Keluaran 4:4 - Eipomek

⁴ Winibukba, Allah el si Yahweh arye, tonap nyabuk. “Tamubuka yamince, akwatima amu taliplyame,” nyabuk. Nyabuka ati, Musa birye akwatima amu talibukba, adiparyuk akwatima tamubuka kama dayuk.

Keluaran 4:4 ပူးပေါင်းရင်းမြစ်များ

2 Raja-Raja 6:7

Kapak ya mekwen deice yanuka laka kibukba, Elisa birye anye biti, “Doproplyame,” nyabukura, dobuk.

Mazmur 91:13

Malaikat arye anggunti, akunum melipsiceura, bai tam nong weik yu kuse, el si ara singa kuse, dungnubuka ulamlyak bimunya babye, si tobuka kum opnamsile. Tonda, ninye on kwatima dungnubuka, ulamlyak bimunya babye, si tobuka kum opnamsile. Ati ara, ninye si topliba diplamak kwatima ap, weik yu singa kuse ap, talye mangkau kibuka, yanipnamlume babye, kum opnamsiyaka ati, nyapsine.

Keluaran 4:3

Nyabukura, Yahweh arye nyabuk, “Abopmalam kama tukwak deiplyame,” nyabukba, Musa arye dobuka adeiplobukba, adiparyuk akama kwatima dayukba, Musa el ilil ati, kwarabuka biyuk.

Keluaran 4:5

Kama dayukba, Allah el si Yahweh arye ayupu ton nyabuk. “Awinipnamle ning ara, winipminba Israel ninye eibicopura, ‘E diba, nun ni koproba Allah, Musa dam yanuka tikukba eibuka ati, dib nyapmasile. Dipkoprop Allah el si Yahweh arye, nun apu yapu nang Abraham ap, Isak ap, Yakub ap ati, kalikuka melipnin yangalamuk Allah ara, Musa dam akunum yanuka tikukba eibuke,’ utenebuka, kel biknamake.” Allah arye nyabuk.

Markus 16:18

Tonda, ninye on kwatima sik taruk deice talinamak bukni, kum dipnamake. Tonda, ninye dinmek, el si racun dibicopura, uk kum dibuka kum dipnamake. Tonda, uk din ninye, sik nong deice taruk deibuka, Allah morobikceba, Allah arye aninye kweteplyopura, aninye kam unamake. Yesus arye el mapu 11 nang ati nyabuk.

Lukas 10:19

Na mikip ap, deiyok ning ap arepsisibuk, ninye si ton kwatima ap, tanga ap, yaniptum ababye, ton kum si tonamsile. Aning atouk, narye kalikuka melisinyeba, Mutuku Dongonye isa arye, el pia malye ulamle ning mikip deice arye, malye kum updeipsutue.

Yohanes 2:5

Nyabukura, el lin birye, anyaik pil melinang ati, “Yesus arye nyapsil yupu uk, adiparyuk kekebuka winiplulume,” nyabuk.