Lukas 12:43 - Eipomek

⁴³ Anyaik deiyoknye tamubuka yanamle talak ara, el pil donanye ati yupu nyapdeibuk touk, pil dolamlyopura, anye biti teleb updeipnamle. ‘Na ning nirya talipmince, deiyoknye atonun kibuka, na pil donamnilame,’ nyabuka adeiyoknye birye el pil donanye dobuka ereipnamle.

Lukas 12:43 ပူးပေါင်းရင်းမြစ်များ

Mazmur 101:6

Bukni, sik telebuk wininyakce, sik ap neika unyak nang ati, pia kum malye kinyak nang ara, kanye deipnirye, anang ati melinamne. Winipnyopura, anang ap, na ap kanye deipdabirye, neika pia unamabe. Ati, yata nang do nirya, sikce malye winin ning nirya batakikirye, pia diksukumuk wininyak nang ara, narye anang ati, erepdeipnirye, ninye deiyok ning arepniba, sikda ninye deiyok nang kibikirye, talibuka na amu tam ukirye, na pil melibuka donamniake.

Amsal 27:18

Yata ninye do nirya, sik deiyok nang arye ara, yo kouamikiba, sik amu tam nang arye ayo melibuka kalikin makirye, moubuka pil dolamikirye, dola kwelamica ani, yo duk si, Ara, yo duk mouplyopura, ayo duk moupmaliba, apil dona nang arye, yo duk dakuka dinyake. Aning atonun, yata pil dona nang do nirya, sik deiyoknye birye, el dekna weik ning dobuka, ‘Naʼ tenen, deipliba, sikce aning melibuka kaliklamica ani, tabakuka weik kipnin balyopura, adeiyoknye birye, el amu tam pil dona nang ati, dekna ning ton dobuka sikti, “Telebe,” nyabuka, el dekna ning bokuka, anang ati arenamle.

Yesaya 56:2

Tonda winiryuk nyapmasin ning ara, malye winin ning ton kum winilirye, aninguk moubuka taliplirye, leibuka ululye bira, narye elti, tuba tonap teleb kipdeipnamne. Anye bira, kanye deipnamne. Tonda narye, ‘Asum ara, na si eren sum ati, Sabat sum noutam ara, dikdik sepmunce, na siuk erenamnulume,’ nyapdeipsise ning ara, moubuka kalikdakirye, teleb ubuka ukirye, asum moubuka taliplirye, asum noutam ara, ‘Asum ara, aning winina meme,’ nyapdeipsise ning ati, pia malye kum winilulnye bira, narye teleb kipdeipnamne.

Matius 24:46

Anyaik deiyoknye tamubuka yanamle talak ara, el pil donanye biti yupu nyabuka deibuk touk, weik kelnye ulamturye, batakna kum diparyuk, apil nirya akunum pil dolamlyopura, adeiyoknye birye tamubuka yalyopura, el pil melinanye biti, ‘Na ning nirya talipmince, deiyoknye atonun kibuka, na pil donamnilyame,’ nyabuka, adeiyoknye birye el pil donanye dobuka erepdeipnamle.

Lukas 12:37

Yata nang do nirya, ‘Nun deiyoknye yanul do?’ tenen, dinmakibuk, el yalyopura sik deiyoknye birye, anang ati kanye deiplirye, teleb ulilule. Anye birye el pil melina nang ati, kanye deiplirye, pil don ongon baju ongoplirye, el melina nang ati, ‘Dina dinak bulyalulume,’ nyaplirye, sik din ning ati arepnamle.

Lukas 12:42

Asipdeyukura, Yesus arye tamubuka nyabuk. Aik deiyoknye tonok arye, yuk mutuku binuyuk talak ara, el pil donanye tonok ati, ‘Pil winibuka donamlume. Na pil milina nang nirya ati, sik din pataplye talak ara, bokuka arenamlume,’ nyabuka bokdeibuk.

Lukas 12:44

Na dipkoprop nyapsine. Anyaik deiyoknye birye, ‘Wininamlulume,’ nyapsuk touk, el pil donanye birye, diksukumuk pil dolamlyopura, adeiyoknye el talyamlye ning nirya anye biti areplibuk, elce taliplirye, deiyoknye atonun unamle.

2 Peterus 3:14

Aning ati ara, na kayapu, anyapmasin ning nirya ara, ‘Allah arye winamsil’ tenen, kanye deiplumce, kintinibuka dinauk ululuma anya arye, ‘Allah nyasilye touk, diksukumuk wininamap’ tenen, pia pi dobuka pirilenamlulume. Wininamluma deiyok ara, ani. Ara, ‘Allah arye ninye nirya ati wenebuka bokeipnamsil talak ara, dipdesilirye, “Aninye ara, malye un ning kum upmale. Sikda diksukumuk unyakce, na ap dukdongobuka, teleb-teleb ubuka neika unyabe,” nyabuka deipnamsil’ tenen, teleb ubuka unamlulume.