Keluaran 4:18 - Eipomek

¹⁸ Musa tamubuka, el yamal koproba Yitero dam biyukce nyabuk. “Wini talak ance nati, “Telebe,” nyapniminba, ‘Na asik nang tuba unyak do?’ tenen, Mesir mutuku dilbinamne,” nyabukba, “Yo, telebe, adiparyuk dabilyame. ‘Danirya teleb kipnamkil’ tenen, Allah moronamkine,” nyabuk.

Keluaran 4:18 ပူးပေါင်းရင်းမြစ်များ

Kejadian 45:3

Yusup birye, el du yapu ati laka kibuka nyabuk. “Nara anggun weit dipkoprob Yusup, aunune. Na ni kopropba arando? Tuba kam ulul do, kum do?” nyabuk. Nyabuk bukni, el du yapu nirya arye lukdayikce, ilil weik ubukba, elti yupu tamubuka, kum nyapmanto ubik.

2 Raja-Raja 5:10

Yayukce, dinmok bukni, Elisa birye el melinanye biti nyabuk. “Naaman dam bimince nyapnulyame, ‘Yordan mek uk tekbarye, binuka keknulyame. Winipminba,barye suse dikilye ning ara, lopdopnamkile. Winipliba, minop talak yum ulalum touk unalame. Elisa birye nyapdeipmakile,’ nyalbinulyame,” Elisa birye el melinanye biti nyabuk.

2 Raja-Raja 5:19

Nyabukura, Elisa birye, “Telebe ati ara, mangkau kanye bobuka dabinulyame,” nyabukura, Naaman adiparyuk biyuk.

Keluaran 2:21

Binuka yukubikba, Musa yayukopura, neika unmek. Neika ulamika ani, aminyan talak anyaik deiyoknye Yitero birye, el kilmu Sipora kapreibukba, Musa dobuk.

Keluaran 3:1

Musa bira, el yamal koproba si ara, Yitero ulamuk. Yitero bira, Midian mutuku ninye ati, Allah arena deiyoknye ulamuk. Atalak ara, Musa el yamal koproba melina ati, Yitero el domba basam, Midian mutuku noutamak weilamuk. Atonun ubuka, amutuku ninye kum ulamik mutuku otam binuka, mutuku si Horeb mutuku yana, domba basam weilbiyuk. Amutuku ara, Allah arye yupu nyapdeiamsuk mutuku dam nyalamik. Asukum binuka, domba basam weilamuk.

Lukas 7:50

Sikce Yesus ati derebik bukni, Yesus arye akil ati nyabuk, “Ance nati diba tenepmanilama deice arye, akunum lyepmakina ati, kanye deibuka dabilyame” nyabuk.

Rasul 15:36

Aminyan talak, Paulus arye Barnabas ati nyabuk. “Nun bitinye binuname. Nun bitinye nang arye Yesus yupu peterelanumu mutuku nirya, tamubuka binimirye, ‘Sikda yata wiribuka unmak do? Teleb ubuka diba tuba tenenyak do? kum do?’ tenen, dipdenaname. Uruna kipdanuka peterelbinaname,” Paulus arye Barnabas ati nyabuk.

Rasul 16:36

Nyabika ati, awenena aik kalikna deiyoknye birye Paulus ati nyabuk. “Anango, anyaik domika deiyok nang arye ‘Abitinye nang lopdeiplulume’ nyapmaniaka ati, anggun talye dabindoprurume. Talye kanye deibuka tunim abuka binamarurume,” nyabuk.

1 Timotius 6:1

Tilila aryuk talye pil don nang malye ubiceura, yuk ninye eibikirye, ‘Allah el si ap, nun peterenyap yupu, Allah yupu ati, malye yupu nyabuka lulupsikcak’ tenen, yata pil don nang do nirya, sik deiyok nang arye yo bok deice dekikura, tilila aryuk talye pil donyak nang nirya arye, sik pil deiyok nang ati, talye nyaltakana kum bukni, si erebuka teleb wininamake.

Hakim-Hakim 18:6

Nyabuka morobikura, aimamnye birye tamubuka nyabuk. “Yo ura, telebe. Anggunda, ‘Se,’ tenena pia kume. Allah Yahweh arye, anggun banamlum ning ati, pia kalikuka dinamsile. Elcuk melisiliba, telebuk unamlume,” nyabuk.

1 Samuel 1:17

Nyabuka moronmokba, Eli kekebukce, nyabuk. “Akilo, telebe. ‘Kanye deibuka, an aik koprop tamubuka binulyame’ tenen, Allah moropnukine. Tonda, ‘Israel ninye ati, kalikuka, pia melilul Allah arye, an morolyam yupu kekepkilirye, an tenepmalam touk eripnamkil’ tenen, moropnukine,” Eli birye nyabuk.