Keluaran 5:13 - Eipomek

¹³ Apil dolamik talak nirya ara, Mesir mutuku pil dona kalikna nang arye nyabik. “Kel-kela ning uamuk talak ara, keil memena ati, pil like tonok deice weika arye dolamlum atonun, tuba weika arye memepnamlulume,” nyabik.

Keluaran 5:13 ပူးပေါင်းရင်းမြစ်များ

Esra 3:4

Tonda, Musa birye, “Atalak akunum uplyopura, winipnamlulume,” nyabuka, Allah yupu noutamak sekeiamuk touk, Allah el si erena ati, mitikto bai asik dobikce, tia talak ati, anyaik pum ulamikce, kwalina kwalilamik. Atalak ara, Musa birye, “Asum-asum nirya, Allah el arena ati, kam ning winibuka opmunce, uku danamlulume,” nyapdeiamuk touk, aninguk winipnin balamik. Atalak dam kipnaba, aning obuka uku dalamik.

Ayub 39:7

Abai tam keledai basam ara, ninye lelim lelamak sukum ara, pia kum kekenyake. Tonda, kuda basam arye, libuka bobalye ning deice bukuka, balulnye birye, yupu nyalye ning ara, bai tam unyak keledai basam ara, pia kum kekenyake. Akeledai basam ara, bai tam ulula anya arye, asik noutamak unmace ning nirya ara, kum tenelule.

Keluaran 1:11

Mesir mutuku winiryuk Raja, Firaun arye nyapdeibukba, el mapu arye, pil dona deiyok nang, yu nang dobuka kintinip deibik. Ara, ‘Sik Israel ninye kalikikirye, ikin ning, sik nong deice deipnamak’ tenen, wipdeibik. Winibikba, ayu nang arye, Israel ninye mikip arye talibukabikce, sik nong deice, ikin pil pia weik deibikba, ikin kanye bobuka, weik ikin piluk dolamik. Ara, Israel ninye arye, Firaun el ‘Na’ tenen ning delinak ati, kota si Piton mutuku ap, Ramses mutuku ap, pia ikin pil dolamika deice arye, akota bitinye pil dolamik.

Keluaran 5:11

Aning ati yatato ak do, anggun bidamang aryuk, kel-kela ning elbilulume. Bukni, anggun pil donamlum ning ara, mitik anun babye, kum bataknamlulume. Min arye batu tehel weik moubuka memepdeiamlum touk, tuba weika arye memepnamlulume.’ Firaun birye nyapmasil touk wininamlulume,” nyabik.

Keluaran 5:12

Nyabika ati ara, Israel nang Mesir mutuku dana-dana nirya biyikce, ‘Kel-kela ning dan do?’ tenen, pia elbalamikce maning atonun ning bulubuka deibikce batu tehel keil weika arye memelamik.

Keluaran 5:14

Mesir mutuku deiyoknye, el mapu arye, ‘Israel nang pil weik donamak’ tenen, Israel nang noutamak bukni, pil kalikna deiyok nang wipdeibik. Ara, Israel nang wipdeibik ning ara, ‘Sik kayapu moubuka dinamak’ tenen, deibik. Israel kalikna ati wipdeiamik nang ara, Firaun el mapu arye kama dobuka sik nong deice kulabuka olamikce, ayupu nyabuka asibik. “Anggunda yata ati do? ‘Batu tehel keil pala winibuka-winibuka dopnamlulume’ nyabupu touk kum memepmalume. Atalak noutamak nirya, arup babye, ambusum babye, mitik anun uk dopmalumce sirya kum dakmaluma ara, yata ati do? Nun nyabupu touk weika arye kum memepmaluma ati, yata ati do? Min arye ulamluma atonunuka,” nyabuka wenelamik.

Keluaran 5:6

Winibuka tenebuka ati, asum aryuk, Mesir mutuku deiyoknye birye el melina nang ati yupu arebuk. Ara, Israel nang pil dona ati, Mesir mutuku kalikne nang ap, pil dona yupu bokolina deiyok nang ap ati, Firaun arye yupu arebukce, ayupu nyabuk.