Keluaran 38:2 - Eipomek

² Ining ning obuka, uku dongonak, el si mesba, memebuk talak ara, el kup-kup itam dana-dana nirya ara, sapi basam kisok tatce belelamle ning atonun ubuka, memebuka deibuk. Adobuka deibuk ning nirya ara, nong tonok ubuka dukdongobuka debukce, urasin teleb kat ning, el si perunggu arye taplak deibukce dobuk.

Keluaran 38:2 ပူးပေါင်းရင်းမြစ်များ

Ayub 6:12

Anggun ton tenipdelulume! Na nong ara, kat weik keil bulamla atonun, nara mikip weik unulul do? Tonda na nong ara, kat ning el si ara tembaga, kat weik ulamle touk, na mikip ara, atonun unulul do? Pia kume.

Keluaran 27:2

Na Allah ati, kam ning obuka boyakiba, uku dapnaminya ati, dopminye aik deice tam ara, sapi basam kisok deice arye, tace ning belelamle atonun, kintineip deipnalyame. Amemepdeipnalam ning, sirik dana-dana dumbarye nirya ara, yuk-yuk belepdeipnalyame. Winipmunyeura, adelina ap, el tace ap ara, nong tonok atonun kipnamlyame. Tonda, ‘El urasin teleb unamleʼ tenen, teleb kat ning, el si ara perunggu arye, palipdeipmince, memepdeipnamlyame.

Keluaran 38:1

Bezaleel birye, kat yo, el si ara akasia yo dobukabukce, Israel ninye ara, ‘Allah arye, nun malye unyap ning, namin kipsilirye, lyepnamsilʼ tenen, Allah el si arena ati, kam ning obuka uku dongonak, el si ara mesba, memebuka dobuk. Amesba dona ati, kup-kup dana-dana kiklipdeyukce, el cang ap, el pala ap nirya ara, sik yuk-yuk bukni, el kiklina ara, tonok 2,2 meter kiklibukce, sekuka dobuk. Tonda, amesba el anirye eitam tikilin yo, el cang ara, 1,3 meter kiklibuka sekuk.

Keluaran 38:3

Tonda, Besaleel birye, kam ning obuka, uku dongonak mesba memebuka deibuk ning ara, tup ning dan ati, el si ara kuali, ton memebuk. Tonda, uku kalum luna sekop ap, ining burubuka likin makau mangkok ap, tonda tup lukuka dolon ning, el si garpu ap, tonda uku sekenak ap nirya, memebuk. Aning nirya memena ati ara, urasin teleb kat ning, perunggu deice aryuk puturubukce, aning nirya dobuka memebuk.