Lukas 13:23 - Eipomek

²³ Bisik mapnin banmokce, peterepnin banmok talak ara, tonoknye birye Yesus ati asipdeyuk. “Naio, Allah arye ninye mitik anunuk lyepnamle do, weik do?” nyabuka asipdeyuk.

Lukas 13:23 ပူးပေါင်းရင်းမြစ်များ

Matius 19:25

Nyabukopura, Yesus el mapu ayupu kekebikce se tenebuka ngalukik. Ngalukikce sik mamun demuk asilanmek. “Ayupu nyapmasil ning ati ara, Allah arye yatato ninye lyepnamle do?” nyabuka asilanmek.

Matius 20:16

Nyabukopura, ayupu nong tonap laka nyabuk. “Arup winipmanto yupu nyapmasin touk, sirya talak ara, wini talak anggun tukwak ninye arye, ‘Se anang ara weik mambule,’ tenelulum ninye ara, amutamuk deipnamne. Aning atonun, anggunce, ‘Se aninye ara, mambul pia kum ninye unyake,’ tenen, luba kilulum ninye ara, Allah arye erepdeiplirye, weik nang kipdeipnamlarya. Allah arye anang dobuka amutamto kipdeipnamle. Wini talak, yuk nang arye, ‘Sikda mambul kum ninye unyake,’ tenenyak ninye ara, Allah arye erepdeipliba, mambul weik ninye unamake.” Yesus arye nyabuk.

Matius 22:14

Yesus arye awekmek nang ati, winipmanto yupu nyabukopura, ayupu deiyok ati, ayupu laka nyabuk. “Ayupu domon deice nyapmasin touk, ninye diba tenebikiba, Allah lyepsilirye, anggun talima talisilya atonun ulule. Allah arye ninye mutuku-mutuku nirya weik arye, ‘Na dam yanamak’ tenen, yuk ulul bukni, ninye mitik anunuk wililulak wekenyake.” Yesus arye nyabuk.

Matius 7:14

Bukni, Allah arye kanye talima teleb unyak ninye taliliba, pia kam unamakak ara, el wekelban bisik ap, buplan ap ara, pia mitik dukun bisik anya arye, ninye weike, ‘Se, abuplan wektibye’ tenen, enyak bukni, ninye pia mitik anunuk eibuka wekenamake,” Yesus arye nyabuk.

Lukas 13:22

Atalak arye dipdongobuka, Yesus arye, ‘Yerusalem mutuku obinamne,’ tenebukce, bisik mapnin banmok talak ara, mitik asik dolamikak ap, weik asik dolamikak ap, mapnin balamukce peterepnin banmok.

Lukas 13:24

Nyabuka asipdeyukura, Yesus arye ayupu kekenmek nang nirya ati tamubuka nyabuk. Na dipkoprop nyapsine, Allah arye ninye lyeplirye, sik kanya talima talinamsil talak ara, ninye weika arye, ‘Se, nun ton wektibye’ tenen, piripdenamak bukni, kum wekmanto upnamake. Allah ap neika unamabak ara, wekna buplan bisik ara, buplan pum pia mitik anya arye, ‘Anyaik wektinye’ tenen, pia pi deibuka mikip deice arye piripdenamlume.