Lukas 10:39 - Eipomek

³⁹ Wekuka bulbiyik talak ara, Marta el weit kil Maria ara, Yesus el yan dam bukmokce, el peterenmok yupu pia moubuka kekenauk unmok.

Lukas 10:39 ပူးပေါင်းရင်းမြစ်များ

2 Raja-Raja 4:38

Tonok talak ara, Israel yala ninye, sik ulamik mutuku noutam nirya ara, din li ton ubuk. Winibukba, Elisa tamubuka, Gilgal mutuku uk biyuk. Biyukce, nabi nang yupa tonok binuka peterenmok talak ara, el melimnanye tonok ati, “Talina dana-dana din yuna, makau el si panci, weik ning dolbilyame,” nyabuk. Ara, sik awekmek nabi-nabi nang, sik din ning, tuku deice koulamak ning ap, kenkena ap yuna ati, “Weik panci doyanuka kintinipnamlyame,” nyabuk.

Amsal 8:34

Yatanye do nirya, na nyanye yupu kekelulnye bira, ‘Se ayupu tonap kekeptinye’ tenen, pia pin-pin kanye bobuka ulirye, na aik dam yanuka kekelyanganamlanye bira, Allah arye melipliba, telebuk unamle. Winipmanto ara, na nyanye yupu kekena ati, asum-asum nirya, na aik bublan dam yanuka bukuka kekeplirye, ‘Yata teleb yupu ton yanuka nyapnamanil do?’ tenen, tuba moubuka kalikinamlanye bira, Allah arye, anye biti melipliba, telebuk unamle.

Lukas 10:42

Bukni, weik mambul patasilye ning ara, tonok ulule. Maria arye weik mambul ning, Allah yupu keken ning akunum wibmalce, na nyanmane yupu kekebuka unmala ati, aning yupu sekuka kum dopropnune.” Yesus arye nyabuk.

Lukas 2:46

Yerusalem birikopura, liki winilye sum tonap nirya ara, el tonok enmarika ani, Allah ati arilbalamikce, el si erelamik aik ara, Yesus aunmokak eiprik. Yesus ara, sik Allah yupu peterena deiyok nang kan-kan bukmokce, sik nyanmek yupu ara, el kekenmokce asildenmok.

Lukas 8:35

Yesus dam dilyayikce, isa yupa weik talyamukak, Yesus arye kwetebuknye, kanye deibukce, baju ongobuka bukmokak eibik. Eibikura, ilil weik ubuk.

Yohanes 11:1

Atalak noutamak ara, tonoknye el si ara Lazarus, uk weik dilamuk. Lazarus el mutuku koprop ara, Betania mutuku. Lazarus el weit kilapu ara, Maria ap, Marta ap ulamrik.

Yohanes 12:3

Sik din dinmek talak ara, Maria arye nintong teleb mek, el si ara narwastu, dekna pia weik ning dobuka, Yesus el kina ati, el yan deice dikeibuk. Dikibukce, Maria el kisok potong cang kil anya arye, el potong talibuka, Yesus el yan deice kilibuk. Anirya winibukura, anyaik pum nirya nintong teleb ning ara weik arye banmokba, sik nirya kekebik.

Rasul 22:3

Nara, Yahudi yalanye unune. Kilikia tam noutamak, Tarsus mutuku arye deipnik bukni, Yerusalem mutuku asukumuk na ni ap, na nin ap, melilamnirikura, sik mikip deice arye nepse. Ulamse ani, nepsopura, weik kel keamuknye Gamaliel arye, nun ni yapu diba tenebuka talyamik mem yupu ara, elce peterelamnukura, kel kiyamse. Aning kel kiyamsiryeura, anggun awekmalum nang atonun, ‘Allah pia talinamap’ tenen, anggun kanye talima tenen ning ap, anggun nong ap, Allah ati arimunce umunya atonun, na babye winilamse.

Ulangan 33:3

Dipkoprop, Allah elda, ninye tukwak ninye ati, bico tenelule. Allah arye, pia diksukum ninye nirya ara, el mapu kibice nang ara, elce talibuka melilule. Sik nirya ara, Allah el yan dam gutam tuku dipdongobuka, el si erenyake. Tonda Allah arye, ‘Wininamlulume,’ nyapdeiamuk yupu ati, dib tenebuka talibikirye, dobolbanyake.