Lukas 12:16 - Eipomek

¹⁶ Asum nyapmok yupu ‘Teleb kum kel kipnamak’ tenen, tonda anyapmok yupu ara ‘Moubuka kel kipnuyak’ tenen, adomon yupu tonap nyabuk. Tonoknye birye, wa wibuka kouamukura, pabukce nong weik ubukura, awa wina libukce aik boyayuk.

Lukas 12:16 ပူးပေါင်းရင်းမြစ်များ

Ayub 12:6

Na kanye ara, ani. Sik ubula don nang ara, sik aik noutamuk bukikirye, kanye deibuka, talye tunim abuka unyake. Tonda, ton nang arye, malye weik winikiba, Allah arye, sik wininyak ning ati, yu weik ulul bukni, sikda, ‘Kume ikin ning nun deice yasilyeba, kum dolonamapʼ tenen, ilil pia kum ulule. Tonda, yuk nang arye, amalye wininyak nang ati, “Wininmaluma ara meme,” nyabuka, pia kum wenenyake. Amalye wininyak nang arye, ‘Anye biryuk melibuka lyepnamsilʼ tenen, sikcuk memebuka delinyak ning, el si ara patung, memebuka kintinibikirye, aning dobuka, sik aik noutam boyanuka deibikirye, aning eibuka, isa si erenyake. Tonda, sikce, ‘Nun mikip deice aryuk wininyaba,’ tenenyake.

Ayub 24:23

Anang sikce, ‘Nun tuba teleb kibuka unamapʼ tenena deiyok ning ara, Allah arye tia ati arelul bukni, elce, ‘Amalye wininyak nang ara, yata wininamak do? Teleb ninguk wininamak do, malye ninguk wininamak do?’ tenen, anang nirya ati, tuba-tuba kalikuka dinauk ulule.

Mazmur 73:12

Sik pia malye ninguk talibuka wininyak ninye arye, wininyak ning ara, akunum laka nyapmasin atia. ‘Yata wiripnamsil do?’ tenena kum diparyuk, sik ur talye kanye bobuka unyake. Kanye imun ning, aning-aning nirya ara, sik dam yalirye, ikin kum ulule. Tonda, sik talinyak ning nirya babye, tabakuka dolokirye, weik upra baliba, bona utotoa weik talin nanguk unyake.

Mazmur 73:3

Winilamsa deiyok ara, ani. Narye, sik kanye talima erebuka, kwalinauk unyak ninye, pil dobuka, dolon ning weika dolokirye, kanye deibuka telebuk unyakba, elinunce, ‘Se, sik anang ara, kanam asa uk unyak bukni, nara yata deiyok ati, ikin asa uk unun do?’ tenelamsa deice arye, yu upnukce, na dib tenepse ning, walwalapmanto upnuke.

Yehezkiel 16:49

Sik Sodom mutuku noutam ulamik nang nirya arye, malye winilamika deiyok ara ani. Ara, diltaknauk ulamik. Tonda, sik din ning yala-yala nirya ara, pia weik tonun, kintinip deiamik ning arye dilamikce, maknya kipdanuka ulamikce, namin arye, talye tunim abuka, kanye deibuka, teleb aryuk, pia dukdongobuka, neika ulamik. Bukni, sik aning-aning nirya, kum uamuk nang, sik pia talye kankan nang ap, aning-aning kum uamukba, pia patanauk ulamuk nang ati, ‘Sik anang ara, dauplye’ tenebuka, bataklamikce, pia kum melilamik.

Hosea 2:8

Israel ninye ara, talye-talye yolamak kilapu atonun unyake. Ara, sik ‘Din ning, el si ara gandum ap, anggur mek ap, zaitun yo duk mek ap, tonda dekna pia weik ning emas ap, perak ap, pia weik arye aresululnye bira, Allah biryuk aresulule,’ pia kum teninyake. Aning moubuka kum tenenyaka deice arye, ateleb ning nirya dobuka, talye Isa Mutuku Dongonye, el si Bahal, el si erebuka kina ati, arelamik. Aisa ara, kam una kum ning bukni, ninye taruk deice arye puturubuka memepdeibikirye, talye ning Bahal ati, ‘Nun ni koproba,’ nyabuka, el siuk erebikirye, na Allah ati bataknikirye, na si pia ton kum ereninyake.

Matius 13:8

Aning ara, duk kum moulamuk bukni, yo duk ton doknin banmok ning ara, mirin tuku teleb ak sakuk. Mirin tuku deice sakuk ning ara, pabukce nebukopura, duk teleb ubuka moulamuk. Yo duk tonok-tonok sakuk bukni, aduk tonok arye pabukce moulamuk ara, ton ning ara 30 moubuk, ton ning ara 60 moubuk, ton ning ara 100 moubuk.

Matius 5:45

Wininamlum ning ara, anggun ni Allah, im deicanye, ‘El mapu unamak’ tenen, wininamlyame. Allah ara, pia telebnye ulula anya arye, teleb ninye babye, malye ninye babye, bico tenebuka, kanye talima aresulule. Anggunda, el mapu ululuma ati, anggun babye atonun unamlulume. Allah el keting ara, elce nyaplyeba, malye nang dam babye, teleb nang dam babye, delilule. Mok ababye, Allah elce nyaplyeba, malye nang dam babye, teleb nang dam babye, mok celule.

Lukas 12:15

Nyabukopura, awekuka kekenmek nang nirya ati ayupu nyabuk. “Anggun nirya, anggunce anggunti, ilil una ap, anun una ap, upsilya ati, kanye talima kalekuka dildanamlulume. Ninye kam una ap, ninye teleb una ati, mambul ning ap ara, aning-aning bona talinanye kina deice arye teleb kum updeipsute.” Yesus arye nyabuk.

Lukas 12:17

Boyayukce, ‘Se na din ning delin aik lo kum ati, dan ak deipnun do?’ tenen, teniltonmok.

Rasul 14:17

Winilamuk bukni, ‘Elda yatato Allah ulul do?’ tenen, laka lena ati ara, kum bataksuke. Elce nun bico ati teleb kwepdeipsuk ning ara, ani. Dua noutamak arye mok aresulule. Tonda, nun dinyap ning ara, atalak-atalak dina ati, yuk-yuk wibuka aresulule. Tonda, nun dinyap ning weika arye arisulule. Tonda, nun talima kanye delinyap ning nirya arisilibuk, ‘Kanye langdipsilyeura, pin-pin arye unyabe,’ nyalamabe. Aning-aning nirya arisilya deice, ‘Allah arye dipkoprop bico tenesulule’ tenen, kel kinyabe,” Paulus ap, Barnabas ap arye, awekmek nang ati nyaprik.