Lukas 10:32 - Eipomek

³² Aning atouk, yuk Yahudi yalanye ton, elda Allah arilbalamik aik noutamak pil dolamuknye tonok, Lewi yalanye abisikuk yanganmoka ani, aoplopmeknye eibuk bukni, eibukce, el babye leibuka biyuk.

Lukas 10:32 ပူးပေါင်းရင်းမြစ်များ

Mazmur 109:25

Bol malye kipmanilce, ikin kanye bobuka unmana ati, nati minin yupu nyaninyak nang arye, yep-yep nyanikirye, akutubuka, malye yupu nyaninyake. Sikda na dam yakirye, na nong eibikceura, ‘Se, elda pia bol malye akunum kipmal,’ tenebikirye, sik ngang, kwakdu-kwakdu nyabikirye, kanupdongobuka, ayupu nyaninyake.

Amsal 27:10

Tonda, anggun kayapu nang koprop ap, anggun ni yapu, sik kayapu nang ap ati, pia luba kum kinamlulume. Anang ara, pia kum batakanamlulume. Deiyok ara ani. Aminyan talak anggun patapsilye ning kum upliba, ikin weik upsilyopura, anggunce anggun kwit capu silip koprop ati, “Se, anggunce melipsutume,” nyabuka, kum moronamlume. Ikin upsilye talak ara, nun du weit pera mutuku ulamicopura, sik damak morolbitibye bukni, pia teleb ning ara, nun ap neika mining damak ulamice nang ati, moroldanamabe. Teleb ning ara ani. Ati ara, anggunce utenenamlululme. ‘Nun babye mining damak unyak nang ara weik mambule. Nun kwit capu silip koprop ara, mambul bukni, sikda pera mutuku unyak ninye anya arye, sik damak kum morolbinamabe,’ tenenamlulume.

Yesaya 58:7

Tonda, ‘Teleb unamlum’ tenepse ning ara, atia. Anggun din ning aupmasilyopura, bokukapmunce sik din kum nang ati bokuka arepnamlulume. Tonda, bona utotoa kum ati talye bisikak balsusulamak ninye ap, ninye asik nang ap ati, ‘Nun aik wekuka yamunyeba, nun ap din neika dibuka unamabe. Nun aik manna teleb uka,’ nyabuka unamlume. Tonda sik baju ongona kumce, nong banang uk ulamak nang ati, anggun baju bokukapmunce, melibuka arepnamlume. Tonda anggun kwit capu ap, anggun yala nang ap, aning-aning nirya pataplyopura, sikti, batakna kumce melibuka arepnamlume. Winipmunyopura, na Allah arye anggunti kanye delinamsine.

Lukas 10:31

‘Akunum dipmala’ tenen, bindobik talak ara, Yahudi yalanye, Allah ati arena deiyoknye bira, abisikuk aminyan banmoka arye eibuk. Eibuk bukni, anye bira, arup oplopmake tenebukce, eibukcuk leibuka biyuk.

Lukas 10:33

Sik abitinye Yahudi yala nang ara winiprik bukni, tonok Samaria mutukunye, ara Yahudi yala kumnye bira, abisikuk yanganmoka ani, oplopmeknye bira eibuk. Eibukce, ‘Anye bira Yahudi yalanye anye arye, ne like,’ tenena kumce, ‘Se’ tenen, bouku sukubukce, pia bico ubuk.

Rasul 16:28

Winibuk bukni, Paulus arye, anye biti weik yupu deice arye nyabuk. “An oldana bataklyame. Nun nirya aunmabe bai tam kum bindopmabe atia” nyabuk.

Rasul 18:17

Bura biyikce, yupu bokolin deiyok nang yupu talipmek aik dam arye, Sostenes, ara, Yahudi yala nang Allah yupu peterelamik aik deiyoknye ati, talibikce, el nong obik. Sostenes onmek bukni, Galio ara, ‘Sik yuk daoplace,’ tenebukce, tunim abuka bukmok.

2 Timotius 3:2

Ninye mutuku-mutuku nirya arye pia malye wininamak ning ara, nyapnukine. Ara, sik bidamnye arye, sik bidamnye ati tenenauk unamake. Yuk nang ati bico tenebuka kum melinamake. Tonda, ‘Yo bok weika arye doproptibye’ tenen, kanye engeplibuk, unamake. Aninye nirya arye, “Nunda pia teleb nang,” nyabuka kanye erena ap, sik babye kanye aryuk erepdeipdakirye, dilana ap, yuk nang ati yu uplirye, sik nong deice malye yupu nyabuka delinamake. Winibikirye, sik ni yapu ap, sik nin yapu ap, nyanyak yupu ati, yanibuka kum kekepnamake. Tonda, yuk nang arye teleb kipdeipsikibuk, anang arye, “Telebe,” nyabuka, kina kum unamsiake. Allah winilul ning nirya ati, ‘Nun lik’ tenen, pia malyeuk wininamake.