Keluaran 39:3 - Eipomek

³ Bezaleel ap, Aholiab ap, sikce dekna pia weik ning, el si emas dobuka, martalok arye teing-teing apdikba, pia mitik kup-kup ara, aning nirya sekdikba, benang tapu mitik tonun ubukopura, aning dopropdikce, kain lenan deice deibuka wiprik. Awiprik tapu, el urasin ara, warna biru ning ap, warna unggu ning ap, ining bi merah ning ap deice arye deibuka wiprik. Awina pil nirya ara, baju wina kel weiknye birye wibuk.

Keluaran 39:3 ပူးပေါင်းရင်းမြစ်များ

Mazmur 45:13

Se, nun deiyoknye Rajao! Tirus mutuku ninye ara, pia bona talin nang unyak bukni, aminyan talak ara, sik talima noutam nirya arye anti, ‘Kanye deipsuturye, melinamsil’ tenen, pia teleb ning boyanuka, an dam arelyanganamake.

Keluaran 25:4

Tonda, urasin pia teleb kain, el si ara lenan ap, kain win tapu, el si ara, wol ap arelyanganamake. Ara, lenan kain ap, wol tapu warna biru ap, warna unggu ning ap, ining bi ning warna merah ap, arelyanganamake. Tonda, Kambing potong arye wibik baju ap, boyanuka arelyanganamake.

Keluaran 26:1

Allah Yahweh arye, Musa biti, nyabuk. Na si erena ati, na ap, ninye ap eldana ati aik, dopnamnulume. Anyaik ara, tenda kain, el si ara lenan, pia teleb ning takubarye (10) sekuka, kintineip deipnamnulume. Ara, pia teleb namin kain lenan ap, tonda, kain win tapu mirin koprop ning, warna biru ning ap, warna unggu ning ap, tonda ining bi ning ap, nirya kintineip deipnamlume. Atenda kain deice nirya ara, malaikat atonun ning, el si Kerub ton, wina kel weik bikamlinye birye, Kerub urasin atonun kibuka, akain deice wibikirye, gambar deibuka kintineipnamlume.

Keluaran 36:8

Ura, sik kel weik bikamik nang kan-kan noutam arye, ninye ton, Allah el si eren aik tia doltakne aik dona ati, tenda wina ati kel weik nang wipdeipniba, adoltakne aik dona ati ara, pia teleb cang kain, el si lenan, sepuluh (10) wibuka kintinip deibik. Ara, pia teleb tenda win tapu, el si wol, warna biru ap, warna unggu tua ap, ining bi ning warna merah ap nirya arye, atenda deice gambar atonun ning wibuka kintinip deibik. Ara, acang kain deice ara, malaikat atonun ning, el si ara Kerub, urasin atonun wipdeibik.

Keluaran 39:2

Harun el Efod baju wina ati ara, kain lenan teleb namin ning arye kwanipdongobuka wiprik. Awiprik ning deice ning ara, kain wol el urasin ara, emas ning ap, warna biru ning ap, warna unggu ap, ining bi merah ning ap, dobuka deiprikce wiprik.

Keluaran 39:4

Aning akunum winipdikura, el dukulongon ning bitinye ton, Efod baju toupne deice dana-dana arye, dukdongobuka deiprikce, kitiprik. Ara, Efod baju ting dam kibuka, daralongona ati, Efod baju kouna dana-dana yanuka, deibuka dukdongopdik.