Sik imam nang ap, sik pil don ati melin nang, Lewi yala nang ap, sikce Allah ati, “Se, nun ni Allah, ance amutuku unyak nang nirya ara, teleb kipdeiplyame,” nyabuka morobik. Nyabuka morobikura, pia teleb sukum, im deice pia teleb lek pia teleb ululnye Allah arye, sik anang patabuk ati, morobik ning ara, akunum kekebuka melibuk.
Keluaran 39:43 - Eipomek43 Aning nirya akunum winibikura, Musa arye, apil dobik ning nirya dipdeyukce, aning nirya ara, dipkoprob Allah Yahweh arye, “Apil ara winibuka dopnamlume,” nyapdeiamuk atonun, winibuka dobik. Apil nirya akunum dobik ati, Musa arye sik Israel nang nirya ati, ‘Allah arye, ninye teleb keipnamleʼ tenen, yupu weik arye teleb kipdeibuk. အခန်းကိုကြည့်ပါ။ |
Keluaran 39:43
24 ပူးပေါင်းရင်းမြစ်များ
Daud arye, aning nirya akunum winibukce, Allah ati si erebukopura, ‘Allah arye, Israel mutuku nang nirya ati, teleb kipdeipnamle’ tenen, teleb yupu uk nyapdeibuk. Ara, “Nun ni koprop Allah, el si Yahweh, aning-aning nirya deice tam ulirye, pia mikip weiknye ulula anya arye, el si deice arye nyapne. ‘Elce Israel nang nirya ati, teleb kipdeipnamle’ tenen, Allah moropsine,” Daud birye nyabuk.
Ati nun ni Allah an si ara Yahweh, an pia teleb winilyam ning ap, mikip weik arye pil dolyam ning ap, ninye nirya arye anti, “Elda pia telebe,” nyabuka, an si erenamkiyak ning ap nirya ara, ‘Aning nirya pia ati aunamle’ tenen, moropkine. Tonda, anda Allah Yahweh, ance kwepdeiyalum ning dimince, ‘Aning nirya ati kanye deibuka teleb unalam’ tenen, moropkine.
Yosua birye, sik anang ati, teleb yupu nyabuk. Ara, ‘Allah arye anang ati, melipliba sikda, pia telebuk unamakʼ tenen, teleb yupu sik deice nyapdeibuk. Tonda, sik anang ati, “Teleb aryuk, Kanaan mutuku batakuka, tamubuka sik mutuku, Yordan mek koubuka, otam keting panalyangan tam, dabinuka unamlulume,” nyabukopura, sik nirya ara, sik unamik mutuku koproba biyik.
Melkisedek birye, Abram biti, ‘Teleb kideipnamne’ tenen, teleb yupu nyabukce, ayupu ton nyapdeibuk. “Aning-aning deice tam ulirye, mikip weik ubuka ululnye ara, nun ni Allah, elce aning-aning ap, im deice ap, tukwak mutuku nirya ap kwepdeibuk. Nun ni Allah arye, an Abram ati, pia teleb kipdeipnamkile.
‘Mangkau arye malye winibibyak’ tenen, Allah yupu moubuka kekebibirye, ‘Malye ning ani, teleb ning ani’ tenen, moubuka kel kibibirye, malye winin ning batakibirye, diksukum un ninguk, talibuka unamabe. Ara, Allah arye nyasilye yupu nirya, kekebuka pia talilamlenye bira, Allah arye anye biti, weik dekna ning arepliba, dopropnamle. Tonda, Allah el yupu uk moubuka talilirye, diksukumuk ululnye bira, el winin ning nirya ara, telebuk upra banamle.
Atalak ara, Daud birye domba ato ning nirya obuka, uku dongobikce, yuk teleb arin ning akunum arebuka sirya dakdongobikopura, el adiparyuk Allah ati morobuk. Ara, “Nun Israel mutuku noutam unyap nang nirya ap, nun mutuku ap, na ni Allah, ance teleb kipdeipsimince melipsutume,” nyabuka morobukce, Allah el si deice arye, ‘Israel nang nirya ara telebuk unamakʼ tenen, elce teleb yupu nyabuk.
Na aik dopnunikce talak ara, narye anti, ‘Aning atonun wipnulyame,’ laka nyapdeipnamkin touk, winibuka dopnamninyake. Ara, anyaik ap, anyaik pum tam delinamak ning nirya ap, anyaik don ning yuk-yuk ning nirya ap ara, narye tenepnirye, ‘Na si eren aik dona ara, aninguk winipnamlume,’ nyabuka, laka nyapdeipnamsin ninguk, lyom kain ap, yuk teleb ning ap arye, natia tenda aik dopnamnulume.
“Anyapmasin ning ara, anggun pia ati, aketing tamun, aketing tamun nirya, like tonok deice aryuk, apil dopnin banamlulume. Ara, na adiparyuk opsitinye bukni, anggun pununa ati, Israel ninye anggun malye winin ning kilibuka lyena ati, anyapmasin pil pia donamlulume,” na Allah arye nyapsine. Aning ara, Allah el si Yahweh arye, ‘Wininamlulume,’ nyabuka, Musa biti nyabuk touk, Harun birye anyapmok ning nirya atonun, binuka pil dopnin balamuk.
Ura, sik Manasye yala nang bukni, dana tam bokdomik nang ara, keting panalyangan tam aunamik nang ati, Musa birye, Bashan tam mutuku ton akunum dobuka areamuk. Bukni, sik Manasye yala nang bukni, dana tam bokdomik nang ara, keting kumulban tam mutuku arebukba, amutuku noutam ulamik. Ara, sik kayapu nang, yuk Israel yala nang mutuku dam areamukba, doprobikce, aulamik. Ati, ‘Aninye ton, sikce sik mutuku tamubuka binuyakʼ tenen, Yosua birye, anang ati, teleb yupu nyabuk. Ara, ‘Allah arye anang ati, melipliba, sikda pia telebuk unamakʼ tenen, teleb yupu, sik deice nyapdeibuk.
Tonda sik yupu deice wala si silamik ning ara, wala si Bul wala noutam ara, anyaik don pil ara sirya dakik. Tonda sik keting tamun nuklamik touk, ara keting tamun kumce utam, (11) sebelas deice arye, aketing tamun ara Salomo ap, el pil don nang ap arye, Allah el si eren aik dobuka sirya dakik. Ara, Allah arye, “Wininamlume, wininamlume,” nyamuk touk, sikce dolamika ani, sirya dakik. Solomo ap, el pil don nang ap arye, keting tamun tekbarye deice arye, dolamika ani sirya dakik.
ကြော်ငြာတွေ