Keluaran 4:16 - Eipomek

¹⁶ Elce an melina ati, nyanamle. Ara, an si deice ninye nirya kekenak, yupu nyapliba, sik nirya kekenamkiyake. Ance elti, nyapminye ning nirya kekebuka, ‘Allah arye yupu nyapnile,’ tenebuka, Harun kekenamkile.

Keluaran 4:16 ပူးပေါင်းရင်းမြစ်များ

Mazmur 82:6

Minop talak ara, na Allah arye, sik malye winina deiyok nang ati, nyapse. ‘Narye aning-aning talibuka, deice tam erebuka, Pia Mikip Weik Deiyoknye, Allah ununa ati, anggun babye, mikip weik ululum ati, “Na kanye ara, anggunda na mapu koproba atonun ulume,” nyapse.

Keluaran 18:19

Ati, atalak ara, Musa anda, na nyapnukin yupu nirya ara, pia moubuka kekepnulyame. Ara, narye, ‘Teleb wininamlam ning ara ani,’ nyabuka lake nyapnukine. Tonda, ‘Allah arye anti, ‘Melipnamkilʼ tenen, Allah ati morokunune. Dipkoprob ance Israel ninye nirya, sik melina ati, Allah ap, Israel nang ap, ansinilina deiyoknye unamlyame. Ara, sik malye unamak ning nirya ara, ance bobuka, Allah el mikip weiknye dam bobanalame.

Keluaran 4:12

Ati ara, wini talak binulyame. Ance nyapnamlam ning nirya ara, narye melibuka peterepkiniba, nyanamlyame,” nyabuk.

Keluaran 4:30

Yayikopura, Allah el si Yahweh arye, Musa biti nyapmok yupu nirya ara, Harun birye, sik Israel deiyok nang ati, laka nyabuk. Lak nyabukba, aninye nirya dinmikakuk, Musa birye Allah arepmok mikip deice arye, ninye kum winipmanto ning, ninye winipmanto kum pil dobukura, sik nirya eibikce, ‘E dipkoproba, Musa bira, Allah el mikip deice arye apil dopmasile’ tenebik.

Yeremia 36:32

Yeremia birye, ayupu nirya akunum kekebukopura, winiryuk keten buku doprobukce, Sekretaris Baruk dam deibukce, “Narye laka nyapkiniba, ayupu seknulyame,” nyabuk. Nyapmokba, ayupu nirya tuba tamubuka, Neria el mi Baruk biti, laka nyabukba, Baruk birye sekuke. Ara, minopce Allah arye nyapdeibukura, Yeremia kekebukce, Baruk dam nyabukba, sekamuk bukni, Raja Yoyakim birye, uku dongobuk ning, ayupu atonun, tuba tonap sekuk. Tonda, Allah arye, ayupu atonun yupu tonap tabakuka nyapdeibukba, Yeremia kekebukce, laka nyabukba, Baruk birye sekuk. Ayupu nirya ara, nabi Yeremia birye nyabuk.