Keluaran 40:15 - Eipomek

¹⁵ Harun el mapu nirya ati, kemeja, el si juba cang ning, akunum ongopdeipminyopura, anang sik deice babye, sik deiyoknye Harun, el kisok deice, minyak likdeipmaminye touk, el mapu nirya babye, sik kisok deice minyak likdeipnulyame. Winipminyeba, sik babye, na Allah si eren aik pum tam, pil don nang, imam unamake. Tonda, ance Harun ap, el mapu ap ati, minyak mek likuka, delin pil dopminyopura, sik anang arye deibikiba, dadeipdanin banamak Lewi yala nang nirya babye, na Allah si eren aik noutam ara, sikcuk talipnin banamaka ati, laka kilin ning ati winipdeipnalame.

Keluaran 40:15 ပူးပေါင်းရင်းမြစ်များ

Mazmur 110:4

Dipkoprop Allah Yahweh arye, na deiyoknye ati nyabuk. Na Allah Yahweh arye, akunum nyapkisa ati, anyapkise ning ara, tonap tenepnirye, yuk ning ton kum punubuka nyapnamne. Ara, na Allah ap, ninye ap, teleb ubuka neika una ati, ansinilina deiyoknye pil talibuka pia donamlyame. Ara, minop talak ulamuknye, el si ara Melkisedek birye, apiluk talibuka dolamuk touk, an babye, apiluk talibuka pia donamlyame.

Keluaran 12:14

Arup winipmanye ning ati, anggunce asum-asum pia teninamlume. Anggunce, ‘Asum ara, Allah el weik sum ulule’, tenebuka, oketeng tamun, oketeng tamun nirya, kwalina pia kwalinamlume. Ara na si Yahweh, na si erena ati, akwalina pia kum bataknamlume. Keting tamun nirya, kaplina kwalya ara, pia batakalongona kume, apia kwalipmunce, na si erepnin banamnulume. Allah el si Yahweh arye nyabuk.

Keluaran 28:41

Abaju ara, an du Harun ap, el mapu ap, sikti, ongopdeipnulyame. Akunum ongopdeipminyopura, minyak zaitun yo duk mek dobuka, sik kisok deice yuk-yuk dikeipnulyame. Winipminya deice arye, sik anang wipdeipminba, na si eren aik noutam talibuka, pil dona ati, imam nang unamake. Tonda, winipminyeura, sik anang ati, teleb kilinamlyame. Winipminyopura, na Allah dam yakirye, na si eren aik pum tam pil talibuka donamake.

Keluaran 29:9

Tonda, sik deiyatinga ap, sik kisok kitilamak ning, serban topi ap, ongolinamlyame. Aning nirya ati, “Winipnulyame,” nyapdeipmasin touk, akunum winibikceura, Aning ara, imam pil donamak ati, Harun ap, el mapu ap, wibuka akunum deipmance, erepdeipne,’ tenenamlame. Ara, Harun ap, el mapu ap, ‘Sikda Allah ap, ninye ap, elana ati, Allah el si eren aik pil dona deiyok nang unamakʼ tenen, akunum wipdeipne,’ tenenamlame. Tonda, na Allah arye ayupu akunum wibuka deipsin ati, pia kum bataknalyame. Winipminyopura, atalak arye dukdongobuka dounalam talak noutamak nirya ara, Harun ap, el mapu ap, sikce deibikceba, dadeipdanin banamak nang, ara sik Lewi yala nang nirya babye, imam pil talibuka pia donamake.

Keluaran 30:31

Tonda, anggun Israel yala ninye nirya kekena ati, nyapnamlyame, ‘Yuk talak nirya ara, ateleb minyak mek ara, talye ninguk kum ulule. Ara, ‘Allah el ninguk ulule,’ nyabuka lakak aryuk, lak nyapnamlyame. Na Allah atibuk, pil donamnulume. Ara, atalak arye dipdongobuka, dounamle keting tamun nirya ara, ateleb minyak kintinipnamlum ning ara, na ninguk unamalula anya arye, aning ara, kum bataknamlume.

Keluaran 30:33

Anintong teleb minyak, ato mek kintinibuka delinyak nang ap, tonda, imam yala nang kum bukni, yuk talye daunyak nang, sik nong deice deibikcopura, awinipmace nang ara, Israel ninye kan-kan una meme. Anang ara, yakmunyeba, yukak binamyake. Aning ara, pia dipkoprob nyapne. Awinipmace nang ara, na mapu koprop atonun, pia kum unamnyake. Bataknirye, wenebuka opnamne. Allah arye, Musa binyak nyabuk.

Keluaran 40:14

Winipminyopura, ance Harun el mapu babye, imam pil don nang unamaka ati, “Anggun deiyoknye Harun dam bilulume,” nyapmenyeba, el dam yakcopura, ance sik anang babye, imam nang ongolamak cang baju el si juba, sik nong deice ongopdeipnulyame.

Keluaran 40:16

Allah Yahweh arye, Musa biti, “Apil nirya ara, winibuka-winibuka dopnalame,” nyamuk ning nirya ara, Musa bira ayupu nyabuk touk ubuka, apil nirya dobuk.

Zakaria 4:14

Nyapsiba, amalaikat arye nyapnuke. “Aning bitinye ara, Allah arye, aning-aning nirya talibuka, deice tam erebuka, Pia Mikip Weik Deiyoknye ululnye, tukwak mutuku im sirya, mutuku sirya talilirye, weik deiyoknye ulule. Elce, ‘Abitinye nang, na pil melibuka dopnamnirakʼ tenen, minyak mek kwebuka, sik kisok deice dikdeibukce, sik akunum wipdeiamukba, Allah el dam tuba-tuba tikidurake.” Malaikat arye, na Zekaria biti, laka nyapnukba, kekepse.

Bilangan 25:13

“Tonda, ‘Pinehas ap, elce deiplyeba, dadeipdanin banamak nang ati ara, sik anang aryuk, imam pil don nang ara, moubuka talibikirye, pia ati pil dopnamake,’ nyapne. Aning deiyok ara, ani. El Pineas birye, na Allah ati, ‘Elda weik mambulnye ati, el siuk pia erenamabʼ tenen, anang bitinye obuka deice arye, teleb pil dobuka, teleb ulamukce, mikip arye pil dolamuka ati nyapne. Tonda, Israel nang ara, malye weik upmangubuk elce, ‘Allah arye, sik malye unyak ning ara, kum kipdeipnusilʼ tenen, pia teleb pil dobuk deice arye, anggunti teleb kipdeipmanue. Ati, el ap, na ap pia teleb kibuka neika unamname,” Allah arye nyabuk.

Ibrani 7:3

Tonda, Melkisedek bira, el li ap, el lin ap, el yala nang ap, elce deibukba, dadeipdanin balamik ninye ap nirya ara, kel kum biklamike. Tonda, sikce el deibik talak ap, el dibuk talak ap ara, kel kum biklamik. Aning ati ara, Allah el Mi Kopropa arye ninye ap, Allah ap dana-dana Ansinilina Deiyoknye pia unamle touk, el Melkisedek babye, atonun ansinilina deiyoknye pia unamle.

Ibrani 7:7

Aning nyapmasina ara, moubuka teneipdelulume. Nun kele. Weik mambul nang arye, anggun amu tam nang, mambul kum ninye ati, “Allah arye teleb winilinamsile,” nyabuka, teleb yupu nyanyaka deice arye teleb kilinyake. Ati laka upsile. Melkisedek bira weik mambulnye. Nun apu kopropa Abraham bira, mitik mambulnye.