya ara, telebuka,” Paulus arye nyabuk.