Keluaran 4:27 - Eipomek

²⁷ Atalak ara, Allah el si Yahweh arye, Harun biti nyabuk. “Anda ninye kum unyak mutuku noutamak bimince, an weit koproba Musa ap, epdanamarurume,” nyabuk. Nyabuka ati, Allah arye nyapmok touk, Harun kekebukce, amutuku binuka, Allah min yuma talak yanuka tikamuk mutuku dam biyukba, Musa ap epdarikce, Israel ninye ulamik touk, sik telebe nyana ati, Musa biti mutubuk.

Keluaran 4:27 ပူးပေါင်းရင်းမြစ်များ

Kejadian 29:11

Arebukce, Rahel biti taruk talibuka engenmok.

1 Raja-Raja 19:8

Kekebukce adiparyuk Elia lukdanuka bukuk. Winibukopura, roti bun ap, mek ap, adabuka deipmok ning dobuka dibuk. Akunum dibukura, boubuk deice arye, tuba tonap mikip kibukopura, pera mutuku bana ati bisik ara, lukunyan noutam empat puluh sum arye bisik mapnin balamuka ani, Horeb mutuku biyuk. Horeb mutuku ara, Allah el mince yanuka nyapdeiamukak biyuk.

Mazmur 105:26

Winilamikba, Allah Yahweh, el melinanye Musa ap, el du Harun ap, Allah elce wipdeiamukce, ‘Israel ninye melinamdak’ tenen, dopdeibukba, sikda Mesir mutuku birik.

Keluaran 18:5

Musa el yamal koproba Yitro birye, Musa el kil Sipora ap, tonda Musa el mapu bitinye ap, bobuka Musa dam yayik. Ara, Musa ulamukak, pata weik mutuku, mek kum ati, ninye kum ulamik mutuku bukni, weik mutuku Sinai mutuku dam yayik. Ara Allah Yahweh elda malye ning tonok babye kum ululnye anya arye, amutuku deice arye, yanuka yupu nyabuka ati, amutuku ati, ‘Pia teleb koprop mutuku,’ nyalamik. Atalak ara, Musa birye, tia ati tenda arye dobuka ulamuk asik dam yayik.

Keluaran 18:7

Ayupu Musa dam laka nyabikba, kekebukopura, tia ati baju arye dolamik aik, bai tam biyukce, ‘Na yamal binyab epdananamʼ tenen, Yitro yanganmok bisik dam biyukce, sik nirya epdayik. Akunum epdayikopura, Musa birye, el yamal koproba Yitro el dam yayukce, ‘Kipnun tenen, ngang kanupdongobukce, Yitro iribuka mutubuk. Tonda, Musa ap, Yitro ap, sik mamum asipdarikce, “Teleb ulyam do, uk ton dikulul do?” nyabuka, asipdarikopura, sik anirya Musa el baju bola arye dolamik aik pum tam wekik.

Keluaran 19:3

Atalak ara Musa birye, ‘Allah ap epdanamanam’ tenen, Sinai mutuku dup welebuk. Allah el si Yahweh arye Sinai mutuku dup deice, Musa biti yukubukce nyabuk. “Anyapnukin yupu ara, Yakub birye deibukba, dadeipdanin yangalamika ani, atalak unyak Israel yala ninye ati, koulukuka bimince, nyalbinamlyame,” nyabuk.

Keluaran 20:18

Atalak ara, bebeya lakukce, liman weik ning ap, bilkong lena weik arye lelim nyabuk ning ap, tonda Sinai mutuku deice arye weik tulum koulukukce yan inibuk. Aning nirya Israel ninye eibikce, ilil weik ubukba, sirim talibuk. Wininmokba, ilil ati yuk-yuk tikmikce Musa biti nyabik.

Keluaran 24:13

Nyabukura, adiparyuk Musa ap, el melinanye Yosua ap, Allah el unak, Sinai mutuku welebirik.

Keluaran 3:1

Musa bira, el yamal koproba si ara, Yitero ulamuk. Yitero bira, Midian mutuku ninye ati, Allah arena deiyoknye ulamuk. Atalak ara, Musa el yamal koproba melina ati, Yitero el domba basam, Midian mutuku noutamak weilamuk. Atonun ubuka, amutuku ninye kum ulamik mutuku otam binuka, mutuku si Horeb mutuku yana, domba basam weilbiyuk. Amutuku ara, Allah arye yupu nyapdeiamsuk mutuku dam nyalamik. Asukum binuka, domba basam weilamuk.

Keluaran 4:26

Sipora birye ayupu nyabuka deice arye, atalak ara, Allah el si Yahweh arye Musa biti, ‘Opnaman,’ tenepmok ning ara batakuke.

Penghotbah 4:9

Nara, yuk ning ton moubuka tenipsirye, aning bikse. Ara, tonoknye bira el yuk, pil doptu bukni, elce yuknye biti, ‘Neika pil doptinimnye,’ nyabuka, yupu talipdadikirye, sik neika utiringce, pil neika doptiringtoura, aning deice arye, telebuk unamdake. Sik bitinye arye, pil dopnin balamdikirye, sik donamrak ning deice arye, aning-aning nirya, weik arye dolonamreke. Sik pil donamrak deice arye, nong weik upnamle.

Rasul 10:20

Ati, tikminyak arye tuku tam koulukuka bilyame. Narye anang dopdeipse anya arye, ‘Anang ap neika binuyap do, bataknun do?’ tenena kumce, anang ap talye ur bilulume.”