Keluaran 6:27 - Eipomek27 Nyapdeipnuka ati, nun bitinye arye, Mesir mutuku nirya taleamuk deiyoknye, Raja Firaun biti, el dam binuka, “Firauno, nun ni koproba Allah Yahweh arye, akunum nyapdeipkuk ning ara ani. Ara, ance sik Israel yala nang nirya batakminyeba, sik nirya ara, amutuku batakuka, yuk pera mutuku binuka unamake,” nyapnumu. အခန်းကိုကြည့်ပါ။ |
Atalak ara, ance lyepropsulumce, weik laut mekwen noutam arye, teleb bisik kintinip deipsulume. Diba, weik laut mekwen mikip noutam ara, ance nun teleb bisik, tukwak yapdeipsulumce, bobisulume. Bukni, an yupu deice arye, tuku mikdeiplum deice yanibuka binamupu sukumak ara, laka kum ati, ninye arye kum elilamik.
Aminyan talak ara, Allah el si Yahweh arye, Musa biti nyabuk. “Wini talak, amutuku batakmunce, Israel nang nirya, Mesir mutuku boyanamlum nang bobuka, narye nyamsise mutuku bobimince, wekelbinamlume. Amutuku ara, anggun apu yapu Abraham ap, Isak ap, Yakub ap ati, ‘Amutuku ara anggun mapu arepnamsine’ nyabuka nyalin yupu deice arye, sikti, nyalilamse. Tonda, sikce deibikiba, dadeipdanin banamak ninye nirya ati, amutuku nukunamsine, nyalilamse. Adiparyuk amutuku wekelbinamlulume,” Allah arye nyabuk. Nyabukce ayupu ton nyabuk.
Allah, el si ara Yahweh arye, Musa ap, Harun ati, mambul yupu nyapdeibuk. Tonda, Mesir mutuku deiyoknye Firaun ap, tonda sik Israel nang nirya ati, ayupu lak nyabuk. Nyabukopura, sik Musa ap, Harun ati, nyabuk. “Musa ap, Harun ap akunum wipdeiamsise deiyok ara, Israel nang nirya bobuka, Mesir mutuku arye, lobuka bobinamrurume,” Allah arye nyabuk.
Na Musa ap, Harun ap, nun ni koproba Allah Yahweh arye, nun bitinye ati, nyapsuk. Ara, “Anggun bitinye akunum wipdeipmasina ati, narye, ‘Wininamrurume,’ nyapmasin touk, anggunce Israel nang, sik yala-yala nirya, yuk-yuk aunyak touk bobuka, Mesir mutuku batakmunce, panabuka banmamunyeba, Israel yala nang nirya, sik aminyan dobolyanganamake. Israel nang dobuka, yuk pera mutuku bobinamluma ati nyapsine.” Allah Yahweh arye nyapdeibuk.
Anggun ton teneipdelulume. Narye anggun Mesir mutuku ulamlumce, pia ikin pil dolamlum noutam ara, narye lyebuka boyanamsise. Mesir mutuku ninye arye, anggun Israel ninye nirya ati, tapu koubuka deiamsikce, pia ikin pil dilamsikba, na Allah arye lyepropsise. Tonda, atalak noutam nirya ara, anggun melin ati, narye Musa ap, Harun ap, Miryam ap, dobuka deiamsirye, sik deice mikip weik arelamsiba, sikce deiyok nang kibuka boyangalamsike.