Keluaran 4:24 - Eipomek

²⁴ Allah arye nyabukura, Musa bisik banmok talak, bisik noutamak, yuk nang aik domikak mapnuyuk talak ara, Allah el si Yahweh yanuka, ‘Musa opnamane’ tenen, kintinibuk.

Keluaran 4:24 ပူးပေါင်းရင်းမြစ်များ

Kejadian 17:14

Ura, yatanye do nirya, anggunce “Kume, na den bam bol mouse ning ara, kum seknutume,” nyaplinye bira, na mapu silip noutamak arye bataknamne. Nara, Allah arye nyapdeipsine. Allah arye, Abraham biti nyabuk.

Kejadian 42:27

Bisik banmika ani, inipnubuk talak ara, sik nirya bisik noutamak, ‘Asukum mapnuyap’ tenen, bukmek. Sik abukmek talak ara, sik noutamak tonoknye birye, ‘Na unta basam ati, jagung duk arepnun’ tenen, tonok karum botobuka dipdeyukura, el dekna weik ning, perak asak pum bisik upmoka eibuk.

1 Raja-Raja 13:24

Winibukba, Allah el pil donanye, Yehuda mutuku ulamuk nabinye bira, adiparyuk bisik banmoka ani, bisik noutam bayuk talak ara, kus atonun ning, el si singa, weik yu ning ara, el duknupmoka ani, yayukce, anabi obukba dibuk. Dibukura, el nong ara, sakuka bisik balamik noutamuk paulbiyukce, asukum wirikmok bukni, el anabi bukuka banmok keledai basam babye, el anye dipmoka damuk tikmok. Tonda, kus atonun ning, singa yu weik ning babye, mining dam anyuk tikmok.

1 Tawarikh 21:16

Atalak aryuk, ninye deiyoknye Raja Daud birye, dileyukba, ‘Israel yala nang, weik asik domik ning Yerusalem mutuku noutam ulamik nang nirya opnunʼ tenen, yayuk malaikat ara, tukwak kiapna, im deice kiapna kibuka, lakuka yangayukce, ninye ona ati yu parang ya boyangayukba eibuk. Daud birye eibukopura, Daud birye amutuku noutam ulamik nang ati, yuk-yuk deiyok kibuka talilamik nang, sikti, nyabukba, sik nirya arye malye karung arye wiamik baju ongobukabikce, “Se, nun malye unyap ning ati opnasila atia,” nyabuka, malye kanye bobikce, tuku deice pubuka mabik.

Keluaran 3:18

“Yupu nyapminba, sik Israel wisi-wisi nang, yupu lipsisikuka bokolina deiyok nang ara, kekepnamkiyake. Kekebicopura, Israel wisi nang ap, an ap neika, Mesir ninye, sik deiyoknye dam binuka nyapnamlyame. ‘Allah el si Yahweh, Ibrani ninye, nun ni Allah yana nyapmasila ati, nun moropkiyabe. Ara, ance nunti bataksiminba, nun ni koproba Allah, el arelbana ati, like winilye deice arye, bisik mabuka bibirye, ninye una kumak noutamak binuka, Allah el si erena ati, kam ning obuka arenamabe.’ Ayupu nyapnamlyame,” Allah arye nyabukce, ayupu ton nyabuk.

Hosea 13:8

Tonda winipmanto ara, bai tam ulul ning, weik bai kam atonun bukni, el nong pia weik ning, el si ara beruang. Aberuang kil, el deiamye mi wangapmaliba, pia yu arye enmalye talak arye, ninye eiplirye, adiparyuk si tobuka obuka diplirye, bulubuka tang-tang alamle touk, na Allah arye anggunti, yu arye wenebuka opnamsine. Tonda, winipmanto ning ton, bai tam ulamle yu kus atonun ning, el si ara singa kus arye, talye bai tam ulamle ning oplirye, kwilyakuka diplirye, sekuka bataklamle touk, na Allah arye, anggun Israel ninye ati, yu arye wenebuka opnamsine.

Imamat 10:3

Winibuka ati, Musa birye, Harun biti nyabuk. Atonun ning ara, ‘Anggun dam ikin weik yasilyakʼ tenen, min talak Allah Yahweh arye, akunum nyapdeiamsuk. Allah arye nyabuk yupu ara, ani. “Na si eren aik pum tam pil donamak nang nirya ara, ‘Se, Allah ara, dipkoprob pia weik etekdopnye. Malye una ning pia kum ulula ati, Allah elda, pia teleb etekdopnye, leknye ulule, tenebuka, kel biknamakeʼ tenen, na wininye ning lake kibuka, eipnamake. Nara, malye ning tonok babye, kum unulula ati, nara weik leknye unun ati, sik babye biknamake. Na weik mikip lake kipdeipniba, adeice arye, sik Israel ninye nirya babye, eibikirye, sikce, ‘Se, Allah elda, dipkoprob pia teleb, weik leknye ululeʼ tenen, kel biknamniyake. Na mikip weik tukwak winipdenyeba, adeice arye, sik Israel nang nirya babye, eibikirye, ‘Se, Allah elda, dipkoprob pia teleb, weik etekdopnye ululeʼ tenen, biknamniyake.” Allah arye nyabuk yupu ara, Musa birye Harun ati, nyabuk. Musa birye Harun ati, “Allah arye, ayupu nyapdeiamsuk,” nyabuk bukni, Harun birye tamubuka, yupu ton kum nyabuk. Tunim anauk ubuke.