Keluaran 37:18 - Eipomek

¹⁸ Alampu weisa noutam ara, deiyok tonok welebuk bukni, adeice arye, kwa nakub barye (6) memebuka deibuk. Ara, dantam lilun kwa winilye, dantam lilun babye, kwa winilye ton kintinibuka deibuk. Akwa winililye, winililye ubuk ning ara, ansinibukak nirya nakub barye buk (6), aning noutam deiyoknye ara, tonok ning uka.

Keluaran 37:18 ပူးပေါင်းရင်းမြစ်များ

Keluaran 25:32

Aweisa deiyok ning noutam arye, tonok cang ning welepnamlule. Aweleplya deice arye, baru dana tam ara, kwa winilye welebuka, sirik tam deipnamlume. Aning atonun ton, dana tam babye, kwa wililye welebuka kwanim tam deipnamlume. Anya arye, anirya tabakuka memepmunyopura, wisa talinamak ning, nakub barye memepmunce, kintinibuka deipnamlume.

Keluaran 37:17

Bezaleel birye, lampu weisa deiyok koubuk. Ara, alampu weisa yuk ning ap, yangabuka delin ning ap ara, emas pia teleb ning aryuk, kat ning martalok arye, teing-teing abuka moubuka memebuk. Adeice ara, yo kita opnulya ati, bulamle ning atonun ning ap, bangku atonun ning ap ara, urasin teleb kat ning emas arye, puturubuka deibukba tonok kibuk.

Keluaran 37:19

Akwa kintinibuka deibukak talina ati ara, keit ning, el si bunga badam, dumbarye (4) puturubuka deibuk. Winibukce, adumbarye ning nirya ara, el kita olamle atonun ning ap, el kait popnulya ati, irin ning yoklamle ning ap, el irin ning ap, yuk-yuk kintinibuka deibuk. Atonun, anakubarye (6) kwa noutam deiyok arye, belebuk ning nirya ara, akeit lelamle ning, urasin atonun ning puturubukce deibuk.

Bilangan 8:2

“Ance, Harun biti binuka nyapnalyame, ‘Upna lalamle ning ara, tekbarye, memebuka kintinip deibikcopura, aupna el deiyok deice uk binuka deipnulule. Atalak ara, ance moubuka deipminba, alampu upna urasin dam nirya ara, dirina uk unamlule,’ nyapnamlyame,” Allah arye nyabuk.