Lukas 13:11 - Eipomek

¹¹ Yesus arye peterenmok talak, anyaik noutamak tonok kil isa talyamuka deice arye, nong amnyok dukamuk kil unmok. Akil ara, keting tamun yupa weik 18 tahun deice arye pia amnyok dukamuk arye, amnyok sisikuka tikropman kumto ulamuk.

Lukas 13:11 ပူးပေါင်းရင်းမြစ်များ

Ayub 2:7

Nyabukopura, Isa Mutuku Dongonye, Allah damak arye batakuka biyuk. Winibuk talak ara, Ayub el nong deice,barye suse ara, yan duk mouse dipdongobuka kisok deice nirya amubuk.

Mazmur 145:14

Weik ikin ning ninye, sik nong deice yaliba, imun kanye bobuka, unyak ninye nirya ati ara, Allah Yahweh ance eipsimince, adiparyuk melisilyame. Tonda, Allah ancuk ninye talimauk diliba, imun kanye bobuka unyak ninye ara, an taruk arye, talibuka tikilisilyame.

Mazmur 146:8

Tonda, Yahweh arye sik asing kulamle ninye ati, kweteplirye, tamubuka teleb kipdeipliba, teleb kibuka dinyake. Tonda yata ninye do nirya ikin weik upliba ikin kanye bobuka unyaka ati, ‘Seʼ tenen, nong kanupdongobuka, unyak ninye ara, Yahweh arye aninye dilula ati, elce sikti, tamubuka teleb kililule. Tonda, Allah Yahweh arye, sik diksukum winin ninguk talibuka, teleb wininyak ninye nirya ati, kanye delilule.

Mazmur 38:6

Tonda na walwal arye winilamse ning ati, na dila babye, akunum lyubuka malye weik winipnin banmaniliba, tong weik nyalule.

Mazmur 42:5

Na ikin unilye talak ara, engena deice arye tuba tenenune. Se, na ni Allah, na ap, ninye weik ap, an si eren aik dam bana ati, narye deiyok koubuka, ninye dobuka balamse. An si eren aik dam balamupu talak ara, na ap, aninye nirya ap, pin-pin kanye bobuka, mot deice arye anti, ‘Telebe,’ nyabuka, balamupu. Wini talak ara, ikin weik unulul bukni, minop talak ulamse ning ara, tuba tenenune.

Mazmur 6:2

Se, na ni Allah Yahweh, ‘Anda yu weik tuba ukulul talak ara, na malye winin ning ati, kum wenepnamnilam’ tenen, moropkine na nio. Ara, ‘Yu weik upkilye talak ara, ayu deice arye kum wenepnamnilam’ tenen, moropkine na nio.

Matius 4:23

Sik ap, Yesus ap, Galilea mutuku noutamak balamika ani, Yesus arye, sik Yahudi yala nang Allah yupu keken aik wekuka, el yupu peterelamuk. El teleb yupu peterelamuka ara, Allah arye ninye lyeplirye, sik talima talinamle yupu, lak teleb yupu peterelamuk. El peterelamuk talak nirya ara, sik amutuku ninye mitikuk dilamuk nang ap, minop danirye weik uk dilamuk nang ap, teleb ubuka kwetelamukba, aninye nirya teleb ulamik.

Markus 9:21

Ami wininmok bukni, Yesus arye ami, el li biti asipdeyuk. “Isa talyamukbuk awininmalto ning, yata wiribuk talak arye weik winilamuk do?” nyabuka asipdeyuk.

Lukas 13:12

Yesus peterenmok aik ara akil bukmokak eibukce, “Abukmek nang urasin dam tikilyayo,” nyabukura, tikilyayuk. Tikilyayukopura, akil ati ayupu nyabuk. “Akilo, isa talipkukbuk, amnyok dukamkuk ara, akunum kwetepkine,” nyabuk.

Lukas 13:16

Diba anggun aning awinilulum touk, Abraham yala nang arye deiamik kil ara, keting tamun 18 tahun deice arye isa talyamuk arye, amnyok dukamuk ak, kwetepmana ati, malye tenepmaluma ara, yata ati do? Sabat sum deice babye, anggun keledai basam lobuka, mek kin kirikilbalalum atonun, aisa talyamuk kil ara, yata ati, Sabat sum deice kum kweteptinye do?” Yesus arye anang ati, ayupu nyabukce wenebuk.

Lukas 21:28

Anyapmasin ning nirya deiyok koubuka winilye talak ara, anggun tikukapmunce, ‘Nun ni, nun Lyena Deiyoknye yanusil’ tenen, kanye etek-etek nyapsilyeura, erebuka dinamlulume. Ara, ‘Allah arye lyepnamsil talak akunum uple,’ tenepnamluma ati, nyapne. Yesus arye nyabuk.

Lukas 8:2

Tonda, isa talyamneura, Yesus arye yakuka dopkwetepnarye kwetelamuk kilapu ap, uk dilamukbuk kwetelamuk kilapu ap, Yesus ap balamik. Tekbarye isa talyamuk kil, el si ara Maria, Magdalena kwetebuk kil ap, Herodes el aik pil dolamuknye Kusa, el kil Yohana ap, Susana ap, ton yuk kilapu weik tonap neika balamik.

Lukas 8:27

Biyikopura, Yesus ara mek lia bukna yo deice arye, tukwak tikilbiyuk. Tikilbiyukura, amutukunye tonok, isa arye uryamuknye, ninye weilamik keil si dam arye kubuka abukce, Yesus dam yayuk. Anye bira, ninye aik kum ulamukce, talye nong bananguk ninye weilamik keil pum bisik ulamuk.

Lukas 8:43

Abanmek nang kan-kan noutamak ara, uk dilamukbuk, keting tamun 12 obarye, deice arye el ining balamuk kil neika banmek. Akil ara, ‘Sikce kwetepniting’ tenen, kweten nang dam weik balamukbuk, sik kum kwetepmanto wamik arye, uk tuba dilamuk.

Rasul 3:2

Ara, tonoknye el deiamik talak arye nirya, yok kwanyamuknye ulamukak, sik yuk nang arye el baya wibuka, Allah ati arilbalamik aik buplan dam asum-asum nirya deililbalamik. Abuplan si ara, Urasin Teleb Bublan nyalamik. Delilbalamik anyak, anye birye, ‘Sikda yo bok talye arepnamniak’ tenen, sik anyaik wekelbalamik nang ati, pia moronauk ulamuk. Asum-asum nirya winilamika ati, sik baya wibuka bobayik talak ara, Peterus ap, Yohanes ap, banmarika dam kirikuka banmekbuk, anye birye Peterus ap, Yohanes ap eibuk.

Rasul 4:22

Wininmekce, Sandeheren wekmek nang arye, ‘Peterena bataknamdak,’ tenebikce, “Tuba peterepdumunyopura, nunce opnamsiyape,” nyabuka, yupu weik tonap wenebikopura, lopdongobik.