Lukas 12:31 - Eipomek

³¹ Aninguk tenebuka, kum unamlum bukni, weik mambul ning ara, Allah arye ‘Wininamake,’ tenesilye touk, diksukum una ap, lyepsilirye, nun kanye talima talibuka unamsil ning ap, aninguk minopce tenepmunyopura, pia moubuka talipmunyopura, yuk yala ning nirya babye, elcuk arenamsile.

Lukas 12:31 ပူးပေါင်းရင်းမြစ်များ

Mazmur 34:9

Dan ninye do nirya, Allah Yahweh, el winilye ning nirya, moubuka dipdemunce, anggun babye kel bikinamlume. Allah Yahweh arye, winilye ning nirya ara, pia telebuk winilule. Ati, yata ninye do nirya sikce, ‘Se, Allah el dem arye kalikuka melinamsil’ tenen, Allah el amu tamuk unyak ninye nirya ara, Allah arye meliliba, sik telebuk wininamake.

Mazmur 37:19

Diksukumuk wininyak nang, sik dam, weik imun ning yanamle talak ara, pia ikin upliba, sikce, ‘Se, yata wiripnuyap do?’ tenen, imun kanye bobuka, sik diba tenyamik ning, kum batakanyake. Pia ikin ning weik uplya babye, batakna kumce, pia kanye deibuka, telebuk unamake. Tonda, sik din patan talak unyaba babye, aninye sik unamakak ara, din ning tuba aupnauk unamle.

Mazmur 37:25

Ara, talye kum nyapne. Na kam ulamse talak arye, dipdongobuka wisi deipse talak nirya unirye elinuna ara, Allah elti, diba tenekirye, diksukumuk wininyak nang ara, sik anang ati kum batakalule. Pia moubuka, tuba kalikilule. Tonda, sik anang deibikba, dadeipdanin yanganyak mapu nirya ara, Allah arye batakliba, ‘Yuk nang arye arenamsiak’ tenen, talye luba kibuka dilamak nang atonun, kum unamake. Allah arye aninye ap, sikce delinyak mapu ap ati, aning-aning nirya, talye tabakuka arelule.

Mazmur 37:3

Anggunda, malye wininyak ninye ati, ‘Anang ara, teleb wininyake,’ kum tenenamlum bukni, tukwak mutuku noutamak unamlum talak nirya ara, ‘Allah elcuk melinamsil’ tenen, anggun ni koproba Allah Yahweh atibuk, diba tenepmunce, diksukum piluk donamlulume.

Mazmur 84:11

Teleb weik ning ara, tonok sum Allah an si eren aik dam yanuka eipkitinyeura, telebe teneptinye. Bukni, yupa weik seribu sum ara, talye yukak daunmatinye babye, telebe kume. Tonda, na ara, an si eren aik bublan dam kalikna pil doptinye babye, pia telebe. Bukni, malye wininyak nang, sik teleb aik binuka uptinye babye, aning telebe kume.

Yesaya 33:16

Anyanmasin touk wininamak ninye ara, amutuku teleb kipdeipniba, unamake. Winipmanto ara, ‘Yuk yu weik nang arye kum olyasitinge’ tenen, mutuku deice unyak ninye atonun unamake. Winipmanto ara, mutuku yangan keil dana-dana bulamle keil deice uptibyopura, ‘Yu nang arye kum opnamsiyake’ tenen, ulamak nang atonun unamake. Na Allah arye anggun mutuku teleb kipdeipsinirye, pia telebak umunyopura, anggun kwaning ap, mek ap min arye akunum kintinip deipse ninguk, naryuk arenamsine. Winipsiniba, telebuk unamlume.

Matius 6:33

Aninguk tenebuka, kum unamlum bukni, weik mambul ning ara, Allah arye, ‘Wininamake,’ tenen, nyasilye touk, diksukum winina ap lyepsilirye, nun kanye talima talibuka unamsil ning ap, im deice welepnamlum ning ap, aninguk minopce tenepmunce, pia moubuka talipmunyopura, yuk yala ning nirya babye, elce dipkoprob arenamsile.

Lukas 10:42

Bukni, weik mambul patasilye ning ara, tonok ulule. Maria arye weik mambul ning, Allah yupu keken ning akunum wibmalce, na nyanmane yupu kekebuka unmala ati, aning yupu sekuka kum dopropnune.” Yesus arye nyabuk.

Lukas 12:30

Ayupu ara, talya ati kum nyapsine. Tukwak ulye ning ati, ninye nirya patalul ning ara, Allah ati ‘Diba’ tenena kum nang arye, ‘Aninguk dopropteipye,’ tenebikirye, sik kanye talima aning deiceuk deilinyake. Wininyak bukni, anggun na mapu ara, anggun patapsilye ning nirya, anggun ni Allah arye, akunum tenepsilirye, arenamsil ati, talye tukwak ning ati, kanye imun kum unamsile.

Yohanes 6:27

Narye nyapsine. Talye lyupmanto din ning ati, ‘Kanye deibuka dopropnamap’ tenen, pil dona meme. Aninguk tenena kum bukni, nara Ninye Mi Koprop Atonunye arye, din ning atonun ning arepsitinye aning ara, arepsiniba dopropmunyopura, aminyan pia kam unamlume. ‘Aninguk doproptibye’ tenen, pil donamlulume. Ninye Mi Koprop Atonunye ati ara, nun ni Allah arye elti, kanye akunum deibuke,” Yesus arye nyabuk.

Roma 8:31

Arup talak, “Allah arye akunum teleb kipdeipsuk ning ani,” nyabuka laka nyapmasin yupu ati ara, yata yupu ton tabakuka nyaptibye do? Kume, Allah arye akunum bico tenyamsukce, nunti wipdeipsukce, melibuka pil dosulula anya arye, yatanye ap, yata ikin ning ap arye, malye kipsutu do? Aning nirya ara, malye kum kipsutue.

1 Timotius 4:8

“Wininalyame,” nyapmakina deiyok ara, ani. Ara, nun nong mikip kilana ati, bik-bik ana ap, mikip arye pil dona ap ara, mitik teleb bukni, Allah pia diksukumuk ulye touk, nun babye teleb koprop una ati, adiparyuk kel bikna ara, weik mambul. Diksukum ubya deice arye, yuk winin ning nirya noutam melisulule. Nun kele, diksukumuk ubibyopura, wini talak tukwak unyap talak babye, aminyan im deice binuka unamap talak babye, melibuka teleb keipdeipnamsile. Weik mambul ning ara, ‘Allah diksukum ulul touk, na babye diksukumuk unamne’ tenen unamabe.

Ibrani 13:5

Allah arye nun diba tenenyap ninye nirya ati, el yupu deice arye nyapsuke. Ayupu ara ani. ‘Doyanamle talak nirya ara, anggun batakuka, yukak kum binamne. Na ap, anggun ap neikauk unamabe. Anggun patan ning nirya ati, pia kum bataknamsine. Melibuka arenauk unamsine. Allah arye nyabuk.’ (Ulangan 31:6)