Lukas 12:49 - Eipomek

⁴⁹ Yesus arye nyabukopura, adomon yupu tonap nyabuk. Na pil donyak deice arye, ‘Mutuku-mutuku sirya, im sirya nirya, uku dinamle’ tenen, uku boyasi. ‘Tuba akunum iptinyeura, dinmatu’ tenen, kanye imun upnile.

Lukas 12:49 ပူးပေါင်းရင်းမြစ်များ

Yesaya 11:4

Aning kum bukni, elce bona utotoa talina kum ninye ap, mikip kum ninye ap ati, el diksukum ulye deice arye, yupu lipsisikuka bokolinamle. Bona weik talin nang arye, talye bona utotoa talina kum ninye ati, yaniltanyakba, bona kum ninye arye, ‘Se yata wiriptibye do?’ tenen, malye kanye bobuka moronyak ninye ati, pia telebuk ulinamle. Winipmanto ning ara, kama mikip asa arye, tuku deice olamak touk, sik malye wininyak ninye ati, weneplirye oplopnamle. Malye winibuka ulamikce ninye ara, el yupu nyanamla deice arye, wenebuka oplopnamle.

Maleaki 4:1

Allah Yahweh aning-aning nirya talibuka, im deice yin talin malaikat nirya, sik weik deiyoknye birye nyabuk. Dipkoprop, na tenepse sum, akunum uplyopura, malye unyak ninye ap, talima erelan deice arye, erepdanuka kwalinyak ninye ap nirya, narye wenebuka oplopnamne. Winipmanto ara, koluplirye, kel-kel alamle ning, uku dinibikiba, minopce uku buk paplirye, dilamle touk, sik amalye wininyak ninye nirya wenepnirye, obuka sirya daknamne. Atalak ara, sik amalye unyak ninye ara tonok ton kum bataknamle. Weik uku dinmalirye, yo deiyok ap, taruk ap, yating nirya ap, dibuka kum danalamle touk, sik amalye wininyak ninye nirya wenepnirye, obuka sirya daknamne. Atalak ara, sik amalye wininyak ninye ara, sirya ton kum bataknamne. Wimipnamne talak ara, sik yala ninye nirya babye, pia kum upnamake. Ati, doryanamle talak ara, amalye unyak ninye, sik yala nang arye, mapu ton deibuka kum punupnamake. Sik yala nirya kum danamake.

Lukas 12:48

Bukni yata pil don nang do nirya, sik deiyoknye birye pil diamlye ning moubuka kum kekebikirye, bita kum kel kiyamikce deice arye walwal arye, malye winilamiceopura, sik deiyoknye yalye talak ara, mitika arye wenebuka nong bol deice dem opnamle. Ara talye ati kume. Allah arye aning-aning nirya ap, kel kina deiyok ning ap, weika arye areamuk ninye ati, ‘Na pil weika arye dolamik do, kum do?’ tenen, asiplirye, weik winipdenamle. Aning atonun, Allah arye tia talak ‘Na pil dopnamniak’ tenen, aning-aning nirya areamuk ninye ara, aning deice arye, ‘Na pil dipkoprop dolamik do, kum do?’ tenen, asiplirye, weik winipdenamle. Ati, anggun nirya arye kanye moubuka unamlume. Yesus arye nyabuk.

Lukas 12:50

Nara, weik kanye imun ning upnamak ning ara, aupmala bukni, min sirya kum dakdongopman talak ara, pia kanye imun unulule.

Yohanes 9:4

Domon yupu arye nyapnusine. Ara keting noutam tuba uplye talak nirya ara, na dopdeipnuknye, el piluk adiparyuk donamabe. Iniplyopura, kuna yanamle talak ara, tonoknye babye pil kum dopmanto unamake.