Lukas 11:16 - Eipomek

¹⁶ Ton nang ara, ‘Yesus ara, dipkoprop Allah el Mi Koprop kum ulule,’ tenebika ati, Yesus asilena ati ayupu nyabik. “Im deice noutamak arye, ninye winipmanto kum pil dopsutumopura, nunce anti, ‘E, diba Allah el mikip deice dib pil dolule,’ tenepkitibye,” nyabuka asipdeyik.

Lukas 11:16 ပူးပေါင်းရင်းမြစ်များ

Lukas 11:29

Ninye pia weik tonap, Yesus dam yanganmekopura, Yesus arye abulubuka yanganmek nang ati nyabuk. Anggun wini talak ululum nang ara, Allah yupu yaninauk ululum nang anya arye, ‘Ninye winipmanto kum pil dopsutubuk, adeice aryuk diba teneptibye’, nyabuka moronululume. Bukni, ninye winipmanto kum pil, tonap kum pil dopnamsine. Nati, diba kum tenepnulum nang anya arye, anggun winilulum ning atonun ning nyapnusine. Ara, anggun malye nang arye, pia malye ninguk talibuka winilulume. Anggunce bataknuluma ati, nyapsine. Allah yupu laka nyalamuknye, nabi Yunus ulamuk talak winibuk ning ara, awinibuk ning atonun ning ara, aminyan winipnamle ning ara, eipnamlume. Yuk pitin kin ning ton kum arepnamsine.

Yohanes 6:30

Yesus arye nyabuka ati, sikce nyabik. “Ura, yata mambul pil, ninye arye winipman kum pil dopsutumopura, eiptibye deice arye, ‘Dipkoprop Allah arye anye bira wipdeipmasile’ tenen, kel kiptibirye, dib tenepkitibye do? Danto pil dopsutum do?” asipdeyik.

Yohanes 8:6

Ura, anang arye Yesus ati ayupu nyabuka asipdeyika deiyok ara, ‘Malye yupu nyaptopura, elti, “Anda malye winilyame,” nyabuka, el nong deice malye yupu nyabuka ikin deiptibyeba, ninye nirya kel biknamak’ tenen, asipdeyik. Utenebuka asipdeyik bukni, Yesus arye el nong ganupdongobuka, mikamuk tuku awamuk noutamak arye, el taruk duk arye yupu sekdeibuk.

1 Korintus 1:22

Yahudi yala ninye ara, ‘Ninye kum winipmanto ninguk, pil dosilyam ning ara, adeice aryuk, dib tenepnamabe,’ tenenyake. Sik Yunani ninye ara, ‘Kel weik bikne yupu deice aryuk nyapsumunba, kekebibirye, nun dib tenenyap touk, aning aublyopura, adeice aryuk dib teneptibye,’ tenenyake.