Lukas 14:1 - Eipomek

¹ Tonok Sabat sum deice arye, Farisinye tonok weiknye, el aik pum Yesus ara din dibuka bukmokopura, yuk nang arye, ‘Yesus el malye winipnul do?’ tenen, kalekuka dinmek.

Lukas 14:1 ပူးပေါင်းရင်းမြစ်များ

Mazmur 37:32

Malye winin ninguk, talibuka wininyak ninye arye, sik diksukumuk wininyak ninye ati, ‘Se, anang ara, nun like ati, lo dan talak ton uptuba, aninye optibye do?’ tenen, tuba kalikinyake. ‘Anang optipya’ tenen, patalyeba, duknunyakce, sik diksukum wininyak ninye ati, pia dinauk unyake.

Mazmur 41:6

Na mal olan nang, sik talima pum arye, nati, ‘Anye nun pia like. Elda ikin weik uptue,’ tenebuka, malye yupu nyaninyake. Tonda, sikce nati, ‘E, anye bira, dan talak diptuba, yuk nang nirya arye, el si ton, pia kum kekenamake?’ teneninyake.

Mazmur 62:4

Bukni, sik yu nang ara, yata talak arye, yuk nang ati, opnamlum do? Winipmanto ara, basam poka daksakmanto uplyopura, ninye arye ayo nirya ulultaklamak touk, anggunce sik lik tenelulum nang ati, tuba-tuba onauk wininamlum do?

Amsal 23:7

Aning ara talye ati kum nyapsine. Aning atonun ululnye birye, sikti, “Telebe, tamubuka yamunce, adina ning dobuka tonap tabakuka denamlume,” nyapnamasil bukni, ara tilila yupu arye nyapnamsile. Ara, el nimalye arye teleb yupu nyanamle ning ara, teleb ulul bukni, dipkoprob el kanye talima noutamak tenelul ning ara yuke. Ati atonye ap, bukuka neika kum denamlume.

Matius 12:12

Aning kum tenepmalumce do? Domba basam ara, mitikto mambule bukni, ninye ara, weik mambule anya arye, Allah si erena ati, ninye didik sen sum deice arye, ninye melina pil dona ababye telebe uka. Winina deice arye Allah yupu kum yaniptibye.” Yesus arye nyabuk.

Markus 3:2

Atalak ara, Farisi nang arye, ‘Yesus malye winiptopura, nunce, ‘El malye winipmale,’ nyaptibye,’ tenebikce, Yesus ati pia dipdongobuka kalikinmek. Kalikinmeka ati, Yesus arye nun Allah si erena ati, pil dona kumce dikdik sen sum, Sabat sum deice arye, ‘Taruk kwanyamuknye kwetepnul do?’ tenen, pia dinauk unmek.

Lukas 11:37

Yesus arye ayupu nirya akunum nyabukopura, Farisinye tonok arye, na aik din dilyalyame, nyabuka morobukura, Yesus arye el aik binuka bukukce din, dinmok.

Lukas 14:2

Sikce Yesus kalekuka dinmek talak ara, weik uk dilamuk anyak nong bol nirya nemuk ati aik bulamuknye Yesus dam bukmokak eibuk.

Lukas 17:20

Tonok talak ara, sik Farisi nang arye, Yesus ati, “Allah arye ninye lyeplirye, nun talima talinamsil talak ara, yata talak yanamle do?” nyabuka asipdeyikura, Yesus arye tamubuka nyabuk. “Kume, Allah arye ninye lyeplirye, kanye talima talinamsila ara, talye lak akarye kum yanamle.

Lukas 20:20

Ara yuk talak ara, Yahudi yala deiyok nang arye, ‘Yesus el yupu nyaptu deice arye malye uptue’ tenen, sikce yuk nang wibuka deibikce, ‘Yesus yupu kekebikirye, nun yanuka nyapnamsiyak’ tenen, ayupu maka meilbana ati dopkwetebik. Ara, ‘Yesus malye yupu nyaptu deice arye, tapu koubuka Gubernur dam bobibyeura, elce wenebuka opnamle,’ tenebika ati, anang maka meilbana ati, Yesus dam dobuka deibik.

Lukas 6:7

Atalak ara, Farisi nang ap, Musa sekamuk yupu peterena deiyok nang ap arye, ‘Yesus malye uptuopura, malye upmale nyaptibye’ tenen, Yesus ati pia dil taknauk unmek. Kalikmeka ati, ‘Yesus arye nun Allah si erena ati dikdik sen sum, Sabat sum deice arye, taruk kwalyamuknye kwetepnul do?’ tenen, pia kalikmek.

Yohanes 3:1

Tonok talak ara, Farisinye tonok, Yahudi yala ninye sik deiyok nang pil dolamik touk, el babye apil talibuka dolamuk. Anye bira, el si ara Nikodemus, Yesus el dam yayuk.

Rasul 5:34

Utenebik bukni, tonok Farisinye, el si ara, Gamaliel, ara, amutuku nang nirya si erebuka kisal dolamiknye birye aSandeheren nang wekmeka noutamak arye tikukabukce, yuk nang ati, “Yesus wibuka deiamuk nang dobuka buru tam bobinapmunya ani, tamubuka boyanululume,” nyabuk. Gamaliel ara, Musa el sekamuk yupu peterena deiyoknye ulamuk.