Keluaran 4:14 - Eipomek

¹⁴ Nyabuk buk, Allah el si Yahweh arye Musa biti, yu ubukce, nyabuk. “Lewi yalanye Harun bira, an du bitia? Na kele, elda yupu nyana weik kelnye dipkoprob ulule. El bisik noutam yanganmala ati ara, epdarumunyopura, elce anti kanye deipnukile,” nyabuk.

Keluaran 4:14 ပူးပေါင်းရင်းမြစ်များ

2 Samuel 6:7

Winibuka ati, atalak ara, Allah arye Usa biti, yu ubukba, adiparyuk Allah arye, Usa oplobuka, abobanmarik mem marikan damuk batakuk. Usa bira, talinye binya arye, amem marikna, talye mangkau arye, dobuka talibukba, Allah arye Usa obukba dibuk.

1 Raja-Raja 11:9

Aning nirya winilamik talak ara, Israel ninye kalikuka ulamuk Allah ara, el si Yahweh arye like bitinye sum arye Salomo biti, lak kibuka nyalyayuk. Allah el si Yahweh arye, Salomo biti yu ubuk. Deiyok ara, Salomo el kanye talima nirya, Allah el si Yahweh deice kum deibukce, Allah el yupu nirya ara, moubuka kekena kumce, kum dobolbalamuk.

1 Tawarikh 21:7

Bukni, Daud birye,’ Anang nukuka, sik si seknalame,’ nyapdeibukba, apil dobik ning ara, Allah arye kanye kum deibuk anya arye, Allah elce sik Israel nang nirya ati wenebukce, ikin ning sik nong deice deibuk.

Mazmur 105:26

Winilamikba, Allah Yahweh, el melinanye Musa ap, el du Harun ap, Allah elce wipdeiamukce, ‘Israel ninye melinamdak’ tenen, dopdeibukba, sikda Mesir mutuku birik.

Keluaran 4:13

Nyabuk bukni, Musa birye tonap tamubuka nyabuk. “Naio na wini talak arye nyapkine. Na dolinina kume, yuk nang dopreipnulyame,” nyabuk.

Keluaran 4:17

Ati ara, ance akama bobuka balamince, ninye kum winipmanto ning winilaminba, ninye nirya kel biknamake. Ara, Israel ninye arye, ‘Kume, Allah arye pil dosulule,’ tenepnamak atia,” Allah arye Musa biti nyabuk.

Keluaran 4:27

Atalak ara, Allah el si Yahweh arye, Harun biti nyabuk. “Anda ninye kum unyak mutuku noutamak bimince, an weit koproba Musa ap, epdanamarurume,” nyabuk. Nyabuka ati, Allah arye nyapmok touk, Harun kekebukce, amutuku binuka, Allah min yuma talak yanuka tikamuk mutuku dam biyukba, Musa ap epdarikce, Israel ninye ulamik touk, sik telebe nyana ati, Musa biti mutubuk.

Bilangan 12:2

Ara, yuk nang kekenak ati, sikce nyalamdik. “Allah el si Yahweh arye dipkoprob Musa damuk, el yupu nyabuka arelul do? Kume, anggun ton tenipdelulume. Nun deice babye ton, Allah arye el yupu nyasiliba, nun ton kum nyanyam do, kum do?” nyabuka nyalamdik. Ayupu malye nyalamdik ning ati, Allah el si Yahweh kekebukce, yu ubuk.

Rasul 15:28

Allah El Dib Kanye ap, nun nirya ap, nun kanye talima ansinibuka neika upnamabe tenebupe ati, ikin ning tonap tabakuka anggun nong deice tabakuka tonap, kum deipnamabe. Bukni, amambul ning dem ara, pia kum wininamlume.

2 Korintus 2:13

Kel kipse bukni, na weit atonunye Titus ara, Teroas mutuku kum ulamukba, kum eipse ati, ‘Se tenen, na kanye talima noutamak teleb ulul do, kum do?’ tenen, na kanye talima noutamak ara, teleb ubuka kanye kum darapnuke. Titus kum eipse anya arye, sik Teroas mutuku ninye ati, “Telebe daulalume,” nyabuka, sik mutuku bataksirye, kirikuka Makedonia tam bise.

Pilipi 2:21

Ara, urtalya ati kum nyapsine. Sik yuk nang nirya ara, Yesus Kristus el pil ati, mambul kanye bobuka, ‘Pil donamape,’ kum tenenyake. Sik yuk nang nirya arye, talye ning, sik babye, tenebice ninguk tenebuka, winyaka ati nyapsine.

Yosua 24:5

Binuka ulamika ani, sik noutam arye, narye Musa ap, Harun ap, wepdeipse talak ara, narye Mesir ninye ulamikak, sik nong deice weik pirilen ning delilamsa ani, Israel ninye nirya bobuka, amutuku boyase.

1 Samuel 12:8

Tonok ning ara, ani. Anggun apu koproba, Yakub ap el aik ninye ap, Mesir mutuku noutamak biyikba, Mesir ninye ary, ikin pil aruklamikba, dolamik. Aminyan talak, anggun apu yapu, ikin weik ulamikce, malye kanye bolamikba, ‘Allah arye melibuka lyepdopnamsil’ tenen, Yahweh ati morolamikba, kekebukce, Musa ap, Harun ap, wipdeibukba, sik bitinye arye, anggun apu yapu bobuka, Mesir mutuku noutamak arye, boyanamdik. Boyanamdikba, aunmab mutuku wekuka, aik dobuka, teleb ubuka aulamik.

1 Samuel 2:27

Tonok sum ton, Allah el yupu laka nyananye, aminyan winipnamuk ning, laka lenanye bira, Eli dam yayukce, Allah nyapdeipmok ning ati nyabuk. Allah el si Yahweh arye nyapkile. “Mesir mutuku noutamak, Firaun birye, sik apu yapu nang ati, ikin pil dilamukba, ikin weik ulamikbuk, narye lyepromsa deice arye, kel bikamnike. Allah ara, na uka,” nyabuk.