Lukas 14:14 - Eipomek

¹⁴ Winilamunyopura, Allah arye anggunti teleb ulinamsile. Ato ninye ara, sikce tamubuka, yuna kwalibuka kum deipsiting bukni, Allah arye sik diksukum wininyak ninye kam bukeipnamle talak ara, Allah arye sik areamuk ning dekna ati, mininga ning weike urdem arenamsile.” Yesus arye el bukmok aik deiyoknye biti nyabuk.

Lukas 14:14 ပူးပေါင်းရင်းမြစ်များ

Amsal 19:17

Yata nang do nirya ara, talye bona utotoa talina kum ukirye, aning-aning kum talinyak ninye ati, melinyak nang ara, Allah Yahweh ati, melilamaka atonun unyake. Winibuka melinyak ning ara, Allah arye luba kum kipnamle ati, yuk talak Allah Yahweh arye, el ‘Naʼ tenen, ning tamubuka, sikti, yamubuka arenamle.

Matius 6:4

Winipmunyopura, yuk nang arye kum eipnamsiyak bukni, anggun ni Allah ara, duknubuka umunye ning nirya elilunye anya arye, elcuk eibuka kel biksilirye, teleb ning kintinipsuka ara, aminyan talak arenamsile.” Yesus arye nyabuk.

Lukas 14:13

Anggun yuna kwalibuka delinamlum talak ara, talye bona utotoa talina kumnye ap, yok kwalin ninye ap, aik bun ninye ap, asing guna ninye ap, ‘Sik nirya dilyanuyak’ tenen, yukupnamlulume.

Yohanes 5:29

Nyabukopura, ayupu ton dukdongobuka nyabuk. “Atalak ara na yupu kekebiceura, tuku lukamicebuk kam bukikirye, kubuka yanamake. Sik diksukum ulamice ninye ara, kam pia unamake. Bukni, sik malye-malye winilamice ninye ara, kubuka tiknamak bukni, narye Ninye Mi Koprop Atonunye, sikti, yupu lipsisikuka bokipnirye, wenebuka opnamne.

Rasul 24:15

Tonda, narye Allah ati, kanye tenildena kumce, pia kanye talima lamabuka, dipra unun ning ara, aYahudi yala deiyok nang babye, atonun lamabuka dipra unyake. Ara, Allah el yupu nyasilya atonun, telebuk ulamice nang babye, ayupu yanibuka malye-malye ulamice nang babye, Allah arye akunum diamice ninye nirya kam bukeipnamle sum, ‘Yata talak winipnamsil do’ tenen, dinauk unyabe.