Sik daulamika ani, aminyan yuk talak ara, ami el weit koproba ton deibukce, “El si ara Habel,” nyabuka deibuk. Nepnin balamdika ani, Habel arye, ninye wein ning domba basam talibuka weilamuk bukni, Kain bira talye wa wina ap, kouna ap, aninguk talibuka pil dolamuk. Kam ulamle ning ara, kum weilamuk.
Lukas 11:51 - Eipomek51 Ara, sik diksukum ulamik bukni, Habel arye obik dipdongobuka opnin yangalamika ani, wini talak Zakaria Allah arena ati delilamak sukum obiknye ap, anang nirya sik ining ara, anggun wini talak ululum nang anggun taruk deice upnamsile. Aolamik nang nirya ati, Allah arye wenepnamsile. Winipnamsila ati na dipkoprop nyapsine. Aoltaklamik nang, sik ining ara, anggun wini talak ululum nang, anggun taruk deice upmasila ati, Allah arye anggun wini talak ululum nang ati wenebuka opnamsile. Yesus arye Farisi nang ati nyabuk. အခန်းကိုကြည့်ပါ။ |
Lukas 11:51
9 ပူးပေါင်းရင်းမြစ်များ
Ati ara, an Yeremia birye, sik Israel ninye ati, laka nyanalam yupu ara, ani. Allah arye nyapmasile. Se, anggun Yerusalem mutuku umunye ninyeo, anggunda, anggun ni koprop Allah, el si Yahweh arye nyasulul yupu ara, pia kum kekemunce, ayupu talibuka kum winilulume. Tonda, na Allah arye wenen ning ap, ikin ning ap, arelamsise talak ara, anggunce, ‘Se, nunda malye unyap ninye’ tenen, malye nyabuka kum ngaluk wininamlulume. Tonda, anggun malye winilulum ning ara, kum batakalulume. Ati ara, dipkoprob nyan yupu ara, tuba kum nyalulume. Anggun noutamak arye, tonoknye babye, diksukum yupu tuba kum nyalulume. Anggun nirya ara, tilila yupu uk nyalulume.
Persia mutuku talibuka ulamuk ninye deiyoknye Raja Darius, atam mutuku taleamuk talak bukni, keting tamun bitinye, wala ara, pinbarye (8) deice ara, Allah Yahweh arye, na Zakaria dam yanuka, ayupu nyapnuke. Ara, na apu Ido, elce deiamuknye, Berekhya, elda na ni koproba arye deipnuknye, nabi Zakaria, Allah arye, nati nyapnuke.
Wininamluma ati, yata nang do nirya, sik diksukum ulamik bukni, oltakalamik nang nirya ara, Habel anyapce opnin yangalamika ani, wini talak Berakia el mi Zakaria, anggun apu yapu arye, Allah arena ati delilamika dam obiknye ap, anang nirya sik ining ara, anggun wini talak ululum nang, anggun taruk deice upnamsile.
Tonda, Allah si erena ati, Kain bira mitik teleb ning dobuka yanuka aribuk bukni, Habel arye aning ati, diba tenebuka deice arye, pia teleb ning bobuka yayukce, Allah ati aribuk. Aribukba, aminyan talak Allah arye, Habel aribuk ning ati, yupu nyabuk talak ara, “Na diba tenepnukce, na si erena ati, arepnuk ning ara pia telebe. Ati, Habel ara diksukumnye akunum deipne,” nyapdeibuk. Allah arye Habel ati, diksukum updeibuk ning ara, Habel diba tenebuka deice arye, winibuk. Tonda, Habel akunum diyamuk bukni, weik arye diba tenelamuka anya arye, ‘Habel birye diba tenyamuk touk, nun babye wininamabe,’ tenen ati, Habel ara, winipmantonye Winisulula ati, el diba tenyamuk ning ara, nun tuba tenebuka kel kinyabe.
Tonda, Allah danatam, ninye danatam, noutamak ansinilina deiyoknye, Yesus el un dam yanganmalume. Ninye lyena ati, Allah arye, “Winipnamsine,” nyabuka nyalilamsuk yupu, winiryuk ning ara, Yesus ara, ayupu ati ansinilina deiyoknye usulule. ‘Allah ap, ninye tukwak ninye ap, teleb ubuka neika unamak’ tenen, ansinibuka delisulul deiyoknye ara, Yesus uka. Minop talak ulamuknye Habel arye, Allah el si erena ati, kam ning obuka, ining likdeibuk ning ara, mitik telebuk winibuk bukni, Yesus arye nun lyena ati, el ining sakukce biyuk ning ara, pia mambul weik ulule.
Ura Kain ara, Isa Mutuku Dongonye el yupu kekenanye ulamukce, el weit koprop Habel oplobukce, winilamuk touk kum wininamlulume. Kain arye el weit koprop oplobuk ning ara, yata ati do? Deiyok ani. Kain el winilamuk ning nirya, malyeuk winilamuk bukni, el weit koprop Habel ara, diksukumuk winilamuka ati, Kain arye yu ubukura, Kain arye Habel oplobuk.
ကြော်ငြာတွေ