Keluaran 40:31 - Eipomek

³¹ Winyamik ning ara, Musa ap, Harun ap, Harun el mapu ap, sik taruk ap, yan ap, mek likna arye, anyaik wekelbana ati, amek delin ning asukum deibik.

Keluaran 40:31 ပူးပေါင်းရင်းမြစ်များ

Mazmur 26:6

‘Nara malye winin ning, pia kum winilamse ning ara, biknamniak’ tenen, bikilina ati, na taruk mek liknyeura, yuk nang eipnikirye, aning bikininyake. Wininye ning ara, kam ning opnarye, an Yahweh arena ati kintinilamik ning, el si ara mesba, antanap dongobuka memepdeibika dam banamne.

Keluaran 40:30

Tonda sik taruk ap, yan ap, mek likina ati, yangalin ning ton deibuk. Ayangalin ning deibukak ara, Allah si eren aik otam, kam ning obuka uku dapnamik ning ati, pala keil lelebuka dika deibukak, atam anoutam ara, taruk mek likina ati, yangalin ning deibuk.

Keluaran 40:32

Allah si eren aik, cang kain aik wekelbinuyik talak ap, tonda ‘Allah arye nun malye ning ati, namin kipsutue’ tenen, kam ning obuka uku dalamik ning ati, pala keil lelebuka yangapdeibuk dam binun talak ap, sik taruk ap, yan ap, mek liklamik. Aning winilamik ning nirya ara, Allah arye nyabuk touk winilamik.

Yohanes 13:10

Nyabuk bukni, Yesus arye tamubuka nyabuk. “Kume, mek akunum kekice ninye ara, sik nong nirya ara, telebuk ulul bukni, sik yan ara mek iliklamake. Na mapu anggunda, nininga kum, telebuk ululum bukni, tonoknye bira, kabula,” nyabuk.

1 Yohanes 1:7

Aning atonun kum bukni, Allah malye winina pia kumce, dirinak ulamle touk, nun babye, malye winina kumce, telebuk ubirye, dirinak atouk ulamibyeura, nun nirya ap, tonok kanye tenebuka, ansinibuka unyabe. Allah el yupu uk kekebuka, dobolbabyeura, Allah el Mi Yesus, el ining arye, nun malye tenenyap ning ap, malye wininyap ning nirya ap, kum ubuka deipsilirye, lyepnamsile.

1 Yohanes 1:9

Bukni, nun malye tenenyap ning ap, nun malye unyap ning ap ati, “Kume, aning ara na dipkoprop malye winipse,” lak akarye laka nyabuka, amalye winina ning dipkoprop batakipyopura, Allah arye kum batakasulule. Nun winilamibye touk wibuka, yupu yuk-yuk bokuka delisulule. Allah arye nunti, ‘Sik malye winilamice bukni, aning tonok, adiparyuk kum opnusine’ tenen, bataksilirye, talye kanye dolule. Winilirye, Allah arye nun malye winilamibye ning nirya ati, kum daneipsilirye, amalye ning ati, ila tamubuka tonap kum tenesulule. Nun malye ning namin kipsilirye, telebuk ulisulule.