Keluaran 8:12 - Eipomek

¹² Musa ap, Harun ap, weiknye Firaun batakuka yukak birikce, Musa birye Yahweh biti, morobukura, ‘Firaun dam yakai weik areplumba weik ubuk ning ara, kum kibuka deiptume,’ nyabuka, morobuk.

Keluaran 8:12 ပူးပေါင်းရင်းမြစ်များ

Mazmur 105:31

Winibuk bukni, Mesir mutuku ninye tuba mandipna kanye uk bobuka ulamikba, Allah Yahweh elce amutuku noutamak ati, “Bum ap, suma ap, weik arye weklulume,” nyabukba, yupu lelim weik arye nyabuka, amutuku noutamak yanuka wekik. Winibika deice arye, Mesir mutuku nirya ara, suma ap, bum ap, sik uk pia weik ubuk.

Keluaran 10:18

Nyabukopura, Musa birye Firaun dam batakuka biyukce, Allah el si Yahweh ati morobuk.

Keluaran 32:11

Ayupu nyabukba, Musa birye, Allah el si Yahweh arye, ‘El tenepmal kanye ara, namin kipturye bataktue’ tenen, ayupu nyabuka, Allah ati morobuk. “Se na ni Yahweh, an yu weik upkiliba, ‘Israel ninye wenebuka opnamne,’ tenepmalam ning ara, yata deiyok ati do? ‘Yu upmakil ning ara, bataktum do?’ tenen, moropkine. Aninye nirya ara, Mesir mutuku noutamak ulamik ani, an taruk mikip deice arye boyanamsulume. Tonda, ninye kum winipmanto ning, mikip weik pil dopluma deice, dalubuka boyanamlum ninye ati, ‘An yu aninye deice kum deipnamlyam’ tenen, moropkine,” Musa birye Allah ati nyabuk.

Keluaran 8:13

Morobukura, Allah el si Yahweh kekebukce, aning nirya, Musa nyabuk touk winibuk. Winibuka deice arye, Yakai weik aik pum bisik upmok ning ap, asik dam upmok ning ap, sik wa win dam upmok ning ap, bai tam talye upmok ning ap, anirya aunmekakuk dibik.

Keluaran 8:30

Akunum nyabukopura, Musa birye Firaun dam batakuka, yukak biyukce, Allah el si Yahweh ati morobuk.

Keluaran 8:8

Winibukopura, Firaun birye, Musa ap, Harun ap ati, yukubukura, sik akunum yarikopura, nyabuk. “Anggunce, Allah el si Yahweh ati moropdumunyopura, yakai nirya kum danamle. Na dam ap, na mapu dam ap ara, kum uplyopura, narye an mapu Israel ninye batakniba, anggun bitinye ap, bitinge. Bimunyopura, anggunce kam ning obuka, Allah Yahweh, el si erena ati, Allah arepnamlume,” nyabuk.

Keluaran 9:33

Musa el yupu nirya akunum nyabukce, Firaun dam batakuka, yuk bai mutuku yukak biyuk. Biyukce, el taruk erebukce, Allah ati morobukba, atalak ara, liman ap, dekne duk-duka purwu mok ap, talye mok ap, tukwak mutuku ton kum dopkwetebuk.

Yehezkiel 36:37

Na Allah Yahweh arye, aning-aning nirya talibuka, deice tam Weik Erenanye ununa ati ara, na tenenye touk wininune. Narye, “Se na mapu koproba Israel ninyeo,” nyalamsise. Anggunce nati, ‘Se na ni Allah, nunti melipsilyame,’ nyabuka moronululum ning ara, kekesununa ati ara, narye melinamsine. Narye anggunti nyapsine. Ara, yupu nyapnirye, anggun yupa tonap tabakuka arepsiniba, domba basam poka pum tam dongobikiba, nukmanto kumce, pia weik ulamle touk upnin banamsile. Narye melipsiniba, anggunce mapu deipmunba, dadeipdanin banamak kili sal nirya ara, pia weik upre banamake.

1 Samuel 12:23

Tonda, narye wininamne ning ara, nyapnusine. Narye anggunti, Allah kum moropnyopura, pia malye uptinye. Amalye winin ning, pia kum winipnamne,’ tenenuna ati ara, narye pia kum bataknamsine. Narye anggunti, tuba-tuba Allah moronauk unamsine. Tonda ‘Israel ninye arye, teleb diksukum una bisik anye, tenebuka, kel kinamlum’ tenen, narye diksukum winin ning, tuba peterenamsine.