Lukas 12:50 - Eipomek

⁵⁰ Nara, weik kanye imun ning upnamak ning ara, aupmala bukni, min sirya kum dakdongopman talak ara, pia kanye imun unulule.

Lukas 12:50 ပူးပေါင်းရင်းမြစ်များ

Mazmur 40:8

Narye aning akunum kel kipsa ati, wini talak ara, na yanmance, an dam aunmane. Ance nyapdeiamlumba, an yupu buku noutamak, nati akunum sekeipnik ning ara, nyapnukine.

Matius 3:6

Balamikce, sik malye ulamik ning, yuk ninye kekelamikak arye, lakak laka nyabuka batakik. “Nun dipkoprop malye winilamupe,” nyabuka, sik malye winilamik ning lak akarye, laka nyabuka bataklamikba, Yohanes arye adib tenelamik ninyeuk dobuka, mek ongolamuk. Aninye dobuka, mek dongolamuk mek si ara, Yordan mek.

Lukas 12:49

Yesus arye nyabukopura, adomon yupu tonap nyabuk. Na pil donyak deice arye, ‘Mutuku-mutuku sirya, im sirya nirya, uku dinamle’ tenen, uku boyasi. ‘Tuba akunum iptinyeura, dinmatu’ tenen, kanye imun upnile.

Yohanes 18:11

Peterus arye winibukura, Yesus arye Peterus ati nyabuk. “Winina bataklyame. An parang ya tuba tamubuka liplyame. Na Ni Koprop Allah arye tenyamnuk ning arepnilibuk, batakuka kum dopropnamne do? Kume, sikce dawinipnamakca,” Yesus arye nyabuk.

Yohanes 19:30

Arebikbuk, Yesus arye, aning akunum mitik anun dibukopura, ayupu nyabuk. “Winira akunuma,” nyabukce, adiparyuk el ngang yalyaling apsakukce dibuk.

Yohanes 4:34

Walwal arye nyaldanmekba, Yesus arye ayupu winipmanto yupu deice, el mapu ati nyabuk. Na din ning atonun ning nyapmasina ara nyapnusine. Ara, na dopdeipnuknye, elce, ‘Wininamle,’ tenyamnuk piluk, ‘Dopnin banmanya ani, sirya daknamne,’ tenenune.

Yohanes 7:10

Galilea mutuku uk unmoka ani, aminyan talak el weit yapu, ‘Weik kwalina sum binuyap’ tenen, bisik banmek talak ara, Yesus babye aminyan biyuk. Yesus elce Yudea tam biyuka ara, ‘Ninye nirya eipnamak’ tenen, talye mankau kanye bobuka lakak kum biyuk bukni, dungnubuka biyuk.

Rasul 20:22

Nyabukce, ayupu ton nyabuk. “Ara wini talak ara, Allah El Dib Kanye arye, na talima noutamak, ‘Yerusalem mutuku bilyame,’ nyabuka palipdeipmanila deice arye, Yerusalem mutuku binamane. Amutuku binyopura, yata wiripnamnil do, na walwale.