Kolose 4:4 - Eipomek

⁴ Tonda, ‘Allah arye tenyamuk touk, Paulus adiparyuk teleb ubuka, Kristus el mambul yupu peterlirye, talak nirya, lakak kibuka pia lilibuka peterenamle’ tenen, Allah moronamnululume. Allah arye, ‘Wininamle’ tenen, tenepnuk touk, Kristus el yupu lakak kibuka petereptinyopura, teleb winiptinye.

Kolose 4:4 ပူးပေါင်းရင်းမြစ်များ

Rasul 4:29

Bukni, wini talak ara, anang aryuk nunti, ‘Opnamsiabe,’ nyanmasiak ara, an kekelaminyak arye dinamsilame. An piluk melibuka donyap nang ara, ance melisiminyeura, nun ilil kum asa weik mikip arye, ‘An yupu talye mangkau peterepnamap’ tenen, moropkiayape, nun ni Allah.

Rasul 5:29

Nyabukura, Peterus ap, Yesus wibuka deiamuk Rasul nang, yuk nang nirya ap arye, tamubuka nyabik. “Nunda, ninye yupu kuma. Allah el yupu uk kekebuka dobolbanamabe.

2 Korintus 3:12

Aning ati ara, winiryuk yangalye yupu ara, ‘Pia aunamle,’ akunum tenenyaba anya arye, nun kanye ayupu deice deibuka, nun ilil kanye bona kum arye, pia mikip asa deice aryuk ayupu peterenyabe.

Efesus 6:20

Na Paulus birye, ayupu dobuka peterelbalamsa ati ara, yu nang arye, ‘Ayupu ara, nun lik’ tenen, tomopnikce, tapu koubuka wenena aik dongopnikura, asukumuk tuba unune. Aunun bukni, ayupu laka peterena deiyoknye tuba unune. Dipkoprop teleb ning ara, anggunce, ‘Paulus bira, ilil pia kum aryuk, mikip kibuka, mikip arye peterenamle,’ tenen, Allah moronamnulume.

Kolose 4:5

Anggun nirya arye, Yesus ati diba min kum tenenyak ninye nirya ati, ‘Nun wininyap ning ap, nyanyap yupu ap, eibuka kekebikirye, diba tenepnamak’ tenen, weik kel arye diksukumuk wininamlulume. Lo awapsilye talak nirya ara, lik-lik asa una kumce, Yesus el yupu laka nyapmunce, pia teleb ubuka unamlulume.

Kolose 4:6

‘Anggun ap, diba’ tenena kum ninye nirya ap, yupu talinamlum talak nirya ara, yupu pia teleb-teleb ubuka nyanamlulume. Winipmanto ning ara, din ning dinyap talak ara, garam ua ap tabakibyopura, pia telebto ulye touk, anggun yupu talulum talak ara, Allah arye bico tenepsilirye, el kanye aryuk melisilye ning ton laka nyamunyopura, yuk nang kekebikirye, ‘Se aning ara, telebe’ tenen, kanye deipnamake. Ara, anang arye, ‘Se, ayupu ara, mambule, ati diba teneptibye, tenenamak’ tenen, anggunce nyanamlum yupu nirya ara, teleb-telebuk nyanamlulume. Winipmunyopura, adeice arye sik diba tenena kum nang arye, anggun Kolose ninye diba tenelulum ning ati, “Anggun diba teneplum ning ara, laka nyapsiabe,” nyabuka, yuk-yuk asipdenamsiake. Asipsikcopura, anggun moubuka tenipdemunce, ‘Anye bira el kekepmanto yupu ara, winibuka nyapnamne. Tonda anye bira, el kekepmanto yupu ara, winibuka nyapnamne,’ tenebuka kel kipmunce, teleb ubuka laka nyanamlulume.