Lukas 13:1 - Eipomek

¹ Yesus arye el yupu peterenmok talak ara, ton nang arye ayupu nyabik. “Galilea tam nang, ton nang ara, ‘Nun malye winin ning Allah arye namin kipnamsile’ tenen, kam un ning obuka, Allah ati arinmek noutam ara, Pilatus arye nyapdeibukura, el yin talin nang arye aGalilea tam nang oplobik. Oplobikura, anang sik ining ap, sikce, ‘Allah arepnamap’ tenen, obuka arinmek ning ining ap, tabakuka ansinibuka biyuke,” nyanmek.

Lukas 13:1 ပူးပေါင်းရင်းမြစ်များ

Ratapan 2:20

Se, nun ni Allah, ance aning-aning nirya talimince, pia mikip weiknye ulyama ati, nun dam ikin ning deipsulamak, doprobupurye, ikin kanye bobuka unyap ning ara, an eipmince tenipdenalame. Yuk mutuku nang ati ara, aikin atonun ning ton, sik nong deice deiamlum do? Nun deice deipsulum ning ara, weik ikin ning ulul do? Na nio, ebuka tenipdenamlyame. Sik mapu deiamik kilapu arye, sik mining mapu obuka dinyake. Aning ara, pia kum winiptinge! Tonda, imam nang ap, nabi nang ap ara, Allah an si erenak, anyaik pum tam, pia lek aik noutam aryuk, yu nang arye yanuka, obuka batakanyaka ara, teleb do na nie? Na kanye ara, aning kum winipmanto ning tenepne. Na nio, aning weik ikin ning arepsulum ning ara, An min arye ton winilamlum ning winiplum do? kume tenepne.

Matius 27:1

Yahudi yala nang Allah arena ati, weik deiyok nang ap, Musa sekamuk yupu peterena deiyok nang ap, Yahudi yala nang, yuk deiyok nang wisi nang ap, alukunyan noutam nirya ara, sik yupu weik arye talinmek. Anang nirya yupu weik talinmekopura, ‘Yesus ara opnamabe. Ara winipnamabe,’ tenebuka yupu talipmek.

Matius 27:2

Akunum tenebikopura, sikce nyapdeibikba, sik yin talin nang arye Yesus tapu koubuka, Yudea tam talyamuknye, ‘Gubernur Pilatus arye yupu lipsisikuka bokeipnul’ tenen, bobinuka arebik.

Rasul 1:11

Tikilyarikura, ayupu nyaprik, “Anggun Galilea mutuku nango, anyaka tuba yata ati im tam pia dinmalum do? Anggun dam Allah arye Yesus dobuka im deice welepmalanye bira, anggun asing arye eipmalumbuk, welepmala atonun, aminyan ara, eluk tamubuka yanamle,” nyaprik.

Rasul 2:7

Pia lukdayik akarye, asok dama biyukura, asipdeyik. “Ayupu nyanmak ninye ara, Galilea tam nang kuma de?

Rasul 5:37

Yudas kum dayukura, aminyan talak ara, Galilea tamnye, el si ara, Yudas, ninye si nukuka sekamik talak arye, sisinanye erebuka tikuk. Sisinanye erebuka tikuk akarye, el yupu nyalamukbuk, ninye weik, ‘Amutuku talisinyak nang obuka bisipnamap’ tenen, bululamik. Ura, yuk nang arye el babye, obikbuk, el melibuka dobolbalamik nang nirya bokuka yuk-yukak bindobik.