Lukas 11:7 - Eipomek

⁷ Moroptumopura, anyasiknye birye el atamubuka, “Kume, na bulina bataknio. Bublan akunum tirikdongopmanurye, na ap, na mapu ap, neika mapmaba anya arye, an moropmanilam ning ara, kum arepnukine,” nyaptue.

Lukas 11:7 ပူးပေါင်းရင်းမြစ်များ

Kidung Agung 5:3

Nara, “Kume, ‘Wini talak ara, mapnunʼ tenen, na nong deice ongonun baju nirya ara, akunum kwiripdeipmanu. Ati, ‘Yata ati, aning nirya tuba tonap dobuka ongopnaman do?' Tonda, na yan ara atalak akunum mek likmanua ati, yata deiyok ati, malye ning deice tuba yanipnirye, tonap, na yan mek liknaman do?” nyapmase.

Matius 25:10

Nyabikopura, sik walwal kilapu dekelbinmek talak ara, kil dopnamuka deiyoknye tamubuka aik yayuk. Yayukopura, sik kel kilapu uku mek akunum kintinipmek kilapu pamubarye ap, kil dopnamuka deiyoknye ap, kil don kwalina kwalibuka deipmek aik neika dilbiyik. Aik wekikura, sik yuk nang arye anyaik buplan tirikdongobik.

Lukas 11:8

Anye bira, pia maplukmaturye wi dukunmatu anya arye, ‘Na kwit koprop’ tenen, kum arepkutubuk, pia batakna kumce, moronauk unmatumopura, ‘Yata ati pia nyanmanil do?’ tenen, lik upturyuk, an patapkutu touk weik arye arepkutue.

Lukas 13:25

Anyaik deiyoknye birye buplan akunum dekdongoplyopura, anggunda, buru tam buplan dam tikilbimunce, ‘Naio nun ton wektibye’ tenen, patapsila anya arye, “Nunti buplan kukdeipsilyame,” nyabuka, lorum-lorum abuka weik arye moropnamlum bukni, anyaik deiyoknye birye tamubuka, “Anggun dan mutuku arye yanmalum nang do? Na ap neika kum ulamubu ati, anggunda na pia walwale. Na tam nang kum ululume,” nyapsilirye, bataknamsile.

Lukas 7:6

Nyabuka morobikopura, Yesus, ‘Anye el aik binun’ tenen, banmoka ani, el aik dam akunum yayukopura, ayin talin deiyoknye birye nyapdeibuk ati, el kayapu nang arye Yesus dam nyalyayik. Ayin deiyoknye birye nyapkile. “Naio, nati yanganmalam ara, bataklyame. Nara, weiknye kumanya arye, na aik pum yanuka kum weknamnilyame.

Galatia 6:17

Ura, asurat sirya dakna ati nyapne. Yesus el kai teleb yupu, ninye lyena yupu peterelamsiba, malye nang arye, ‘Ayupu ara nun like’ tenen, kulabuka olamnikopura, na nong bol deice ara, dila weik tuba upnuka anya arye, yuk nang arye nati, ‘Elda talinye’ tenen, na nong deice ikin ning delina kume.