Tonda, nati, ‘Nun lik’ teneninyak nang ara, ance sikti, obuka amu tam akunum deiplum nang ara, na asing arye akunum eibuka bikamse. Tonda, yuk nang arye, na dam yanuka nyapnike. ‘An opnamap tenelamkik ati, Allah arye akunum wenebuka obukba, pia engebuka ngalukunyake,’ nyabuka, laka nyapnikba, akunum kekepse.
Kidung Agung 7:7 - Eipomek7 Winipmanto ning ton, cang weik yo, el si ara korma yo, cang arye paplirye tiklamlirye, el moulul duk ara, pia urasin teleb ulamle touk, anda, nong cang kil umince, an moum bitinye babye, urasin pia teleb, moum bitinye atonunuk ulule. အခန်းကိုကြည့်ပါ။ |
Kidung Agung 7:7
12 ပူးပေါင်းရင်းမြစ်များ
Winipmokba, narye ‘Winipmanto ning ton,’ tenipmase. Nintong pia teleb ning, el si ara mur, koupdongopnirye, na taram deice bukni, na moum dam deipnyopura, nintong pia teleb ning balamliba, kanye delinun touk, na dopnamnilanye biti, weik tonun bico tenenune. Ara, na kanye delinunye biti tenipnyopura, pia teleb kanye bobuka unune.
Tonda, an taram ara, urasin teleb ukulule. Winipmanto ara, an taram bitinye ara, rusa basam bitinye do, kijang basam bitinye do, sik urasin ara, pia teleb ururaka atonun, an taram bitinye babye, atonun urasin telebuk ukulule. Tonda, rusa basam mi bitinye ara, urasin teleb kita, el si ara, bunga bakung noutam barikirye, sik din dinmarikce talak ara, urasin pia teleb ulye touk, an taram bitinye babye, urasin pia telebuk ukulule.
Se, narye dopnamkin kilo! Anda dipkoprob, urasin pia teleb una ap, talima darapdongobuka namin arye, amu tam un kil ulyame! Ninye arye, kilapu weik tonun bico tenekirye, kanye delinyak bukni, akilapu kan-kan ara, anda, pia teleb kil ulyame. An ulyam touk, yuk kilapu tonok babye, anto kil pia ton kum unyake. Ati, narye anti, pia weik tonun bico tenekinirye, kanye delikunune.
Ati ara, nara an akanye birye nyapkine. Acang korma yo ara, welepnirye, el taruk talipnamnarya! Tonda, akorma yo welepnyopura, el moulamle duk dakuka dipnyopura, anggur duk pia to nyalamle touk, an moum babye, pia telebuk upnamle, tenepne. Tonda, yo duk el si ara Apel, dibibiba, to pia teleb nyalamsil touk, an si bam bol deice mutupkinyopura, an isin babye kekepniba, nintong pia teleb nyapnamnil, tenepne.
Ura, akil el du yapu arye nyabik. “Nun weit kil bira, winiryuk kil ulula ati, el moum yupu ara, min kum sakmale. Ati nun weit kil ara, ninye min kum doptinge, tenepmabe,” nyabik. Ati ara, tonoknye birye, ‘Akil doptinyeʼ tenen, pataptuba, moropsutopura, yata winiptibye do? Ara, anye birye, nun weit kil dopnulye sum ara, yata wiriptibirye, nun weit kil meliptibye do?
Ati ara, yata nang do nirya, anggunce Yerusalem mutuku weik asik unyak nang ati, tenepmunce, kanye pia delilulum nang ara, kanye weik deibuka, pin-pin asa arye unamlulume. Tonda, minop talak yu nang arye yanuka, Yerusalem mutuku weik asik ulubuka sung-sunga buklobikba, kanye imun ubukba, anggunce, ‘Seʼ tenen, malye kanye bobuka engelamlum nang nirya ara, atalak aryuk, anggun Yerusalem mutuku unyak nang ap, tonok kanye bobuka, neikauk kanye weik deibuka, pin-pin asa arye unamlulume.
Anang arye, “Nun deiyok ning ani,” nyabuka, si erenyak ning, el si patung ara, talye ninguk ulule. Ara winipmanto, ninye arye sumik wa wiamikak, ‘Maka yanuka aning eibikirye, ilil uplyeba, bindopnamake. Nun sumik duk kum dipnamsiakʼ tenen, kam un ning kum bukni, ninye urasin atonun puturubuka delilamike. Sik yuk-yuk mutuku nang ara, atalye ning atonun unyake. Amoubuka delinyak ning ara, yupu pia kum nyaptinge. Tonda, kum lulukuka banyaka ati, ninye aryuk, aning ara erebuka delinyake. Ati ara, anggun Israel nang arye aning ati, ilil kum unamsulule. Deiyok ara, aning arye anggunti, yu tenepsikirye, malye kum kipdeipsitinge. Tonda atonun, atalye ning arye anggunti, teleb kum kilinamsiake. Yeremia birye, nyabuk.
Winipsilyopura, anggun dib tenelulum deice arye, Kristus anggun kanye talima noutamak usiliba, el ap, kanye dukdongobuka unamlume. Tonda, weik yo yating tuku pum bisik bilirye, weik neplyopura, ayo lulukna kumce pia teleb tiklamle touk, Allah bico tenepsilirye, melisilye ning noutam ululuma deice arye, ‘Sik yuk nang nirya ati, bico tenebuka melilamunce, pia teleb unamlum’ tenen, Allah morosunune.
Aning pia pil dobuka melipdabirye, daulamibya ani, aminyan talak ara, nun dib tenenyap nang nirya ara, tonok kanye bobuka, ansinibuka, Kristus ati dib tenebibirye, Allah el Mi Kopropa Kristus ap, kanye talima dukdongobuka ubibirye, elti, weika arye, kel biknamabe. Winibuka upyopura, nun kanye talima wisipsilirye, Kristus pia diksukum, teleb kibuka ulamle touk, nun babye moubuka, telebuk kipdeipnamsile.
ကြော်ငြာတွေ